1 Kurin 5:6 - Udél Dwata: Gna Kesfasad ne Lomi Kesfasad

⁶ Tey là kóen na a hyu yóm kehegmón ye yó. Igò ye se temngón du yóm gel mon le, “Baluen ke tek udì yóm ken bali, ke suem bè yóm ken là balihen, gbót bali snéen yóm ken lomi.”

1 Kurin 5:6 Referans Kwoze

Sulat Jim 4:16

Okóm kuy, mo ye mom hegmón ne hton salù. Tey sidek se yóm nmò ye yó.

Glasya 5:9

Yóm tolok sekban yó, lómón yóm gel mon le, “Ke wen ken bali, ke bolem bè yóm ken lomi, baluen ke tek udì, tódô gotu bali yóm kdéen.”

1 Kurin 15:33

Hol bê ye abay hegtondo. Bong tahu se yóm sotu gel mon le, “Ke segbóti bè yó kem tau mò sidek, tódô lana béléem yóm kehyu kmoem.”

1 Kurin 5:2

Moen de ke deng ye mom hegmón? Mò ye là kemblat du nawa du yóm salà yó? Hol bê ye abay bud hmung bè yóm gel kestifun ye yóm tau mò du yóm yó.

Matyu 13:33

Ne bud sotu hningón Jisas bélê le, monen, “Sotu gónó tekuy e hmingón du yóm kogot Dwata tau, hol lómón ke yóm libun mò mambang. Balù tek udì bulung henok boolen bè yóm tey arina deng hnéféen, botong gbeken henok du yóm kbongen.”

2 Timuti 2:17

Yóm gel tolok le yó, lómón kegnóm te du, lómón des bkukang, són moen minut lembét efet smabak. Lómón ni se yóm kul gel ktolok le Himinyus ne Filitus.

1 Kurin 3:21

Duhen yó, là hyuhen bélê ye ke mtukul tau salù ye. Bè ktahuhen, ou ne Apulus ne Pitér, dumu me stóbóng mò du yóm kuy kehyu. Hono kuy kehyu snéen yóm klamangen benwu, ne yóm klowil ye ne balù yóm angat katay ye, ne yóm gel sut bélê ye nim kmoen ni duhen ke yóm angat sut elem hulin kdaw, ni kdéen ni, hono kem kuy kehyu.

Kun Snulat Luk 13:21

Sotu gónó tekuy e hmingón du, hol lómón yóm libun mò mambang. Balù tek udì bulung henok bolen bè yóm tey arina deng hnéféen, botong gbeken henok du yóm kbongen.”

Sulat Pol Ebè Yó Kem Tau Hemtahu Bè Rom 6:16

Tódô tngón ye se ke tedu yóm gel nélék ye mò lolò ye deng yó se gónó ye ghesek. Ke mò salà se yóm nmò ye, bè salà se gónó ye ghesek ne yó nefeten yóm yó hatay. Okóm ke tendo nimón ye Dwata, yó se gónón tedeng ktonen kuy.