1 Kurin 7:5 - Udél Dwata: Gna Kesfasad ne Lomi Kesfasad

⁵ Yó gónóm mon, yu kem tau syehen, hol ye gel steneb stungô. Són yó dé gónó ye là stungô ke wen kdaw blay ye ke Dwata anì laen dù hmala kuy bè yóm kni ye béléen. Okóm eles sentngón ye gna, omin ye bud stungô kogolen. Ke ni se nmò ye, laen dù lan Seitan smindil kuy lemwót bè yóm là kegbek ye mafas nawa ye.

1 Kurin 7:5 Referans Kwoze

Kehewà 19:15

Ne bud mon Musis mò kul, “Hol ye eles htifes bè yóm kdaw lewu ni ne béen wen tagad stungô bè libun.”

Juwél 2:16

Sentifun ye lu yóm kdéen tau. Eles tulón ye kul anì eles le hólós. Nwit ye yó kem tuha tau ne yó kem ngà kkólen bè yó kem hanà tolo tmutù. Balù yó kem tau lomi syehen na le tebel yóm gónó le nô anì mung le se kul.

Matyu 19:11

Bnalà Jisas se lu, monen, “Là kdéen du tau gembek du yóm là myehen. Són gónón gembek du ke tódô Dwata mò du.

1 Tisalunika 3:5

Yó gónóm mon, bè yóm là hol bud kegbalahu du yóm alì ksidek kónó nawahu kuy, yó se gónóhu hógów ke Timuti edyó mò gónów temngón du yóm mò kmò yóm kuy kehtahu. Mónó nawahu du yóm ksindil Seitan kuy, kô gmung ye du, ne kô mom baling kafa yóm tehe gel nmò me lem blóng ye.

Matyu 4:10

Bnalà Jisas se, monen, “Mdóhi bè ni, Seitan! Yakà deng monen du bè Sulat Dwata, ‘Béem tnilów Dwata yóm gónóm mogot ne són du hol nimónem.’ ”

Sikaraya 7:3

Ne wen snólók le bè yó kem tau gel blóng ebè yóm sana Dwata laen dù là gbeken du ne bè yó kem tugod Dwata bè yó. Yó snólók le, “Tódô henlel me kô langag ne fasting bè yóm glimuhen bulón bud kehtulón du nawa yóm tehe kegbà yóm Gónô Dwata, lómón yóm deng gel nmò me lem yóm hilu halay?”

1 Kurin 7:4

Abay se yóm libun deng myehen, là bud kun du funen ne yóm lówóhen, okóm yó mfun du, duhen yóm tuha logihen. Dalang se yóm logi, là bud kun du funen ne yóm lówóhen, okóm yó mfun du, duhen yóm tuha libunen.

Matyu 17:21

Okóm yóm tulus seitan malak yóm ngà yó koni, tek sotu hdó du, tek són yóm kni ye bè Dwata, mung du yóm kfasting ye.”