1 Kurin 5:11 - Udél Dwata: Gna Kesfasad ne Lomi Kesfasad

¹¹ Okóm yó dé hol lanen yóm tehe snulatu, ke wen tau gel monen deng hentahuhen Jisas, okóm ke gel mò samuk duhen ke seglom, duhen ke hemtahu bè dwata kéng, duhen ke gel sidek kbaken, duhen ke gel hlengel, duhen ke gel mnagaw, yó se yóm monu, hol bê ye abay sen-gbót. Ne bê ye slomong mken béléen.

1 Kurin 5:11 Referans Kwoze

Sulat Pol Ebè Yó Kem Tau Hemtahu Bè Rom 16:17

Ni hol monu mò kuy, kem dumuhu setwoli, hol ten-gama ye yó kem tau tô senkla le yóm kessotu nawa ye, ne gel senbeweg le yóm kehtahu ye, lel le gel semkuya yóm tahu tolok deng gel gungol ye. Yó kmò ye kul, tódô ye hlayuk bélê le.

2 Tisalunika 3:14

Ke wen tau bè yó là mimón du yóm deng mon me lem nim sulat ni, hol tenngel ye ke tau du, ne bê ye bud slomong béléen anì dilóen là hyuhen yóm kun nmò.

2 Tisalunika 3:6

Yu kem dumu me setwoli, nim hlolò me kuy ni, hlan me bè boluy yóm gónó tekuy mogot Jisas Krays. Hol bê ye abay mung bè yó kem dumu ye hemtahu ke mduk le, ne ke kenbê le yóm tehe hlolò me kuy.

Matyu 18:17

Okóm ke là dog hnungolen kul, tódô gotu tulón ye yóm kdéen bè gónó le gel stifun yó kem Ju. Okóm ke là dogen hmungol balù yóm deng kwit ye du bè gónó le gel stifun yó kem Ju, hol lómón kmò ye ebéléen, lómón yóm kmò ye ebè yó kem tau là hemtahuhen bè Dwata, ne bè yó kem dumu tau gemsalà.”

2 Jan 1:10

Duhen yó, ke wen tau sut bélê ye, okóm là nuliten du yóm kun tolok Krays, bê ye hotun bè gónô ye, ne bê ye abay hnódó.

Deng Hegfan 22:15

Okóm là kô le gusek bè yó kul yó kem tau ssamuk honon lu, yó kem tau alì smalig bè imò, yó kem tau smamuk, yó kem tau monok, ne yó kem tau hemtahu bè dwata kéng, ne yó kem tau gel mò kéng, mlan bè udél le ne mlan bè nmò le.

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

1 Timuti 3:3

là hlengelen, là kosut nawan, okóm tau ganag nawahen ne menek nawahen, là són bè kgutahen filak gónón nô nawahen.

Matyu 23:25

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Ke hningónu yóm kmò ye, lómón yóm tgayan ne yóm huyów olo ye molob tahen, là lemen. Igoen yóm nô lemen, tódô hono yóm deng gnaga ye lemwót bè yóm keseglom ye.

Deng Hegfan 2:20

Bede wen se kenbéu bélê ye. Yó kenbéu yóm sotu libun nô bélê ye bè yó lembù tmugod ke Dwata boluyen Jésébél. Tódô kem bayà ye du yóm gel ktoloken, ne deng mom niten lu hetlas yó kem tau hemtahu béléu, deng mom nbóten lu mò samuk, ne yóm kegken le yóm ken deng dsù le ebè yó kem dwata kéng.

Ifisus 5:5

Ni mò hol hendem ye. Yóm tau gel mò samuk ne yóm tau gel hemyak knô, là kóen gomong bè yó kem tau nogot Krays ne Dwata. Senged se yóm tau seglom, abay se yóm gel sen-glomen, yó se henged dwatahen.

Kun Snulat Luk 21:34

Bud mon Jisas mò kul, “Eles ye hol temgama anì là són du yó gónón nô nawa ye bè kken ye ne bè kinum ye ne bè kmò kebel ye klowil ye. Déke tódô mekto ksuten bélê ye yóm kdaw yó igò ye là deng getgama.

1 Kurin 6:10

Ne yó kem tau mnagaw, là kô le gmung bè yó kem tau nogot Dwata, ne yó kem tau seglom, ne yó kem tau gel hlengel, ne yó kem tau gel sidek kbak le ebè kem dumu le, ne yó kem tau tódô gel temsob ma.

Kulasi 3:5

Yó gónóm mon, gotu kó ye ne yóm kdéen sidek knóyô lówó ye. Béen abay wen bélê ye mò samuk, ne yó kem dumu nmò gónó hemyak knô. Hol kenbê ye yóm knawa mò du yó kem yó. Kó ye snéen yóm nawa seglom, abay se yóm gel sen-glom ye yó, deng duhen yó se dwata ye.

1 Kurin 8:11

Duhen yó, lemwót bè yóm deng ketngón tekuy du, angat megtuled nim tau tolo lufi kehtahuhen ni, igoen du se sotu dumu tekuy hemtahu, yóm sotu tau gónó Krays matay.

1 Kurin 6:6

Mom yó nmò ye, skukum hono kem tau hemtahu, ne fen hkukum ye tu kem tau là hemtahuhen.

Sulat Pol Ebè Yó Kem Tau Hemtahu Bè Rom 13:13

Nmò tekuy dé yóm nmò segtón bè yóm kul kmò yó kem tau nô lem layag. Hol bê tekuy abay gel segduf hlengel, kô wen gónó tekuy hemyak knô tekuy. Hol bê tekuy abay mò samuk ne yóm dumu nmò gónó le semdekà tekuy. Bê tekuy sfatay. Bê tekuy nmò yóm sélés nawa.

Kem Lingón 101:5

Là kô tódô bayau du kul yóm gel ktifù le kéng bè kem dumu le sebét ne yó kem tau heklabak ne kem tau hegeta knô.

Kem Lingón 10:3

Yó kem tau mò sidek yó, tey henklabak le yóm sidek nô lem hendem le. Tey kdóyón le yó kem tau seglom, fen henmulà le uu, Dwata.

Deng Hegfan 2:14

Bede wen se kenbéu bélê ye. Yó kenbéu, deng mom wen bélê ye gemolò du yóm kéng tehe kun tolok Balaam. Nim Balaam ni, tehe wen hlauhen yóm sotu tau hol geta ekni boluyen Balak. Yó hlauhen du, duhen yóm kgoyen yó kem tau Israél anì ken le yóm ken deng dsù le ebè yó kem dwata kéng, ne mung du yóm kmò le samuk.

1 Timuti 6:5

Tendo mit skaf stulón bè yó kem tau là buden btol kehedem le, là bud lolò le du ne kul yóm ktahuhen. Bè kul kehlan du, yóm kul kehtahu mò lan baling kwasa.

Ifisus 5:18

Hol bê ye abay nmò yóm hlengel minum, yó se hemsidek klowil ye. Yó dé tles nmò ye, halak ye bè yóm Tulus Dwata.

Glasya 2:12

Bè yóm tanay kkólen bè yó, tódô segduf mken bè yó kem tau là Ju le. Timbow sut yó kem tau Ju hógów Jim, hlós là dogen bud hegbool mken bélê le Pitér yó kem tau là Ju le, abay se likò yó kem kun dumu Ju alì megenek klolò le du yó kem hlau Musis.

1 Kurin 11:21

Yó gónóhu mon du yóm yó, abay se bè yóm gel kken ye, tódô sotu kun gna mken, là dog ye na sfangat. Ngem deng mom wen fen bitil bélê ye kun, ne fen le hlengel kem dumu.

1 Kurin 10:14

Duhen yó, kem dumuhu sogot nawa, hol bê tekuy abay gmung bè yóm ktaba le bè yóm dwata kéng.

1 Kurin 7:15

Okóm yóm tau là hemtahuhen monu yó koni, ke tódô lemwót bè kun kóyô skó bè yóm yehenen deng hemtahu, tódô bayà du ne. Là buden gfét du ne yóm yehenen là hemtahuhen yó. Abay se hol kóyô Dwata bè yó kem tau syehen ke wen kessotu nawa le.

1 Kurin 7:12

Ne bè yó kem dumu tau wen udélu ebélê ye snéen, okóm là lemwóten bè yóm gónó tekuy mogot nim udélu ni. Yó monu mò kuy, ke wen tau hemtahu, fen là hemtahuhen yóm tuha libunen, okóm ke là hemtulahen yóm libun yó, hol béen abay dog kó sen.

Kul Nmò 9:17

Tahu se, lemwót Ananiyas, mógów ebè yóm gónô gónóhen nô Sol, ominen husek. Tonen se Sol, ne nenoken, monen, “Ó Woli Sol, hógówen ou edini yóm gónó te mogot Jisas, yóm Jisas deng hegfan béléem bè lan bè yóm kógówem edini. Hógówen ou anì budi mton, ne anì suen béléem yóm Tulus Dwata.”

Kun Snulat Luk 18:11

Tódô mdà yóm Farisi yó tek sotuhen, ne mni bè Dwata, monen, ‘Tey hyu nawahu dou, Dwata, abay se là mkéle bè yó kem dumu tau, lómón yó kem tau sbì, ne yó kem tau mò kéng, ne yó kem tau mdà yehen. Ne tey hyu nawahu abay se là mkéle bè yóm tau fen gel mtuk bwis yóó.

Kul Nmò 1:15

Bud sotu kdaw bè yó, gotu le stifun yó kem tau hemtahu, wen dô lematu bud lewu folò kwen le.

1 Kurin 6:9

Deng hónô tngón ye, là kóen gmung bè yóm tau nogot Dwata yóm tau là tedeng nmoen. Béen tólóng kehedem ye du nim ni. Là kô le gmung yó kem tau gel mò samuk, ne yó kem tau hemtahu bè yóm dwata kéng, ne yó kem tau mdà yehen, ne yó kem tau deng mom senwì le yóm kmò kesyehen, syehen hono logi, ne syehen hono libun.