1 Kurin 7:2 - Udél Dwata: Gna Kesfasad ne Lomi Kesfasad

² Okóm lemwót bè yóm tey klahilen bélê ye yóm mò samuk, yó se gónón hyu ke ket logi ne ket libun wen kul mdengen yehen.

1 Kurin 7:2 Referans Kwoze

Ifisus 5:28

Ne yó kem logi, hol kenbong le nawa yó kem kul tuha libun, lómón se yóm kbong nawa le yóm kul knô. Yóm tau ke kenbong nawahen yóm kun tuha libun, hol lómón ke kun knô yóm kenbong nawahen.

Ifisus 5:33

Okóm gbak ebè yó kem tau syehen snéen. Ket logi, yake hol kenbong nawahen yóm kun tuha libun, lómón se yó nem kbong nawahen yóm kun knô. Ne yu kem libun, hol nadat ye yóm kuy tuha logi.

1 Kurin 7:9

Okóm ke là gbek ye mafas nawa ye, tumù nawa ye tódô myehen ne. Mom hyu nawa ye ke myehen ye olo ke deng mom là gbek ye du mafas nawa ye.

Kem Udél Hlalak Tehe Selumun 18:22

Yóm tau mton yehen tonen yóm hyu béléen ne gutahen yóm kehyu nawa Dwata ebéléen.

1 Kurin 6:18

Holi hlayuk du yóm mò samuk. Balù kihu dumu salà nmò tau, là gomongen lemen yóm lówóhen. Okóm yóm tau mò samuk, gomong hensideken yóm kun lówó.

1 Timuti 4:3

Yó gel tolok le, là hyuhen kun ke myehen yóm tau, ne sotuhen, alì dê hlii le bè ken. Okóm yó gónó Dwata tehe dmimun kul ni kem ken ni mò lowil kem tau, mò lewót gónó le gel dmóyón ke Dwata yó kem tau deng hemtahu béléen, yó kem tau deng temngón du yóm ktahuhen.

Malakay 2:14

Sal gel mon ye, “Moen de ke là henmóyô Dwata du yó kem gel blay me du?” Yó gónón là hemmóyô du abay se bè yóm tehe kyehen ye bè yóm hanà klomi ye tau, tehe nô bè yó se Dwata fen temksì du yóm deng senfasad ye yóm libun yehen ye, yóm libun deng ndà ye nim kmoen ni, igoen lu yóm mò dumu ye sbalà, deng dumu ye sfasad.

Kem Udél Hlalak Tehe Selumun 19:14

Yóm gónô ne yó kem kendengenen yóm logi sal umun lemwót bè kem tuhahen, okóm yóm libun hulung milô mò yehenen, lemwót bè Dwata.

Matyu 5:32

Okóm yóm dou tulón kuy, là hyuhen yóm logi ke tódô kóhen yóm yehenen igoen là mdà du. Ke bud myehen dumu logi yóm libun yó, deng mdà yehen se kun, okóm yóm logi gna yehenen, du buten yóm kegsalaen. Ne yóm logi bud myehen du yóm libun yó, bud salaen bè Dwata se kun.”

1 Kurin 7:1

Ne ni balau du bè yóm tehe snólók ye béléu bè yóm ksulat ye. Bong bè yóm snólók ye bè kyehen, hyu snéen yóm tau ke là dogen myehen.

1 Kurin 7:3

Ne yó kem tau syehen, là hyuhen ke là steneb le. Yó dé hyu ke ket sotu bélê le eles hendem le gónón gsengel yóm kesyehen le.

1 Tisalunika 4:4

Ne kóyóen ke ket kuy sotu hol hfulung mafas nawan bè yóm knóyô lówóhen. Hyu ke laen dù belenen yóm gel nmò ye, ne ke eles ten-gama ye yóm kuy lówó.