1 Kurin 5:4 - Udél Dwata: Gna Kesfasad ne Lomi Kesfasad

⁴ Mlan bè boluy yóm gónó tekuy mogot Jisas na ye na stifun. Yóm nmò ye, hol hlan ye bè kun kfasang yóm gónó tekuy mogot Jisas yóm deng eles nô bélê tekuy bè yó,

1 Kurin 5:4 Referans Kwoze

Kulasi 3:17

Duhen yó, bè ket nmò ye duhen ket benkó ye, hol na ye na hlan bè boluy yóm gónó tekuy mogot Jisas. Bud béléen snéen gónó ye hlan du yóm kdóyón ye ke Dwata yóm Mà tekuy.

2 Kurin 13:3

Wen ilô hnebel ye kun mò gónó ye dmilô du yóm khudél Krays dou. Angat ton ye he yóm hnebel ye yó bè yóm ktafaku kuy. Angat gnóm ye yóm tey klóbô Krays. Angat hegfanen lem blóng ye yóm tey kfasangen.

Kun Snulat Jan 20:23

Ke hnifót ye salà yó kem tau, hnifót Dwata lu snéen. Okóm ke là hnifót ye salà le, là se hnifót Dwata du se kun.”

2 Tisalunika 3:6

Yu kem dumu me setwoli, nim hlolò me kuy ni, hlan me bè boluy yóm gónó tekuy mogot Jisas Krays. Hol bê ye abay mung bè yó kem dumu ye hemtahu ke mduk le, ne ke kenbê le yóm tehe hlolò me kuy.

Matyu 16:19

Yó hmou kóm, blayu kóm yó kem kunsì bè yóm kwalisem bè yóm benwu nogot Dwata. Yó se nmò kenbéem talak tonok, yó se angat bud kenbê Dwata bè longit snéen. Ne yó se nmò là kenbéem du, là se kenbê Dwata du bè longit.”

Ifisus 5:20

Balù kihu sut bélê tekuy, hol tendo gel dóyón tekuy dé Dwata, yóm Mà tekuy, hlan tekuy bè boluy yóm gónó tekuy mogot Jisas Krays.

2 Kurin 13:10

Yó gónóhu gna hemwit sulat ebélê ye ni gu laan tekuy là deng bud ston anì laen dù gónóhu tmafak kuy soke kól dyó lem blóng ye. Yó hol muhen yóm kfasang blay Krays dou mò gónóhu tmóbóng kuy bè kehtahu ye. Sundu yó du muhen ke mò gónóhu hemsidek kuy.

Kul Nmò 16:18

Hilu kdawen tendo gel semsulit du yóm monen yó efet tmakas Pol. Tódô beklil ebéléen, monen ebè yóm busaw malak du, “Lemwót bè kun boluy Jisas Krays, mdóhi béléen yóm ngà libun nalakem ni.” Tahu se, sen-gengen se tódô mdó béléen yóm busaw malak du.

Kul Nmò 3:6

Okóm mon Pitér mò du, monen, “Laen dù filaku dou, okóm yóm gónóhu wen, yó se blayu kóm. Lemwót bè kun boluy Jisas Krays, yóm tau lemwót bè Nasarit, gónóhu mon du mò kóm, mdai ne mógówi.”

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Matyu 28:18

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

Matyu 18:20

Baluen he ke tek lewu duhen ke tlu tau stifun mlan bè dou boluy, senged knóu bélê le.”

Kul Nmò 4:30

Hol hegfanem bélê le yóm kóm kfasang hkó des, ne hol nmoem yó kem dumu hentaw ton gel nmoem hlanem bè boluy Jisas, yóm tóbóng lówóhem, yóm laen dù belenen.”

2 Kurin 2:6

Tey dê bélê ye deng gbót tmafak du yóm tau yó. Geblaen yó ne.