1 Kurin 4:7 - Udél Dwata: Gna Kesfasad ne Lomi Kesfasad

⁷ Ilóem kmon ye ke geta ye senta yó kem dumu ye hemtahu. Wen kô tódô kun kenhulung yóm tau ke là lemwóten bè Dwata? Ke lómón yó, moen de ke tô nit ye hegmón yóm deng blay Dwata kuy?

1 Kurin 4:7 Referans Kwoze

Kun Snulat Jan 3:27

Bnalà Jan lu, monen, “Là kô wen tódô nmò yóm tau ke là lemwóten bè Dwata.

1 Pitér 4:10

Wen kenhulung deng blay Dwata kuy, yóm ket kuy ne sotu, ne tey dê kayen yóm kenhulung blayen yó. Yó muhen yóm deng blayen kuy yó mò lan ye tmóbóng kem dumu ye tau. Yó gónóm mon, hol hninggel ye mit du yóm kenhulung deng blayen kuy.

Sulat Jim 1:17

Hono hyu yóm kdê deng blayen tekuy, balù udì ke wen gónón sidek. Yó se kun kmò Dwata, yóm deng dmimun kdê yó kem lemayag ton tekuy bè longit. Gel megetles ne mili yóm olung yó kem lemayag bè longit yó, okóm ke Dwata kun, là kóen na a mili, sana kem kun kehyu.

Sulat Pol Ebè Yó Kem Tau Hemtahu Bè Rom 12:6

Duhen yó, hol nmò tekuy sen yóm kenhulung blay Dwata tekuy. Ke benlay Dwata uu khulung tmulón yóm kun udél, hol nmoem sen, mlan bè ktahu yóm deng hentahuhen.

Kun Snulat Jan 1:16

Deng tekuy gotu gomong lemen ne yóm tey klinggel nawahen ebè tau. Yóm któbóngen tekuy, tódô seflós, là kóen skó.

Kem Udél Hlalak Tehe Selumun 2:6

Yakà tek són du bemlay du yóm khulung hedem ne bud du se gónón lemwót yóm ketngón ne ketnef.

Kun Snulat Luk 19:13

Bè yóm là deng kewóten, sfolò tau tinoken ebéléen, hono kem tau gel mò nmò béléen. Senket benlayen lu filak blówón, monen mò kul, ‘Nim filak hogotu kuy ni mò hból ye bè nim hlunu mógów.’

1 Kurin 15:10

Okóm yó gónóhu baling tau hógówen, tódô lemwót bè yóm tey nawa Dwata dou. Ne yóm nawahen dou yó, tey wen uléken. Bè ktahuhen, bè kdê yó kem dumu tau gel hógówen, là kô gesenged le du se yóm dou kteneb mò nmò bè Jisas. Okóm là kóen na a lemwót bè dou kgis yóm kmou du, tódô lemwót bè yóm któbóng Dwata dou.

1 Kurin 7:7

Bè hol ktahuhen, hyu béléu ke là myehenen yóm tau lómón yóm dou. Okóm tódô tngónu là sengeden yóm genbek blay Dwata tekuy. Tólóng se blayen bè yóm sotu tau, ne bud tólóng se bè yó kem dumu.

Sulat Pol Ebè Yó Kem Tau Hemtahu Bè Rom 12:3

Yóm deng kélék Dwata do gónón wen kwalisu mon du mò kuy yóm kdê ye, bê ye abay nmò uléhen yóm kwit ye du yóm kenhulung ye abay se Dwata yóm bemlay du kuy.

Sulat Pol Ebè Yó Kem Tau Hemtahu Bè Rom 1:5

Mlan bè yóm Ngaen yó, wen tey hyu hmò Dwata dou, duhen yóm gel khógówen dou elem blóng yó kem tau là Ju le anì hol megdóyón Krays. Nitu yóm Tulón Hyu lem blóng le anì gbót nimón le Jisas se kul lemwót bè yóm kehtahu le béléen.

Danyél 5:23

Deng mom natuem yóm Dwata nô bè longit lanem hangay yó kem tegayan tehe nô lem yóm kun Gónô Dwata. Deng ye mom minum tifas grép lemen yó kem genlalem ne yó kem yehenem ne yó kem libun tódô nmuhem yóm igò ye dmóyón yó kem dwata nmò ye lemwót bè blówón bukay ne bè tahu blówón ne lemwót bè tembaga futì ne lemwót bè bala tók ne lemwót bè koyu ne bè botu, kem dwata là mton ne là mungol ne laen dù tngón le. Okóm là dog nadatem ke Dwata igoen du mogot klowilem ne eles tngónen yóm gónóm e kól.

Danyél 5:18

Yóm Dwata hol dandónen geta bè kdéen, tehe hogoten ke maem Nibukadnisar yóm klamangen. Du se hol hfasang du ne hegeta du ne htótól boluyen.

1 Kurin 5:6

Tey là kóen na a hyu yóm kehegmón ye yó. Igò ye se temngón du yóm gel mon le, “Baluen ke tek udì yóm ken bali, ke suem bè yóm ken là balihen, gbót bali snéen yóm ken lomi.”

1 Kurin 3:5

Bè ktahuhen, nim ou lewu me Apulus, olo me kem tóbóng lówó Dwata mò lan ye hemtahu béléen. Olo me kem tau mò du yóm hmoen kum yóm gónó tekuy mogot.