1 Kurin 4:21 - Udél Dwata: Gna Kesfasad ne Lomi Kesfasad

²¹ Mahil du de nóyô ye bè yóm kógówu edyó? Naw e tnafak yu kô, duhen ke hegfanu yóm tey kehyu kmou bélê ye?

1 Kurin 4:21 Referans Kwoze

2 Kurin 13:2

Yu kem tau deng tehe gel mò sidek ekni, ne yó kem dumu tau bè yó, ni wen eles tulónu kuy. Deng tehe eles tulónu kuy ekni bè yóm gewuhu dulék bud mauy kuy, bede bud nulitu bélê ye nim ni gu laan tekuy là deng bud ston. Yó udélu bélê ye, bè yóm bud kkólu bè yó, laen kô dù tau mò sidek ke là angat tnafaku du.

1 Tisalunika 2:7

Okóm ke nawa me se hadat bélê ye, là móngóhen, yakà mi du se yó kem nélék Krays mò hógówen. Okóm yóm kmò me kuy, heskél tekuy ebè yóm libun alì ganag nawan semgifà yó kem ngaen.

2 Kurin 13:10

Yó gónóhu gna hemwit sulat ebélê ye ni gu laan tekuy là deng bud ston anì laen dù gónóhu tmafak kuy soke kól dyó lem blóng ye. Yó hol muhen yóm kfasang blay Krays dou mò gónóhu tmóbóng kuy bè kehtahu ye. Sundu yó du muhen ke mò gónóhu hemsidek kuy.

2 Kurin 2:3

Yó se gónóhu tehe smulat du yóm gna sulatu ebélê ye, abay se kóyóu ke eles kó ye yóm sidek nmò ye anì là sidek kegnómu du sok bud nauyu yu. Abay se bélê ye gónón wen kligalu. Deng eles tódô tngónu ke hligale lem blóng ye, hligal ye snéen kuy.

2 Kurin 1:23

Yó gónóhu là dohò slob bélê ye bè Kurin bè yóm tehe kógówu, abay se là kóyóu du ke wen gónóhu mudél kuy. Tódô ton Dwata se ke kéng nim monu ni koni. Gotu tngónen se yóm nô bè nawahu.

Sulat Jim 3:17

Okóm yóm tau ke lemwót bè Dwata yóm ketngónen, laen kô dù belenen. Gel nmoen yóm gónón menek bè kem dumuhen, lelen ganag nawahen ne wen khulungen mit swè. Tey gel knoduhen kem dumuhen ne lelen hyu kmoen ebélê le. Là kô ton tekuy du béléen yóm nawa kmihu ne laen se kô lafinen yóm nawahen.

2 Kurin 10:6

Ke deng gotu hegfan ye yóm kimón ye du yóm hlolò me kuy yó, yó he kógów me edyó. Ne ke tolo wen dumu tau là mimónen, yó he ktafak me kul.

2 Kurin 2:1

Yó se gónóhu là dog dohò bè yóm tô kógówu edyó, abay se deng hendemu là móyóe ke bud sidek kegnóm ye du lómón yóm gna kógówu edyó.

2 Kurin 10:8

Balù yóm deng tô kegedlug ktulónu du yóm kwen kwalis me lemwót bè yóm gónó tekuy mogot, laen kô gónóhu myak du se. Abay se nim kwalis me ni, yó muhen mò lan me hbegel kuy bè kehtahu ye. Là kô yó du muhen ke gónó me gembà kuy.

2 Kurin 3:10

Bè ktahuhen, lemwót bè yóm tey kehyu yóm keslinang hegfan Dwata nim kmoen ni, deng mom tódô lana ne kun tum gna slinang tu ekni.

1 Kurin 5:5

na ye tódô bayà bè Seitan he yóm tau yó anì nan hol glayam lówóhen, syan ke bud mulék nawahen ebè Dwata anì là gehlósen elem hatay bè yóm kdaw angat kehdaen du bè soluhen yóm gónó tekuy mogot.

1 Kurin 4:18

Deng wen se bélê ye hegmón. Ofo kuy mon du ke là bude mauy bélê ye.

2 Kurin 12:18

Bè yóm tehe khógówu ke Taytus edyó, wen sotu dumu tekuy hemtahu hmungu du. Wen kô gónó Taytus smukat kuy bè yóm kógówen edyó? Là kô yó du. Senged se yóm kun knawa Taytus bè yóm dou knawa, ne yóm kun kmò, senged bè yóm dou kmò.

Glasya 6:1

Ó kem dumuhu setwoli, ke wen ton ye sotu bè yó kem kuy dumu hemtahu wen gónón btang bè kloloen ke Dwata, hol hen-ganag ye nawa ye tmóbóng du, yu kem tau gulit kloloen du yóm Tulus Dwata, anì mulék hyu se kun. Okóm eles ten-gama ye, kô wen gónó ye gsindil se kuy.