1 Kurin 7:22 - Udél Dwata: Gna Kesfasad ne Lomi Kesfasad

²² Ke deng tnaba yóm gónó tekuy mogot yóm tau klifen, là kóen bud klifen ne bè yóm ktonen du yóm gónón mogot. Senged snéen yóm tau là klifenen, ke deng tnaba Krays deng klifen béléen ne.

1 Kurin 7:22 Referans Kwoze

1 Pitér 2:16

Ya mon ke tau talak tonok yóm tahu gónó ye mogot. Syan dé bê ye nmò yóm sidek bè yóm là kogot ye bélê le. Hol henyu ye kmò ye bè kem dumu tau, abay se tauhen yu Dwata.

Filimun 1:16

Bè yóm kuléken ebéléem ni, là kóen na a olo bud tô klifen béléem, bede deng baling hol dumum setwoli sogot nawa bè Krays. Lómón yó snéen yóm dou kehedem du yóm knóen dini béléu. Milud he yó dum kóm nawa du lemwót bè yóm kfunem du, ne lemwót bè yóm kessotu nawa ye hemtahu bè yóm gónó tekuy mogot.

Glasya 5:13

Bélê ye kuy, kem dumuhu setwoli, deng tnaba Dwata yu ebéléen anì là bud ye ghesek du ne yó kem hlau Musis. Okóm baluen ke là bud ye ghesek du, hol bê ye abay tódô nmung yóm sidek knóyô lówó ye. Yó dé tles nmò ye, tnóbóng ye kem dumu ye lemwót bè kesbong ye nawa.

Glasya 5:1

Là bud tekuy ghesek du ne yóm hlau Musis, abay se deng lenwà Krays tekuy. Yó gónóm mon, hol tekuy hebegel anì là bud tekuy ghesek du yóm hlau yó.

Kem Lingón 116:16

Ou se tóbóng lówóhem, Dwata. Nimónu uu hol lómón yóm tehe kimón yê kóm. Deng lenwaem ou lem hatay.

Sulat Jud 1:1

Ou se Jud gónón lemwót nim sulat ni. Ou se yóm sotu tau mò tóbóng lówó Jisas Krays, ne ou se yóm twoli Jim. Smulate ebélê ye yu kem tau deng tehe tnaba Dwata. Tey kbong nawahen kuy Dwata, yóm Mà tekuy bè longit, ne tey gel kofinen kuy Jisas Krays.

2 Pitér 1:1

Bud ou se Simun Pitér gónón lemwót nim sulat ni, yóm sotu gel tóbóng lówó Jisas Krays, yóm gel hógówen. Bude smulat ebélê ye yu kem tau deng hemtahu bè Jisas Krays, yóm Dwata tekuy, yóm deng lemwà tekuy gu lem hatay. Lemwót bè yóm ktedeng nawahen, yó gónón hembaling kuy tau hemtahu béléen hol lómón yóm tehe kehbalingen kum tau hemtahu béléen.

Kulasi 4:12

Tey gel kólóm Ipafras kuy snéen kun sotu tau lemwót dyó bélê ye, yóm sotu tóbóng lówó Krays Jisas. Tey gel knihen bélê ye bè Dwata anì hol hbegelen yóm kehtahu ye, ne anì hol gtukul ye yóm kun kóyô bélê ye Dwata ne anì hol gulit klolò ye du.

Glasya 1:10

Nim udélu ni koni, yó kô udél yóm tau ke hnebelen kdóyón le du yó kem dumuhen tau? Là kô yó du. Okóm yó dé hol hnebel nawaw, duhen yóm kdóyón Dwata dou. Là kô hnebelu du ke wen tau dmóyón dou. Ke yó tô nmou, là kóe tau tóbóng lówó Krays ilóu.

1 Kurin 9:19

Nim ou, laen kô deng tau gónóhu klifen. Okóm tódô kem ou ne heklifen knóu bè kdéen tau anì hol temnù kwenen yóm tau nwitu ebè Krays.

Sulat Pol Ebè Yó Kem Tau Hemtahu Bè Rom 1:1

Ou se Pol yóm smulat ebélê ye ni, yóm sotu tau gel tóbóng lówó Krays Jisas. Deng nélék Dwata ou, ne deng tnabahen o mò gel hógówen mit yóm Tulón Hyu lemwót gu béléen.

1 Kurin 7:21

Ke uu sotu tau klifen bè yóm kdaw ktaba Dwata kóm, kem kunen ne yó. Okóm ke wen se lanem gewà gu lemen, sawang là hewai.

1 Kurin 9:21

Senged se ke nóe lem blóng yó kem tau là Ju le, là kô naw e lolò du yóm kum hlau mi kem Ju abay se là kul hlau du yóm yó. Okóm tódóe hmung bè kul adat anì wen lanu mit kul ebè Krays. Ya mon ke là bud lolou du yóm hlau Dwata. Lómón ke gotu lolou lu se lanu lemolò yóm hlau Krays.