1 Kurin 7:6 - Udél Dwata: Gna Kesfasad ne Lomi Kesfasad

⁶ Sundu hlau du nim monu ni, okóm olohu mon du mò kuy yóm hyu bélê ye.

1 Kurin 7:6 Referans Kwoze

2 Kurin 8:8

Sundu mon dé ke dóku yu bemlay. Okóm yó dé gónóhu tmulón du kuy yóm kul kegduf bemlay yó kem dumu tau anì wen lan ye hegfan du se kuy ke tahu duhen yóm kuy kbong nawa.

1 Kurin 7:25

Bong bè yóm snólók ye bè yó kem tau là dengen myehen, laen dù hlau lemwót bè yóm gónó tekuy mogot ke gbak bè nim snólók ye ni. Okóm wen tulónu kuy lemwót bè yóm dou kmò kehedem du. Ne denge baling tau gsalig lemwót bè yóm kkoduhen dou yóm gónó tekuy mogot.

1 Kurin 7:12

Ne bè yó kem dumu tau wen udélu ebélê ye snéen, okóm là lemwóten bè yóm gónó tekuy mogot nim udélu ni. Yó monu mò kuy, ke wen tau hemtahu, fen là hemtahuhen yóm tuha libunen, okóm ke là hemtulahen yóm libun yó, hol béen abay dog kó sen.

2 Kurin 11:17

Bè nim kudélu keheklabak ni, là lómón du yóm kun kudél yóm gónó tekuy mogot. Hol lómó kudélu heklabak hol lómón kudél yóm tau nungel.

1 Kurin 7:10

Ne ni udélu ebè yó kem tau deng myehen. Là tódóen lemwót béléu nim monu ni, okóm lemwót bè yóm gónó tekuy mogot. Yóm libun deng myehen, hol béen abay skó bè yóm kun tuha logi.

1 Kurin 7:40

Bede bè dou kehedem du, tey bong hyu béléen he yóm libun bolu yó ke béen dog bud myehen. Bè kegnómu du nim monu mò kuy ni, denge galak bè yóm Tulus Dwata se dou.