1 Kurin 4:9 - Udél Dwata: Gna Kesfasad ne Lomi Kesfasad

⁹ Bede bélê me kum kem tau deng nélék Krays mò gel hógówen, bè dou kehedem du, dô mi se yó kem tau deng alì heglaan Dwata bè kdéen. Ne lómón ke mi yó kem tau deng nfét mò hnatay bè gónón wen. Tódô kdéen tau temngel kum, ne balù tu kem hógów Dwata gu bè longit, gotu tenngel le mi se kul.

1 Kurin 4:9 Referans Kwoze

Hibru 10:33

Deng tódô henyak le yu bè gónón wen, ne hensidek le yu. Okóm kuy, mom nfi ye yó kem dumu ye hemtahu deng gónó le mò du yóm yó.

Sulat Pol Ebè Yó Kem Tau Hemtahu Bè Rom 8:36

Lómón yóm monen bè Sulat Dwata, monen, “Lemwót bè klolò me kóm, Dwata, yó gónón là skó yóm tendo kóló le hmatay kum. Lómó kehedem le ebélê me, lómón ke ógóf nóló tnétê.”

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

Hibru 11:36

Yó gel nmò le bélê le yó kem tau hmohon kul, gel henwog le lu, ne nfes le lu, lel le kemdina kul ne bnanggù le lu.

1 Tisalunika 3:3

anì laen dù bélê ye gemkogol du yóm kehtahu ye balù yóm tey keglayam ye. Deng hónô tngón ye se nim keglayam tekuy ni, kun kmò kehlan du Dwata.

2 Kurin 6:9

Laen kô dù boluy me bè kem dumu tau, okóm bong me tótól bè kem dumu. Ne udì duen gónó me là gel matay, okóm ton ye se, ni mi, tolo me mowil. Gel wen se tau hemsidek kum, bede là se henlós hnatay le kum.

Kul Nmò 19:31

Balù yó kem ween wen glal le bè prubinsya, tminok le ebéléen anì hol béen abay mógów bè yó.

Kul Nmò 19:29

Gotu le gbót lembut se kul yó kem dumu tau bè yóm syudad yó, ne gotu le hetê. Tódô senkfô le Gayus ne Aristarkus, yó kem lewu tau mung ke Pol lemwót bè Masdunya. Nit le lu ebè yóm sotu gónô bong gónó le gel stifun skukum.

Kem Lingón 44:22

Okóm lemwót bè yóm klolò me kóm, Dwata, gónó le tendo tô hmatay kum ket kdaw. Hol me mkél bè yóm ubiha gel hnatay le.

Kem Lingón 71:7

Yóm dou klowil, lómón ke mò gónó le temngel yóm kdéen tau, abay se uu yóm mbegel mofin dou.

Jirimaya 20:18

Moen de ke tehehe sut? Yóm klawihu mowil laen kô dù gónón menek, senflósen wen gónóhu langag ne wen gónóhu myak.” Là gomongen bè nili yóm tsaptér 21. Yó tulónen bè nim tsaptér ni yóm kdók Sidikaya tau ebè Jirimaya anì hol mni tóbóng bè Dwata bélê le anì là henlós genbà Nibukadnisar du yóm syudad le, blaem deng snibut le lu. Okóm yó balà Dwata kul, là kô tnóbóngen kul. Mom hegefen Sidikaya mung du yó kem genlalen ne gotu ntem yó kem hohon le yóm syudad Jirusalim.

1 Kurin 15:19

Ke olon bè nim klowil tekuy te tonok ni yóm hendón nefet nawa tekuy bè Krays, olo tekuy tau alì megkodu bè kdéen tau.

2 Kurin 11:23

Ke gel mon le tau le tóbóng lówó Krays se kul, mom ou ne tau tóbóng lówó hol gulit senta le. Ni se udél yóm tau lengel mata nim udélu ni. Là kô na le e gatù dou bè yóm alì kmou nmò bè Krays. Deng hilu duléku geblanggù, ne deng hilu duléken ne wen tau mfes dou ne tô hmatay do.