1 Kurin 6:16 - Udél Dwata: Gna Kesfasad ne Lomi Kesfasad

¹⁶ Deng hónô tngón ye yóm logi, ke sentungóen yóm libun hdóyón, deng ssotu ne lówó le. Abay se deng monen bè Sulat Dwata, monen, “Ke deng sgefet lówó le yóm lewu le, deng le baling ssotu ne.”Okóm yóm tau ke deng hemtahu bè yóm gónó tekuy mogot, deng le baling ssotu ne yóm gónón mogot.

1 Kurin 6:16 Referans Kwoze

Tekang Kbuten 2:24

Yó gónóm mon, yóm tau ke myehen gtagaken maen ne yéen ne tódô le setlomin yóm kun tuha libun, ne baling le ssotu yóm lewu le.

Ifisus 5:31

Hol lómón yóm deng monen bè Sulat Dwata bè yóm tau syehen, yóm monen, “Yó gónóm mon, tódô tnagak yóm logi yóm maen ne yéen, ne setnù le yóm kun tuha libun ne tódô le baling ssotu yóm lewu le.”Yóm kessotu lówó le yó, laen kô dù tau gembek tmulón du yóm hol lanen, bede tngón tekuy yóm ktahuhen lemwót bè Sulat Dwata. Bè dou kehedem du, henléden yóm deng kbaling le ssotu bè Krays yó kem tau hemtahu béléen.

Mark 10:8

ne baling le ssotu yóm lewu le yó.’ Yó gónóm mon,” mon Jisas, “là kô le bud stólóng ne yó kem tau syehen, deng le baling ssotu ne.

Hibru 11:31

Bè yóm benwu deng gbà yó, wen sotu libun nô du boluyen Rahab, tehe libun sundal. Lemwót bè yóm kehtahuhen bè Dwata, là homong hnatay le du bè yó kem dumu tau là mimón ke Dwata bè yó. Yó gónó le là hmatay du, abay se tehe tnóbóngen yó kem tau tehe na a hemkana bè benwuhen.

Kmukum 16:1

Sotu kdaw, lemwót Samsun mógów ebè yóm sotu syudad yó kem Flistin boluyen Gasa. Bè yó gónón mton du yóm sotu libun hdóyón ne sentungóen.

Tekang Kbuten 38:24

Timbow deng tlu bulónen bè yó, wen tmulón du ke Juda deng mlutut Tamar yóm towuhen, ngaen bè kehdóyónen. Hetê Juda, monen, “Nwit ye hewà, ntem ye.”

Tekang Kbuten 34:31

Okóm yó balà le ke mà le, mon le, “Ilóem tódô bayà tekuy ne kô ke nmò le libun hdóyón yóm libun me?”

Tekang Kbuten 38:15

Tikóng ton Juda bè yóm kiusen klohoken, hendemen libun hdóyón, abay se lenimunen lem uyóhen.

1 Kurin 6:3

Deng hónô tngón ye snéen, balù yó kem hógów Dwata gu bè longit, angat knukum tekuy lu. Ke lómón yó angat nmò tekuy, élél là gbek knukum du yó dum olo knukum leneken talak tonok.