1 Kurin 5:10 - Udél Dwata: Gna Kesfasad ne Lomi Kesfasad

¹⁰ Bè yóm ksulatu yó, là tendoku du yó du kem tau là hemtahu le. Sana kul kmò yóm mò samuk, ne seglom ne mnagaw ne hemtahu bè dwata kéng. Là gbekem kembê ston kul yó kem tau yó. Song hyu ke là budi nô talak tonok.

1 Kurin 5:10 Referans Kwoze

1 Kurin 10:27

Sotuhen, ke wen wè ye là hemtahuhen, ke tinoken yu mken bè gónóen, ke maan se nawa ye, na mken ye béléen sen. Balù kihu blayen kóm, gbóti mken. Omin he ke snólók ye, anì là megewu kehedem ye du yó kem ken ye bè yó.

Deng Hegfan 12:9

Tódô tudà le etalak tonok yóm swaga hulô yó, yóm tehe ulal là kna lemwót bè kbuten, duhen Seitan, yóm alì hulung dmelem, yóm alì hulung smukat yó kem tau bè klamangen benwu. Tódô tudà le etalak tonok, mung du yó kem gel hógówen.

1 Jan 5:19

Deng tngón tekuy ne yóm kfun Dwata tekuy. Yó kem dumu tau nô lem benwu, hono kem kun tau nogot Seitan.

1 Jan 4:5

Yó kem tau lembù tmugod ke Dwata yó, tódô lemwót lem nim benwu ni yóm kul gel tolok. Ne móyô le hmungol kul yó kem tau là hemtahuhen, abay se gfi le bélê le.

Flipay 2:15

anì laen dù bang gónó le gemsanil kuy yó kem dumu tau, ne anì laen dù belenen yóm kmò knawa ye snéen, yakà deng ye ngà Dwata, tau deng gulit balù yóm knô ye lem blóng yó kem tau là tedeng kehedem le, kem tau hono sidek nmò le. Yóm klowil ye lem blóng le, yake hol lómón ke blotik mnóng lem kifu dé,

Ifisus 2:2

Bè yóm kdaw yó, tódô lolò ye yóm sidek kul gel nmò yó kem tau là hemtahuhen bè Dwata. Tódô nimón ye Seitan, yóm gónó le kmulu yóm kdéen mtulus gu talak kmawang. Bud du se yóm gel malak yó kem tau là mimón ke Dwata.

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

1 Kurin 1:20

Duhen yó, ke yó se nmò Dwata, tedu se gónóhen e kól yóm tau alì temngón, ne yóm tau alì bong hennagien, ne yóm tau alì hulung skuya mon? Deng tódô hdilô Dwata yóm klaen dù muhen yóm kul ketngón yó kem tau te tonok.

Kun Snulat Jan 8:23

Ne bud mon Jisas se mò kul, monen, “Tau ye lenokob longit kuy. Fene lemwót ta dou. Tau ye tonok kuy okóm là dou.

1 Jan 4:7

Hol tekuy gel sbong nawa, kem weu do dumu sogot nawa, yakà bè Dwata du gónón lemwót yóm kesbong nawa. Yóm tau kenbongen nawa yó kem dumuhen, yó se yóm tau deng baling ngà Dwata, ne deng tngónen Dwata.

Kun Snulat Jan 17:9

Mnihe béléem, Mà, hol tnóbóngem lu. Là homong hnihu kul yó du kem dumu tau là hemtahuhen. Okóm són bè yó kem tau deng blayem do, abay se sal kem kóm tau yó kem yó.

Kun Snulat Jan 17:6

Deng hetngónu ne, Mà, yóm kóm kmò bè yó kem tau deng blayem do lem nim benwu ni. Hono kem kóm tau se yó kem tau yó, ne deng blayem do. Gotu nimón le se yóm kóm udél.

Kun Snulat Jan 15:19

Ke nmung ye yóm kul kehedem, là kô knutó nawa le kuy. Okóm ni, tólóng ne kuy kehedem lemwót bè yóm deng kéléku kuy, là bud ye gmung bélê le ne. Yó se lewót gónó le kmutó nawa kuy.

Kun Snulat Luk 18:11

Tódô mdà yóm Farisi yó tek sotuhen, ne mni bè Dwata, monen, ‘Tey hyu nawahu dou, Dwata, abay se là mkéle bè yó kem dumu tau, lómón yó kem tau sbì, ne yó kem tau mò kéng, ne yó kem tau mdà yehen. Ne tey hyu nawahu abay se là mkéle bè yóm tau fen gel mtuk bwis yóó.

1 Kurin 5:9

Yóm tehe sotu ksulatu ebélê ye, tehe monu bê ye segbót bè yó kem tau gel mò samuk.

1 Kurin 5:11

Okóm yó dé hol lanen yóm tehe snulatu, ke wen tau gel monen deng hentahuhen Jisas, okóm ke gel mò samuk duhen ke seglom, duhen ke hemtahu bè dwata kéng, duhen ke gel sidek kbaken, duhen ke gel hlengel, duhen ke gel mnagaw, yó se yóm monu, hol bê ye abay sen-gbót. Ne bê ye slomong mken béléen.