1 Kurin 7:25 - Udél Dwata: Gna Kesfasad ne Lomi Kesfasad

²⁵ Bong bè yóm snólók ye bè yó kem tau là dengen myehen, laen dù hlau lemwót bè yóm gónó tekuy mogot ke gbak bè nim snólók ye ni. Okóm wen tulónu kuy lemwót bè yóm dou kmò kehedem du. Ne denge baling tau gsalig lemwót bè yóm kkoduhen dou yóm gónó tekuy mogot.

1 Kurin 7:25 Referans Kwoze

1 Kurin 7:6

Sundu hlau du nim monu ni, okóm olohu mon du mò kuy yóm hyu bélê ye.

1 Kurin 4:2

Tek sotu hnebel Dwata bè yóm tau tóbóng lówóhen, tek són yóm kguliten.

1 Kurin 7:40

Bede bè dou kehedem du, tey bong hyu béléen he yóm libun bolu yó ke béen dog bud myehen. Bè kegnómu du nim monu mò kuy ni, denge galak bè yóm Tulus Dwata se dou.

1 Kurin 7:12

Ne bè yó kem dumu tau wen udélu ebélê ye snéen, okóm là lemwóten bè yóm gónó tekuy mogot nim udélu ni. Yó monu mò kuy, ke wen tau hemtahu, fen là hemtahuhen yóm tuha libunen, okóm ke là hemtulahen yóm libun yó, hol béen abay dog kó sen.

2 Kurin 11:17

Bè nim kudélu keheklabak ni, là lómón du yóm kun kudél yóm gónó tekuy mogot. Hol lómó kudélu heklabak hol lómón kudél yóm tau nungel.

2 Kurin 2:17

Bélê me kum, là kô me mkél bè yó kem dumu tau tmolok Udél Dwata, són filak gel hnebel le. Tey dê se kem tau mò du yóm yó. Okóm lemwót bè yóm khógów Dwata kum, tey gulit kmò me du yóm hmoen kum, hol lómón ke nô me bè soluhen bè yóm gel ktolok me, yakà deng me tóbóng lówó Krays.

1 Kurin 15:10

Okóm yó gónóhu baling tau hógówen, tódô lemwót bè yóm tey nawa Dwata dou. Ne yóm nawahen dou yó, tey wen uléken. Bè ktahuhen, bè kdê yó kem dumu tau gel hógówen, là kô gesenged le du se yóm dou kteneb mò nmò bè Jisas. Okóm là kóen na a lemwót bè dou kgis yóm kmou du, tódô lemwót bè yóm któbóng Dwata dou.

1 Kurin 7:34

Yó gónón seblangan nawan, lelen tô hefligal yóm gónón mogot ne lelen tô hefligal ke tuha libunen. Dalang se yóm libun là myehenen, kaem gbeken hmotu nawan hemdem du se kun yóm hmoen du yóm gónón mogot. Hotuhen nawahen ebè yóm gónón mogot, ne hotuhen gelen mò nmò béléen. Okóm yóm libun wen yehenen, dê dumu hendemen mò gónón hefligal ke tuha logihen.

1 Kurin 7:28

Okóm ke móyô myehen se yóm logi, là salaen du. Senged se yóm libun ke móyô myehen, tô nan sidek du? Okóm bè yó kem tau deng myehen, tey dê gónón mgel klowil le, ne kóyóu ke là gnóm ye du yóm kgelen yó.

1 Kurin 7:10

Ne ni udélu ebè yó kem tau deng myehen. Là tódóen lemwót béléu nim monu ni, okóm lemwót bè yóm gónó tekuy mogot. Yóm libun deng myehen, hol béen abay skó bè yóm kun tuha logi.

Kem Lingón 78:63

Gotu le matay bè gida yó kem ngà le logi lomi lemnok, yó gónón laen dù bud yehen yó kem sawang libun le.