1 Kurin 5:1 - Udél Dwata: Gna Kesfasad ne Lomi Kesfasad

¹ Deng wen tmulón du bélê me dini yóm kmoen samuk yóm sotu tau bélê ye, mom nugeten yê hulihen. Tey sidek yóm nmò yó. Balù yó he kem tau là deng le hemtahu bè Dwata, sana tey kekbê le du yóm nmò yó.

1 Kurin 5:1 Referans Kwoze

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

Deng Hegfan 2:21

Igoen deng wen kdaw blayu du anì hegsel, okóm là kóen móyô mkó du yóm gel ksamuken.

Kulasi 3:5

Yó gónóm mon, gotu kó ye ne yóm kdéen sidek knóyô lówó ye. Béen abay wen bélê ye mò samuk, ne yó kem dumu nmò gónó hemyak knô. Hol kenbê ye yóm knawa mò du yó kem yó. Kó ye snéen yóm nawa seglom, abay se yóm gel sen-glom ye yó, deng duhen yó se dwata ye.

Ifisus 5:3

Lemwót bè yóm deng kbaling ye kun tau Dwata, là kóen hyu ke mò ye samuk, duhen ke nmò ye yó kem dumu nmò gónó hemyak knô, duhen ke seglom ye. Balù olo bè kestulón du yó kem yó, bê tekuy abay gbót du.

Glasya 5:19

Tey dilô yó kem tau ke són yóm kul knóyô gónó le gel galak. Sal le gel mò samuk, ne là mólós kehedem le, ne dê nmò le yóm gónó le hemyak knô.

1 Tisalunika 4:7

Là kô yó du gónó Dwata tmaba te ke mò tekuy samuk, okóm yó dé hol sen-galuhen bélê tekuy ke hol te mólós.

2 Kurin 12:21

Sotu tnafa nawahu ke mógówe edyó, kô fen henyak Dwata ou lem blóng ye, ne angat btang lewoku ke dê tau tonu là deng hen-gsel le du yó kem sidek tehe nmò le, duhen yóm alì kektes le du yóm knóyô lówó le ne yóm kmò le samuk.

1 Kurin 6:18

Holi hlayuk du yóm mò samuk. Balù kihu dumu salà nmò tau, là gomongen lemen yóm lówóhen. Okóm yóm tau mò samuk, gomong hensideken yóm kun lówó.

1 Kurin 6:13

Ne wen se gel mon du, monen, “Yó se mu yóm blutut tau mò gónón e tódô ken. Ne yó mu yóm ken mò sù lem blutut.” Ya mo ktahuhen du yóm monen yó, okóm angat nmò Dwata sónen yóm blutut ne yóm ken. Yóm lówó tekuy, là yó du muhen ke gónó tekuy mò samuk. Okóm yó dé muhen mò fen mò nmò bè yóm gónó tekuy mogot. Ne du se fen hol semgyok du yóm lówó tekuy.

1 Kurin 6:9

Deng hónô tngón ye, là kóen gmung bè yóm tau nogot Dwata yóm tau là tedeng nmoen. Béen tólóng kehedem ye du nim ni. Là kô le gmung yó kem tau gel mò samuk, ne yó kem tau hemtahu bè yóm dwata kéng, ne yó kem tau mdà yehen, ne yó kem tau deng mom senwì le yóm kmò kesyehen, syehen hono logi, ne syehen hono libun.

1 Kurin 5:11

Okóm yó dé hol lanen yóm tehe snulatu, ke wen tau gel monen deng hentahuhen Jisas, okóm ke gel mò samuk duhen ke seglom, duhen ke hemtahu bè dwata kéng, duhen ke gel sidek kbaken, duhen ke gel hlengel, duhen ke gel mnagaw, yó se yóm monu, hol bê ye abay sen-gbót. Ne bê ye slomong mken béléen.

Kul Nmò 15:29

Bê ye abay ken yóm deng dsù ebè dwata kéng. Bê ye abay ken yóm litô. Ne yóm utón là deng kó du litóen, bê ye abay ken. Ne bê ye abay mò samuk. Tey bong kehyuhen bélê ye ke lolò ye ni kem ni. Sónen ni ne tulón me kuy.”

Kul Nmò 15:20

Olo tekuy tódô smulat ebélê le ne. Tulón tekuy kul hyu ke hol bê le abay ken yóm deng dsù ebè dwata kéng, yóm là mólósen bè hlau tekuy. Hol bê le abay mò samuk. Hol bê le abay ken yóm utón là deng kó le du litóen, dalang se yóm litô, hol bê le abay ken.

Jirimaya 2:33

Deng hónô tngón ye se kuy yóm kmò kektes ye du yó kem dumu dwata nóyô ye. Balù yóm libun hdóyón, sana kwen dnalangen bélê ye bè yóm khulung ye kemtes.

2 Kurin 7:12

Duhen yó, bè yóm gna sulat hwitu ebélê ye, là olohen yóm tau mò sidek hendemu, duhen ke olon yóm tau gónón mò du. Okóm yó dé gónóhu smulat du mò gónón gfan yóm tahu nawa ye ebélê me. Tódô ton Dwata yóm hol ktahuhen nim monu ni.

1 Kurin 1:11

Yó gónóhu mon du mò kuy nim ni, kem dumuhu setwoli, abay se deng wen bè yó kem kun fes lówó Kluwi fen tmulón du do deng wen gónó ye seglius bè yó kun.

Amus 2:7

Gotu ndà le lem kfung yó kem tau laen dù bang tmóbóng kul. Là kô nmò le du yóm kukum tedeng bè yó kem tau gel hen-gnok le. Botong le tódô lewu maen ne yóm ngaen logi gel semtungô yóm sotu libun, yóm alì sidek béléu, alì henyak le yóm dou boluy.

Dwata 27:20

‘Hol tnafak Dwata yóm tau ke wen nugeten bè yó kem yehen maen.’ Ne kdéen tau gotu hem-el du, mon le, ‘Tahu yó.’

2 Samwél 20:3

Timbow kól bè gónóen bè Jirusalim Dabid, hangayen yóm sfolò kem libun nmuhen tehe tebelen mò semgifà yóm gónóen. Ominen bud hemsù kul bè yóm sotu gónô, ne wen hbenteyen kul, ne gotu blayen kul yóm wen mu le du, okóm là bud sentungóen kul. Tódô le nô bè yó efet katay le, hol lómón ke deng le baling libun bolu.

2 Samwél 16:22

Tahu se, wen slung hdà le bè Absalum bè yóm gónó hnos ta ketef yóm gónô bong, ne ditu ta gotu sentungô Absalum lu yó kem libun nmu maen igò le temngel yóm kdéen tau bè yó.

1 Samwél 2:24

Tenflok ye mò du ni kem ni, kem ngà. Tey sidek yóm udél gel gungolu sensból yó kem tau Dwata.

Tekang Kbuten 49:4

Okóm hol lómón ke uu yóm dunuk là gbek hemseng du. Là budi lemyu senta yó kem twolihem lemwót bè yóm kugetem yóm sotu libun nmuhu, deng mom henyakem maem.

Tekang Kbuten 37:2

Ne ni se tutul yó kem fes lówóhen. Wen sotu ngà Jakub logi boluyen Jusif ne deng sfolò hitu ne halayen. Yó gel nmoen, gel mung hótób ubiha ne kambing bè yó kem twoguhen, yó kem ngà yó kem libun nmu maen, le Bilha ne Silpa. Ne gel tulón Jusif ke maen yóm sidek gel nmò yó kem twoguhen.

Tekang Kbuten 35:22

Bè yóm knô le Jakub bè yó bè Idér, lemwót Rubén sentungóen bè yóm sotu libun nmu maen boluyen Bilha. Ya tey sidek kbut Jakub bè yóm kungolen du. Yóm Jakub, wen sfolò lewu ngaen logi.

2 Kurin 2:5

Yóm tau mò sidek lem blóng ye bè yó, là kô ou du senbewegen, kaem yu se, yu kem tau hemtahu bè yó, wen se bélê ye senbewegen. Yó gónóhu mon du yóm monu yó anì là katen sidek kegnómen du lemwót bè yóm udélu.