1 Kurin 6:1 - Udél Dwata: Gna Kesfasad ne Lomi Kesfasad

¹ Kesok wen gónó ye seglius bè yó kem dumu ye hemtahu, moen de ke gel hkukum ye yó kem tau là hemtahuhen? Mò ye là tódô mit du ebè yó kem tau Dwata mò fen kmukum du bélê ye?

1 Kurin 6:1 Referans Kwoze

Kul Nmò 19:38

Ke wen se tahu duón le Dimitriyus kul, ne yó kem dumuhen tau temwél, yake na le hlan bè yó kem tau mogot kukum. Mdengen se yóm kdaw tekuy gel seyón bè kukum anì hyu semtulón du ke tedu senduón ye.

1 Kurin 14:33

Abay se là kô nóyô Dwata du yóm mudél seblang sok tekuy stifun. Hyu ke na tekuy gel stufì sok kuy mudél anì menek kegnóm tekuy du. Wen sotu gel hlolò me bè yó kem tau hemtahu bè Dwata bè yó kem dumu benwu gbak ebè yó kem libun.

1 Kurin 16:1

Deng wen tehe snólók ye bè yóm ksulat ye bè keblay ye bè yó kem kun tau Dwata bè prubinsya Judiya. Yó kmò ye du, yake tódô lolò ye yóm deng hlolou yó kem dumu ye hemtahu bè prubinsya Glasya.

1 Kurin 16:15

Deng tngón ye ne yóm Stifanas ne yó kem fes lówóhen, lu se hol tanay tau hemtahu bè prubinsya Akiya. Ne ni kmoen ni sónmò le tmóbóng yó kem kun tau Dwata.

1 Kurin 1:2

Smulate ebélê ye, yu kem tau deng hemtahu bè Dwata bè syudad Kurin. Deng tnaba Dwata yu mò baling hol kun tau laen dù belenen. Deng nfunen yu hlanen bè yóm deng kessotu ye bè Krays Jisas. Deng ye gotu gomong ne bè yó kem kdéen tau bè dumu benwu deng gel tmaba bè yóm gónó tekuy mogot Jisas Krays.

Matyu 5:45

anì mkél tekuy bè yóm kut Mà bè longit. Ngem se kun, tódô gel homong hnóngen yóm kdaw ebè yó kem tau sidek nmò le. Senged se bè yóm kulón, là són du bè yó kem tau tedeng kmò le gónó Dwata hkulón du. Gomong snéen yó kem tau là tedeng kmò le.

1 Kurin 5:12

Bè ktahuhen, laen kô dù kwalisu kmukum kul yó kem tau là hemtahuhen. Tódô Dwata he angat kmukum kul. Okóm bè yó kem dumu tekuy hemtahu, wen kwalis tekuy kmukum kul. Hol lómón se yóm monen bè Sulat Dwata, yóm monen, “Hol hdó ye lem blóng ye yóm tau mò sidek.”

1 Kurin 6:5

Ilóem là myak ye kô? Laen dù dumu ye hemtahu hulung kmukum lem blóng ye kô ke wen dumu ye seglius?