1 Kurin 6:3 - Udél Dwata: Gna Kesfasad ne Lomi Kesfasad

³ Deng hónô tngón ye snéen, balù yó kem hógów Dwata gu bè longit, angat knukum tekuy lu. Ke lómón yó angat nmò tekuy, élél là gbek knukum du yó dum olo knukum leneken talak tonok.

1 Kurin 6:3 Referans Kwoze

Sulat Jud 1:6

Ne sotuhen, yó kem tehe gel hógów Dwata gel nô bè longit ekni, mom hnuda le yóm deng sigang Dwata ta le, ne tódô tnagak le yóm hol gónó le nô. Yó kmò Dwata kul, tódô hnengked nféten lu yóm kdina là gekas du ditu bè yóm benwu alì kmifu laan tonok. Hatan tnafaken lu ke deng hto yóm kdaw kkukumen kul.

Matyu 25:41

Ominen yó mon du mò yó kem tau fi bè iwóngen, monen, ‘Mdó ye béléu bè ni, yu kem tau deng eles golu elem tafak Dwata. Ditu gónó ye nô lem yóm ofi laen dù tul katayen deng hentifes Dwata bè Seitan ne yó kem hógówen.

1 Kurin 6:4

Ke wen gónó ye seglius, moen de ke hkukum ye bè yó kem tau laen dù kul kwalis du yóm kuy kmò yu kem tau hemtahu?

Kun Snulat Luk 8:14

Ne yóm gónón mfól bnes semnual gónón e gdek yó kem dumu bnék sohulen yó, duhen yó se kem tau hmungol du yóm Udél Dwata, okóm tey dê lenóngón nawa le bè kendengen le ne tey dê kenbeyen nawa le ne deng le tódô limes là kóen dog tmuha kehtahu le.

Kun Snulat Luk 21:34

Bud mon Jisas mò kul, “Eles ye hol temgama anì là són du yó gónón nô nawa ye bè kken ye ne bè kinum ye ne bè kmò kebel ye klowil ye. Déke tódô mekto ksuten bélê ye yóm kdaw yó igò ye là deng getgama.

2 Timuti 4:10

Ke Dimas kun, deng mom tódô tnagaken ou lanen dê kenbeyen nawan lem nim benwu ni. Ne ni deng mom kól bè syudad Tisalunika. Lemwót ke Krésén, deng kól bè prubinsya Glasya, ne fen kól bè Dalmasya ke Taytus.

2 Timuti 2:4

Yóm sendalù mung bè sfatay, hol kóyóen ke hegsengelen nawa yóm tau gónón galak. Yó gónóm mon, laen dù bud dumu nmoen eddoli, tek són yóm deng sigangen tahen yóm tau malak du.

2 Pitér 2:4

Tehe yu ekni, wen sidek nmò yó kem tehe hógów Dwata gu bè longit, bede là kô tódô bayà Dwata du kul. Yó tafaken kul, tódô boten lu elem yóm tey sol leyóng kmifu mò gónón bmanggù kul efet kehto yóm buteng kkukumen kul.

Kem Lingón 17:14

Hol lenwaem ou, Dwata, mlan bè yóm alì kegbek sigelem. Lenwaem ou bè yó kem tau són hendeen le ke wen gel guta le yóm igò le mowil. Hol tnafakem lu, Dwata. Ne yóm ktafakem kul yó, yake hol gefet bè yó kem ngà le efet bud kól bè yó kem lugod le.

Danyél 7:22

efet kkólen bè yó yóm Tuha Laen Dù Buten nan e kmukum lem blóng le. Bè yóm kkukumen kul, nfihen yó kem kun tau yóm Dwata hol dandónen geta. Ominen yó he sut yóm kdaw khogoten du kul yóm klamangen benwu.

Sulat Pol Ebè Yó Kem Tau Hemtahu Bè Rom 6:16

Tódô tngón ye se ke tedu yóm gel nélék ye mò lolò ye deng yó se gónó ye ghesek. Ke mò salà se yóm nmò ye, bè salà se gónó ye ghesek ne yó nefeten yóm yó hatay. Okóm ke tendo nimón ye Dwata, yó se gónón tedeng ktonen kuy.

1 Kurin 6:15

Deng hónô tngón ye se, yóm kuy lówó deng ssotu bè kun lówó Krays. Yó kô nmò ye, tnù ye bè kun lówó Krays yóm kun lówó yóm libun hdóyón? Hol bê tekuy abay nmò yóm yó.

1 Kurin 6:16

Deng hónô tngón ye yóm logi, ke sentungóen yóm libun hdóyón, deng ssotu ne lówó le. Abay se deng monen bè Sulat Dwata, monen, “Ke deng sgefet lówó le yóm lewu le, deng le baling ssotu ne.”Okóm yóm tau ke deng hemtahu bè yóm gónó tekuy mogot, deng le baling ssotu ne yóm gónón mogot.

1 Kurin 6:19

Deng hónô tngón ye se nim lówó tekuy hol gónóhen nô yóm Tulus Dwata tehe sù Dwata bélê tekuy, yóm deng blayen tekuy. Là bud tekuy du ne funen yóm lówó tekuy, deng nfun Dwata.