1 Kurin 5:7 - Udél Dwata: Gna Kesfasad ne Lomi Kesfasad

⁷ Yó gónóm mon, hol kó ye dé yóm ken bali anì laen dù sidek gbool lem blóng ye. Ke yó nmò ye, hol lómón ke yu yóm ken lomi, balù udì ke wen bali gbol du. Ne bè ktahuhen, tódô tngónu ni se yóm hol kuy kmò. Yakà dengen matay Krays bélê tekuy, hol lómón ke du yóm ngà ubiha hnatay le bè yóm Kdaw Khius mò dsù le ebè Dwata.

1 Kurin 5:7 Referans Kwoze

Ifisus 4:22

Yó gónóm mon, hol kó ye dé yóm gna nmò ye tganay, yóm gel mit kuy mò sidek. Yóm nmò ye yó, megtondo ye du, mom hensideken knô ye.

Kun Snulat Jan 1:29

Timbow hayahen bè yó, ton Jan Jisas mógów ebéléen. Bè yóm ktonen du, monen mò yó kem tau, “Ngem yó dé yóm Ngà Ubiha Dwata mò angat dsù Dwata mò mkó salà kdéen tau.

Deng Hegfan 5:12

Ya tey kesngal le, mon le, “Nim Ngà Ubiha ni, deng tehe hnatay le. Tey knóón du yóm kfasangen ne yóm kwen kendengenen, ne yóm ketngónen ne yóm kekgisen. Ne knóón du ke hol sensadat tekuy, ne ke hol hegeta tekuy, ne ke hol sendóyón tekuy.”

Kehewà 12:15

Bè yóm gel kmò ye du ket halay, hitu kdaw ye là tagad mò bulung henoken yóm mambang gel ken ye. Bè yóm tanay kdaw gotu kó ye ke wen bulung henok mambang nô lem gónô ye. Ke wen sotu bélê ye mken du yóm mambang wen bulung henoken lem yóm hitu kdaw, là bud homongu du ne bè yó kem dou tau yóm tau yó.

1 Kurin 10:17

Abay se tek sotu yóm mambang senkbéng tekuy yóm kdê tekuy. Bè yóm kken tekuy du yó, yó hnigaden yóm deng kessotu tekuy, balù yóm tey kwen tekuy, abay se tódô kdê tekuy gbót mken du yóm tek sotu mambang yó.

Kun Snulat Jan 19:14

Bè yóm kehdeng Paylét du yóm kkukumen ke Jisas, deng móyón gtungu kdaw ne bè suluk yóm Kdaw Khius. Omin Paylét bud mon du mò yó kem tau, “Ni se yóm tau hol geta bélê ye.”

Mark 14:12

Deng hto yóm tanay kdawen bè yóm kmò le ken bong yó kem Ju, yóm mò ken gónó le gel mken du yóm mambang laen dù bulung henoken. Bè yóm kdaw yó, gel wen ngà ubiha hnatay le mò utón le bè yóm mò ken bè Kdaw Khius. Snólók le bè Jisas yó kem gel lemolò du, mon le, “Gónóm tô hmò du kum de yóm ken tekuy bè nim mò ken bè Kdaw Khius?”

Kun Snulat Jan 1:36

Bè yóm ktonen ke Jisas mius bè yó, bud monen, “Yó sii yóm Ngà Ubiha angat dsù Dwata.”

Matyu 13:33

Ne bud sotu hningón Jisas bélê le, monen, “Sotu gónó tekuy e hmingón du yóm kogot Dwata tau, hol lómón ke yóm libun mò mambang. Balù tek udì bulung henok boolen bè yóm tey arina deng hnéféen, botong gbeken henok du yóm kbongen.”

Sulat Pol Ebè Yó Kem Tau Hemtahu Bè Rom 3:25

Deng hógów Dwata Jisas mò na a matay bè salà tekuy. Hamaen litóen anì wen lan Dwata hmifót salà tekuy ke deng tekuy hemtahu bè Jisas. Ni se nmò Dwata anì hegfanen bélê tekuy yóm tey kun ktedeng. Bè gnan kdaw, tódô henbala Dwata yóm salà tau, tódô hiusen.