1 Kurin 4:6 - Udél Dwata: Gna Kesfasad ne Lomi Kesfasad

⁶ Bè nim kdê tulónu kuy ni koni, kem dumuhu setwoli, hlédu ebélê me lewu me Apulus mò gna gónó ye temngel anì wen dnalang ye bè yóm tehe gel mon tau, yóm mon le, “Bê ye nulé yó kem gel hlolò le kuy.” Là hyuhen ke mtukul hegeta ye ne mtukul henwog ye.

1 Kurin 4:6 Referans Kwoze

2 Kurin 11:4

Yó gónóhu mon du yóm yó, abay se là kô kenbê ye du yóm tau sut lem blóng ye, ne tólóng se yóm tulónen kuy gbak ebè Jisas. Là sengeden bè yóm kum ktulón du. Ne yóm tulus kul gel tulón, tey stólóng bè yóm kun Tulus Dwata. Ne yóm kul tulón gel nwit yó, tey stólóng bè yóm Tulón Hyu kum gel nwit.

2 Kurin 12:19

Déke yó hendem ye, yó muhu mudél du nim udélu ni mò balau yó kem tey dê udél etahu. Là kô yó du. Kaem yó dé muhen mò gónóhu gemtóbóng kuy, yu kem dumuhu sogot nawa. Krays se nim fen hudél do ni. Bè yóm kudélu du, hol lómón ke nóe bè solu Dwata.

2 Kurin 12:6

Ke nawahu se dou smalù knô, là kóe tau nungel, abay se yóm tô tulónu, hono tahu. Okóm là kóe na a smalù knô. Kóyóu ke tódô lemwót bè yóm gel ton le béléu, ne yóm gel gungol le gu béléu gónóhu megsalù.

Kulasi 2:18

Hol bê ye abay hnungol yó kem tau hegeta le knô le bélê ye, lemwót bè yó kem tódô gel hegfan bélê le kun. Lu se yó kem tau alì dmuil hlolò du kuy yóm keheglaan knô là tahuhen lan le gel tmaba ebè yó kem hógów Dwata nô bè longit. Yó kem tau yó, olo le beyen hegmón laen dù lem. Tódô lemwót bè kehedem tau te tonok yóm nmò le yó.

1 Tisalunika 1:5

Abay se bè yóm tehe kwit me ebélê ye yóm Tulón Hyu, là kô olo udél tau du se yóm yó, okóm tódô gmung bè yóm udél me yóm kun kfasang yóm Tulus Dwata, ne tódô gnóm me se kum yóm hol ktahuhen yóm tulón nwit me yó. Ne deng ton ye snéen yóm kum kmò bè yóm tehe knô me bélê ye dyó, hono bè kuy kehyu nim nmò me ni.

Sulat Pol Ebè Yó Kem Tau Hemtahu Bè Rom 12:3

Yóm deng kélék Dwata do gónón wen kwalisu mon du mò kuy yóm kdê ye, bê ye abay nmò uléhen yóm kwit ye du yóm kenhulung ye abay se Dwata yóm bemlay du kuy.

2 Kurin 10:7

Bélê ye kuy, són yóm gel ton ye ta yóm gel snolò ye. Wen se tau bélê ye bè yó kun mon du du kun hógów Krays. Yake nan hol hendem dé yóm tau yó, abay se mi snéen kem tau hógów Krays.

2 Kurin 4:15

Yó se gónó me hembala du yó kem mgel gel sut bélê me mò lan me tmóbóng kuy. Abay se ke sónmoen temnù tau tnóbóng Dwata, sónmoen se temnù tau dmóyón du. Yó se sotu alì gónón megdóyón Dwata.

1 Kurin 8:1

Bong bè yóm deng snólók ye bè yóm ken deng dsù bè dwata kéng, ni se balau du. Tahu se yóm mon le, “Kdê tekuy se temngón du nim snólók le ni.” Ke lómón yó se kmoen, hol ten-gama ye, kô niten yu heklabak yóm ketngón ye yó. Okóm gel mlan bè yóm kbong nawa tekuy kem dumu tekuy hemtahu gónó tekuy temgel kul bè kehtahu le.

1 Kurin 5:6

Tey là kóen na a hyu yóm kehegmón ye yó. Igò ye se temngón du yóm gel mon le, “Baluen ke tek udì yóm ken bali, ke suem bè yóm ken là balihen, gbót bali snéen yóm ken lomi.”

1 Kurin 3:19

Yóm kul ketngón yó kem tau te tonok, bè kun kehedem du Dwata, ketngón laen dù muhen. Hol lómón se yóm deng monen bè Sulat Dwata, yóm monen, “Yóm tau alì snaligen yóm ketngónen, yó se henged holot gónó Dwata hebkó du.”

2 Timuti 2:10

Kem kunen ne, kihu kem kmò le dou, syan ke gtóbóngu yó kem tau deng nélék Dwata anì gewà le gu lem hatay se kul lan le hemtahu bè Krays Jisas, ne anì guta le yóm klowil laen dù sónen.

2 Kurin 10:15

Là kô me megsalù du kum yóm nmò deng gendeng dumu tau, yóm nmò là hmò Dwata du kum. Okóm lemwót bè yóm kgomong ye lemen yóm hmò Dwata kum, yó dé hendón me bélê ye ke hol mbegel yóm kehtahu ye, ne ke nan hol bud temnù yóm kmò me nmò lem blóng ye, syan ke là nulé me du yóm deng hmò Dwata kum.

2 Kurin 10:12

Yó kem tau alì heklabak lem blóng ye bè yó, là kô gsenged me kul, là kô me gomong bélê le se kum. Tey le tau là hulung hedem se kul. Ofo kul mon du ke són lu temngón du yóm hyu, ne gsengel nawa le du yóm kul ktau bè yóm klolò le du yóm kul kehedem yó.

1 Kurin 13:4

Ke wen kesbong tekuy nawa, kaem manay nawa tekuy bè kem dumu tekuy, ne hyu kmò tekuy ebélê le. Là kô nmò tekuy du yóm sélés nawa ne yóm heklabak ne yóm kehegmón.

1 Kurin 9:23

Yó gónóhu mò du nim ni anì hol mból yóm Tulón Hyu nwitu, ne anì wen se dou du bè yóm hyu gel tulónen lemen.

1 Kurin 5:2

Moen de ke deng ye mom hegmón? Mò ye là kemblat du nawa du yóm salà yó? Hol bê ye abay bud hmung bè yóm gel kestifun ye yóm tau mò du yóm yó.

1 Kurin 3:21

Duhen yó, là hyuhen bélê ye ke mtukul tau salù ye. Bè ktahuhen, ou ne Apulus ne Pitér, dumu me stóbóng mò du yóm kuy kehyu. Hono kuy kehyu snéen yóm klamangen benwu, ne yóm klowil ye ne balù yóm angat katay ye, ne yóm gel sut bélê ye nim kmoen ni duhen ke yóm angat sut elem hulin kdaw, ni kdéen ni, hono kem kuy kehyu.

1 Kurin 1:31

Bong tahu se yóm monen bè Sulat Dwata, yóm monen, “Olon yóm kun deng nmò yóm gónóhem mogot yóm hol saluem. Béi mom hton salù yó dum kóm.”

1 Kurin 1:19

Deng wen hsulat Dwata ekni, yó monen, “Yóm kul khulung hedem yó kem tau temngón talak tonok, nmou sónen. Ne hegfanu yóm klaen dù muhen yóm kul ketngón yó kem tau alì bong hennagì le.”

1 Kurin 1:12

Wen se bélê ye mon du kun, “Lolou Pol dou.” Ne mon kem dumu, “Apulus dou.” Ne bud wen mon du, “Pitér dou lolò.” Ne wen se mon du kun, “Lolou Krays dou.” Yó se gónóhen mesgólól nawa ye.

Isaya 2:22

Yó gónóm mon, bê tekuy abay smalig bè tau, mahil le matay se kul. Laen dù mu te smalig kul. Là gomongen bè nili yóm tsaptér 3. Yó htulón Dwata ke Isaya yóm angat ktafak Dwata yó kem tau bè benwu Juda. Yó monen bè bérs 8, “Angat gbà Juda ne Jirusalim lemwót bè yóm alì kehnê le ke Dwata ne yóm là kimón le du. Tey le móyô mò salà mkél bè yó kem tau bè Sodom. Bà udì ke olò wen yak le. Tey angat ksideken yóm angat kól bélê le. Yóm gel kmò le sidek mit kul meglà.” Bè yóm keglà Dwata kul yó, yó udél Dwata ebè yó kem gel mimón du, monen, “Wen ofol knóón blayu kuy.” Okóm yó udélen ebè yó kem gel mò sidek, “Dohò ye meglà. Yu snéen gemwa du yóm kuy ofol. Deng ye móyón megtafak ne.” Yó kem tau tanay gónó Dwata hegnóm du yóm ktafaken kul, duhen yó kem tau gel malak bè yó kem benwu le, abay se deng mom lu yóm wen gónó le ma lemwót bè yóm kehegnok le yó kem tau élél. Yó todol gónó Dwata bud hegnóm du, duhen bè yó kem libun hton dóyón gel lemsek yó kem nes gónó le gel gbóy yó kem logi. Yóm alì sidek ktafak Dwata kul yó duhen yóm gotu kegef le kul ebè Babilun. Laen kô dù bud tebel bélê le són yóm yak le. Ne yó kem logi bè yóm syudad Jirusalim yó, gotu le matay bè gida. Là gomongen bè nili yóm tsaptér 4. Htulón Dwata ke Isaya yóm angat kól, monen bè bérs 1, “Bè yóm kdaw yó là holen dê yó kem logi tebel. Hitu libun semgled du bè yóm ket sotu logi ne yó mon le, ‘Bayaem mi myehen kóm! Tódô mi mebel mò kmò kken me ne knes me. Okóm hyu ke gel tnaba le mi mlan bè yóm kóm boluy anì là gel henlò le kum kem libun là myehen.’ ” Okóm yó sotu bud htulón Dwata ke Isaya yóm bud kehguléken klowil yó kem tau, kogol yóm kegbaen yóm benwu Juda ne Jirusalim ne khegefen yó kem tau. Yó monen bè bérs 3—5, “Tu kem kdê boluy deng snulat le, tu se yó kem tau tolo mowil kdeng yóm kegbà Jirusalim, gotu le baling tau mólós. Gotu nolob Dwata yóm kehdóyón yó kem libun bè Jirusalim. Gotu hólósen yó kem tau bè Jirusalim bè yóm gónó le là gulit. Ne kenlung Dwata Jirusalim ne gomong yó kem tau nô bè yó.”

Kem Lingón 146:3

Hol béem ken-gel nawa yó kem tau mogot benwu. Laen dù bélê le ke gembek lemwà kóm.

Kem Lingón 8:4

Ke hendemu yóm deng nmoem yó, le hilu he kun yó kem olo tau tonok. Kiholen yóm tey nawahem ebélê le.

Kul Nmò 18:24

Bè yóm kdaw yó, gdek bè Ifisus yóm sotu tau boluyen Apulus. Du se sotu Ju lemwót bè syudad Aliksandriya. Tey tau hulung tmolok se kun, ne tey mdengen ketngónen du yóm nô lem Sulat Dwata.

Kul Nmò 19:1

Bè yóm tolo knô Apulus bè Kurin, lemwót ke Pol tódô hnalaken yóm sotu prubinsya efet kól bè Ifisus. Ne wen kem tau hemtahu glebeten bè yó.

2 Kurin 12:20

Wen tey tnafa nawahu bélê ye. Tnafa nawahu ke kóle dyó, déke wen tonu bélê ye yóm là nóyóu du. Ke tahu se yóm yó, déke angat wen se ton ye béléu yóm là nóyô ye du se kuy. Yó tnafa nawahu, kô tonu bélê ye yóm skuya mon, ne yóm sélés nawa, ne yóm sefebut, ne yóm seglom, ne yóm sefnê, ne yóm kenek ksumóng ye, ne yóm kehegmón ye, ne yóm kesbeweg ye.