1 Kurin 7:12 - Udél Dwata: Gna Kesfasad ne Lomi Kesfasad

¹² Ne bè yó kem dumu tau wen udélu ebélê ye snéen, okóm là lemwóten bè yóm gónó tekuy mogot nim udélu ni. Yó monu mò kuy, ke wen tau hemtahu, fen là hemtahuhen yóm tuha libunen, okóm ke là hemtulahen yóm libun yó, hol béen abay dog kó sen.

1 Kurin 7:12 Referans Kwoze

2 Kurin 11:17

Bè nim kudélu keheklabak ni, là lómón du yóm kun kudél yóm gónó tekuy mogot. Hol lómó kudélu heklabak hol lómón kudél yóm tau nungel.

1 Kurin 7:6

Sundu hlau du nim monu ni, okóm olohu mon du mò kuy yóm hyu bélê ye.

1 Kurin 7:25

Bong bè yóm snólók ye bè yó kem tau là dengen myehen, laen dù hlau lemwót bè yóm gónó tekuy mogot ke gbak bè nim snólók ye ni. Okóm wen tulónu kuy lemwót bè yóm dou kmò kehedem du. Ne denge baling tau gsalig lemwót bè yóm kkoduhen dou yóm gónó tekuy mogot.

1 Kurin 7:11

Okóm ke deng skó, hol béen abay bud myehen dumu logi. Song hyu ke tódô bud nuléken yóm kun sana tuha logi. Senged snéen bè yóm logi deng myehen, hol béen abay skó bè yóm kun tuha libun.

1 Kurin 7:13

Senged se ke bè libun hemtahu, ne fen là hemtahuhen yóm tuha logihen, okóm ke là hemtulahen yóm logi yó, hol béen abay dog kó sen.

1 Kurin 7:27

Okóm ke dengi se myehen, béi mom bud tô skó béléen. Okóm ke là dengi myehen, béi dog kem mebel yehen ne.