1 Kurin 5:3 - Udél Dwata: Gna Kesfasad ne Lomi Kesfasad

³ Balù yóm là knóu lem blóng ye tek són dyó se gónón nô nawahu. Duhen yó, yóm tau mò sidek yó, deng eles hendemu ne yóm mò tafaken.

1 Kurin 5:3 Referans Kwoze

Kulasi 2:5

Balù nim keslayuk tekuy ni, kaem tey tendo kehedemu kuy. Tey kehligalu yóm kungolu du yóm kesetgel ye mfi du yóm kehtahu ye bè Krays.

1 Tisalunika 2:17

Bélê me kum, kem dumu me setwoli, balù yóm deng kegtagak me kuy likót, là kóen na a mkó bè nawa me yóm tendo kehedem me kuy. Tey tendo gel khahù me kuy, ne tey kebel me lan anì wen lan tekuy na a bud ston.

2 Kurin 13:2

Yu kem tau deng tehe gel mò sidek ekni, ne yó kem dumu tau bè yó, ni wen eles tulónu kuy. Deng tehe eles tulónu kuy ekni bè yóm gewuhu dulék bud mauy kuy, bede bud nulitu bélê ye nim ni gu laan tekuy là deng bud ston. Yó udélu bélê ye, bè yóm bud kkólu bè yó, laen kô dù tau mò sidek ke là angat tnafaku du.

2 Kurin 10:11

Yóm tau mon du yóm yó, hyu ke eles tngónen laen dù gónón stólóng yóm deng mon me mò kuy bè sulat me bè yóm tolo knô me bè ni, ne yóm angat nmò me béléen sok tekuy ston bè yó.

2 Kurin 10:1

Ou se Pol yóm mudél ebélê ye ni. Deng gungolu wen se bélê ye mon du kun, “Tey yóm Pol, gel mudél hdana ke nô bè ni. Kulel kehwiten udél des ke nô bè benwu mayuk.” Okóm bè nim gna udél hwitu ebélê ye ni, là desen, mom hlanu bè yóm tey kganag nawa Krays.

1 Kurin 5:12

Bè ktahuhen, laen kô dù kwalisu kmukum kul yó kem tau là hemtahuhen. Tódô Dwata he angat kmukum kul. Okóm bè yó kem dumu tekuy hemtahu, wen kwalis tekuy kmukum kul. Hol lómón se yóm monen bè Sulat Dwata, yóm monen, “Hol hdó ye lem blóng ye yóm tau mò sidek.”