1 Kurin 6:10 - Udél Dwata: Gna Kesfasad ne Lomi Kesfasad

¹⁰ Ne yó kem tau mnagaw, là kô le gmung bè yó kem tau nogot Dwata, ne yó kem tau seglom, ne yó kem tau gel hlengel, ne yó kem tau gel sidek kbak le ebè kem dumu le, ne yó kem tau tódô gel temsob ma.

1 Kurin 6:10 Referans Kwoze

1 Kurin 5:11

Okóm yó dé hol lanen yóm tehe snulatu, ke wen tau gel monen deng hentahuhen Jisas, okóm ke gel mò samuk duhen ke seglom, duhen ke hemtahu bè dwata kéng, duhen ke gel sidek kbaken, duhen ke gel hlengel, duhen ke gel mnagaw, yó se yóm monu, hol bê ye abay sen-gbót. Ne bê ye slomong mken béléen.

Glasya 5:21

Yó mò kul, gel le mófô. Ne tey gel kehlengel le, segdófón honohen lu. Bong dê he dumuhen gel nmò le lómón ni kem ni. Bud nulitu bélê ye yóm deng tehe eles tulónu kuy. Yó kem tau gel mò du ni kem ni, là kô le na a gmung bè yóm tau nogot Dwata.

Ifisus 4:28

Yóm tau tehe gel mnagaw, hol tenfloken yóm knagawen yó, béen bud nmò. Tódô hol hteneb mò nmò dé anì wen gónón ma klowilen, ne anì wen lukasen mò blayen bè yó kem tau élél.

1 Pitér 4:15

Kem kunen ne ke wen gónó le hemsidek kuy, syan ke là lemwóten bè kbonok ye duhen ke bè knagaw ye, duhen ke bè kulé ye udin ne ke bè tendo kalat ye nmò yó kem dumu ye tau.

Matyu 23:33

Ya nim yu kem tau knawa ulal, hono ye semfu gu bè yó kem tau knawa ulal. Tedu kmò kegewà ye lemen du yóm deng kgolu ye elem lanaw ofi?

1 Tisalunika 4:6

Kóyô Dwata ke là nulé ye du ni kem monu ni koni, anì laen dù gónó ye sgulé bè kem dumu ye. Deng tehe tulón me kuy se nim ni, ne deng tehe eles hetgama me kuy yóm ktafak yóm gónó tekuy mogot yó kem tau mò du.

Kun Snulat Jan 12:6

Yóm udél Judas yó, là kóen lemwót bè kkoduhen yó kem tau élél, okóm du se tau mnagaw. Du se fen gel mogot yó kem filak gel gastu le, ne wen se tódô gel tensob nwahen.

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.

Matyu 21:19

Ne wen tonen sotu koyu mdà kilil lan boluyen fig. Omin Jisas mógów etu, nénégen ke wen bunguhen, okóm laen duen, tódô hono doun. Omin Jisas mudél ebè yóm koyu yó, monen, “Nbuten ni là kói na e bud mungu.” Tódô sen-gengen se mékéng yóm koyu yó.

Isaya 1:23

Yó kem tau malak kóm hono tau kmogol ke Dwata, swè le bè yó kem tau mnagaw. Sal gel henmóyô le yóm filak gel blay le kul mò wa nawa le dalang se yó kem dumu gel blay le kul. Ke wen senkukum le, là kô nfi le kul yó kem ngà hikit ne là kô hnungol le du ke wen klamo yó kem libun bolu.

Jirimaya 7:11

Ilóem yó kô kehedem ye du yóm dou Gónô, yóm hol gónóhen nô yóm dou boluy mò gónó le hebnos yó kem tau mnagaw? Deng gotu tonu se yóm sidek gel nmò ye bè yó, mon Dwata.

Kem Udél Hlalak Tehe Selumun 7:27

Yóm kun gónô lómón ke lan ebè yóm gónó le nô yó kem tau matay ne ke mógówi e du matayi.

Kul Nmò 20:32

Ni ne,” monen, “tódô hogotu yu bè Dwata, du he hol semgyok kuy. Hogotu kuy yóm Udél Dwata mò gónó ye temngón du yóm tey nawahen kuy, yó se hembegel kehtahu ye. Ne bè yóm udélen yó gónó ye gmuta du yó kem tóbóng angat blay Dwata bè kdê yó kem kun tau.

1 Kurin 15:50

Yó hol nefeten nim tulónu kuy ni, kem dumuhu setwoli, nim lówó tekuy ni, wen ungeden ne wen litóen, là kóen na a angat gmung ebè yóm benwu nogot Dwata. Angat matay se kun, là kô gfunen du yóm klowil laen dù sónen.

Ifisus 5:5

Ni mò hol hendem ye. Yóm tau gel mò samuk ne yóm tau gel hemyak knô, là kóen gomong bè yó kem tau nogot Krays ne Dwata. Senged se yóm tau seglom, abay se yóm gel sen-glomen, yó se henged dwatahen.