1 Kurin 7:10 - Udél Dwata: Gna Kesfasad ne Lomi Kesfasad

¹⁰ Ne ni udélu ebè yó kem tau deng myehen. Là tódóen lemwót béléu nim monu ni, okóm lemwót bè yóm gónó tekuy mogot. Yóm libun deng myehen, hol béen abay skó bè yóm kun tuha logi.

1 Kurin 7:10 Referans Kwoze

Matyu 5:32

Okóm yóm dou tulón kuy, là hyuhen yóm logi ke tódô kóhen yóm yehenen igoen là mdà du. Ke bud myehen dumu logi yóm libun yó, deng mdà yehen se kun, okóm yóm logi gna yehenen, du buten yóm kegsalaen. Ne yóm logi bud myehen du yóm libun yó, bud salaen bè Dwata se kun.”

Kun Snulat Luk 16:18

Ne bud mon Jisas, “Yóm logi ke kóhen yehenen ne bud myehen dumu libun, deng ndaen ne yóm libun gna yehenen. Ne ke wen dumu logi bud myehen du yóm libun yó, bud salaen bè Dwata se kun.”

1 Kurin 7:15

Okóm yóm tau là hemtahuhen monu yó koni, ke tódô lemwót bè kun kóyô skó bè yóm yehenen deng hemtahu, tódô bayà du ne. Là buden gfét du ne yóm yehenen là hemtahuhen yó. Abay se hol kóyô Dwata bè yó kem tau syehen ke wen kessotu nawa le.

Jirimaya 3:20

Okóm kem tau Israél, deng mom tebel ye ou. Deng ye mkél bè yóm libun tebelen yehenen,” mon Dwata.

1 Kurin 7:12

Ne bè yó kem dumu tau wen udélu ebélê ye snéen, okóm là lemwóten bè yóm gónó tekuy mogot nim udélu ni. Yó monu mò kuy, ke wen tau hemtahu, fen là hemtahuhen yóm tuha libunen, okóm ke là hemtulahen yóm libun yó, hol béen abay dog kó sen.

1 Kurin 7:25

Bong bè yóm snólók ye bè yó kem tau là dengen myehen, laen dù hlau lemwót bè yóm gónó tekuy mogot ke gbak bè nim snólók ye ni. Okóm wen tulónu kuy lemwót bè yóm dou kmò kehedem du. Ne denge baling tau gsalig lemwót bè yóm kkoduhen dou yóm gónó tekuy mogot.

1 Kurin 7:6

Sundu hlau du nim monu ni, okóm olohu mon du mò kuy yóm hyu bélê ye.

1 Kurin 7:40

Bede bè dou kehedem du, tey bong hyu béléen he yóm libun bolu yó ke béen dog bud myehen. Bè kegnómu du nim monu mò kuy ni, denge galak bè yóm Tulus Dwata se dou.

Mark 10:2

Yóm knóen bè yó, wen kem Farisi mógów ebéléen, wen snólók le béléen mò dalil duón le du, mon le, “Là sideken bè hlau tekuy kô ke skó bè yehenen yóm logi?”

1 Kurin 7:11

Okóm ke deng skó, hol béen abay bud myehen dumu logi. Song hyu ke tódô bud nuléken yóm kun sana tuha logi. Senged snéen bè yóm logi deng myehen, hol béen abay skó bè yóm kun tuha libun.