1 Kurin 7:18 - Udél Dwata: Gna Kesfasad ne Lomi Kesfasad

¹⁸ Lómón yó sem logi deng htulì, là kóen hyu ke bud tô kóhen bè yóm deng kehtahuhen. Ne yóm tau là deng tnulì, là kóen hyu ke tô htulì bè yóm deng kehtahuhen.

1 Kurin 7:18 Referans Kwoze

Kul Nmò 15:5

Okóm wen se kem Farisi deng hemtahu bè Jisas mung bélê le. Hebkó le mdà lem blóng le, ne mon le mò kul, “Yó kem tau là Ju le deng hemtahu yó, là hyuhen ke là htulì le, ne ke là hlolò du kul yóm hlau Musis.”

Kul Nmò 15:28

Bong bè yóm snólók ye bélê me, ni se deng kessotu kestulón me du mlan bè yóm Tulus Dwata. Hendem me là hyuhen ke alì dê hlolò me kuy. Olon ni dii mò lolò ye.

Kul Nmò 15:24

Gungol me yóm tey kesbeweg ye bè yó lanen wen tau tmolok bélê ye lemwót dini bélê me, okóm là kô tngón me du yóm kul nmò yó.

Kul Nmò 15:19

Duhen yó,” mon Jim, “bè dou kmò kehedem du, béen dê tô hlolò tekuy kul yó kem tau là Juhen deng hemtahu bè Dwata.

Kulasi 3:11

Yó nefeten nim lomi klowil ni, laen dù bud gónón stólóng ne yóm tau Ju ne yóm tau là Juhen, yóm tau tnulì ne yóm tau là tnulien, yóm tau tólóng udélen, ne yóm tau laen dù tngónen, yóm tau klifen ne yóm tau là klifenen, abay se Krays yóm alì bong muhen bè kdéen, ne du se tendo nô bélê tekuy.

Kul Nmò 21:21

Deng wen ne tmulón du bè yó kem Ju hemtahu bè Jisas bè ni bè Jirusalim yóm gel ktolokem bè yó kem Ju menwu lem blóng yó kem tau là Ju le. Yó kun gel monem, bê ye bud lolò ne yó kem hlau Musis ne bud mon le gel tolokem yó kem tau, bê le bud lolò ne yó kem hlau bè ktulì kem ngà ne yó kem dumu adat le.