1 Kurin 5:12 - Udél Dwata: Gna Kesfasad ne Lomi Kesfasad

^12-13 Bè ktahuhen, laen kô dù kwalisu kmukum kul yó kem tau là hemtahuhen. Tódô Dwata he angat kmukum kul. Okóm bè yó kem dumu tekuy hemtahu, wen kwalis tekuy kmukum kul. Hol lómón se yóm monen bè Sulat Dwata, yóm monen, “Hol hdó ye lem blóng ye yóm tau mò sidek.”

1 Kurin 5:12 Referans Kwoze

Mark 4:11

Mon Jisas mò kul, “Wen yóm là heglileb Dwata du bè yó kem dumu tau bè yóm kmò kogoten tau, okóm deng heglileben kuy. Bong bè yó kem dumu tau, mlan bè hlingón yóm gel ktoloku kul.

1 Timuti 3:7

Yóm tau malak kem dumuhen hemtahu, hol sneb du ke bong kadat le du se kul yó kem tau là dengen hemtahu anì là wen gónó le gemsanil du, ne béen nmò yóm hemyak knô, kô dalil gónón gholot bè Seitan.

Kun Snulat Luk 12:14

Okóm mon Jisas mò du, “Laen bang kwalisu kmukum kuy, Man, duhen ke fen tô nólólu bélê ye kimu ye.”

1 Tisalunika 4:12

Ke ni se nmò ye, nadat le yu yó kem dumu tau là dengen hemtahu he, ne sotuhen, là salig ye du bè kem dumu ye yóm kuy klowil.

Kulasi 4:5

Hol ye hfulung mò du yóm hyu bè yó kem tau là dengen hemtahu. Eles tnana ye ke wen lan ye mò du.

Kun Snulat Jan 18:36

Bnalà Jisas se, monen, “Yóm benwu dou nogot, sundu benwu te tonok du. Ke ni se yóm dou benwu nogot, nofin le o yó kem tau nogotu anì là kenfô le do yó kem Ju wen glal le yó. Là kô na a ni du yóm benwu dou nogot.”