1 Kurin 6:8 - Udél Dwata: Gna Kesfasad ne Lomi Kesfasad

⁸ Okóm ni deng mom yu lemugi yó kem dumu ye hemtahu, lel ye mnagaw kimu le igò ye sem hono tau hemtahu.

1 Kurin 6:8 Referans Kwoze

1 Tisalunika 4:6

Kóyô Dwata ke là nulé ye du ni kem monu ni koni, anì laen dù gónó ye sgulé bè kem dumu ye. Deng tehe tulón me kuy se nim ni, ne deng tehe eles hetgama me kuy yóm ktafak yóm gónó tekuy mogot yó kem tau mò du.

Kulasi 3:25

Okóm yóm tau mò sidek, bud sidek snéen balaen, abay se yóm Dwata laen kô mtukul tau knihuhen.

Sulat Jim 5:4

Ngem yó kem sukéy tehe là hsut ye du bè yó kem tau mò nmò bélê ye, yó se yóm fen kmamo kuy bè Dwata. Hnungol ye dé yóm keslón le kuy yó kem tau mò nmò bélê ye. Deng gefet bè Dwata, yóm gónó mogot hol mfasang bè kdéen yóm ktaba le ebéléen.

Mark 10:19

Deng tngónem se yó kem hlau Dwata, yóm monen, ‘Béi monok. Béi mdà yehen. Béi mnagaw. Béi tmifù kéng. Béi lemugi. Nadatem maem ne yéem.’ ”

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Mika 2:2

Yó kem tau matul mò sidek yó, ke nóyô le ma tonok sotu tau, tódô nled le. Ke nóyô le gónô kem dumu le, tódô nwa le. Laen kô dù tau menek kkimuhen bélê le.

Hlolò 19:13

Bê ye abay leningko kem dumu ye ne béen abay wen hennagaw ye bélê le. Bê ye abay nanggà efet kól haya sukéy yóm tau mò nmò bélê ye.

Matyu 20:13

Bnalà yóm tau fun hulu yóm sotu tau mudél ebéléen, monen, ‘Ó Wè, là kô lenugihu kóm. Igò tekuy sem deng hyu semtulón du du eginu yóm sukéy ye sendaw.