1 Kurin 4:2 - Udél Dwata: Gna Kesfasad ne Lomi Kesfasad

² Tek sotu hnebel Dwata bè yóm tau tóbóng lówóhen, tek són yóm kguliten.

1 Kurin 4:2 Referans Kwoze

Matyu 25:21

Ne monen se mò du yóm gónóhen mogot, ‘Wóyón dé. Tey hyu nim uu, teyi gulit. Lemwót bè yóm kgulitem bè yóm udì hogotu kóm, bong ne sigangu tahem. Yó ne, holi mung dou dé anì gmungi lemen yóm dou kligal.’

Kun Snulat Luk 12:42

Ne bnalà Jisas se, monen, “Yóm tau gulit kmoen nmò bè yóm gónóhen mogot, ne hulung hedem, yó se yóm tau tódô gotu hogoten du yóm gónóhen mogot yóm gónóen ne yó kem dumu tau mò nmò béléen mò fen semgifà kul.

Matyu 25:23

Ne bud monen se mò du yóm gónón mogot, ‘Wóyón dé. Tey hyu nim uu, teyi gulit. Lemwót bè yóm kgulitem bè yóm udì hogotu kóm, bong ne sigangu tahem. Yó ne, holi mung dou dé anì gmungi lemen yóm dou kligal.’

Kem Udél Hlalak Tehe Selumun 13:17

Hnayamen kem dumu tau ke dókem mit tulón yóm tau gel mò sidek, okóm yóm tau gsalig ke dókem mit tulón, heneken nawa tau.

Lista 12:7

Okóm tólóng ke mudéle ebè Musis kun, yóm tóbóng lówóhu. Deng gotu sigangu tahen yó kem dou tau Israél.

Kulasi 4:17

Ne tulón ye do ke Arkipus, mon ye mò du, “Hol hendengem yóm deng sigangen tahem yóm gónó tekuy mogot.”

2 Kurin 2:17

Bélê me kum, là kô me mkél bè yó kem dumu tau tmolok Udél Dwata, són filak gel hnebel le. Tey dê se kem tau mò du yóm yó. Okóm lemwót bè yóm khógów Dwata kum, tey gulit kmò me du yóm hmoen kum, hol lómón ke nô me bè soluhen bè yóm gel ktolok me, yakà deng me tóbóng lówó Krays.

Kulasi 1:7

Nim tóbóng Dwata ni, deng tehe dnalang ye bè Ipafras yóm sotu tóbóng lówó Krays, kum dumu sogot nawa. Tey gulit bè yóm kmoen nmò bè Krays mò gónón tmóbóng kum bè yóm ktolok me bélê ye.

1 Kurin 7:25

Bong bè yóm snólók ye bè yó kem tau là dengen myehen, laen dù hlau lemwót bè yóm gónó tekuy mogot ke gbak bè nim snólók ye ni. Okóm wen tulónu kuy lemwót bè yóm dou kmò kehedem du. Ne denge baling tau gsalig lemwót bè yóm kkoduhen dou yóm gónó tekuy mogot.

2 Kurin 4:2

Tey kenbê me kum yó kem nmò sidek gel bnos tau, ne yó kem dumu nmò gónó le gel hemyak knô. Là kô gel nmò me du se kum yóm gel smukat. Bè yóm gel ktolok me udél Dwata, là kô tódô lenbù me du, sal gel tulón me yóm ktahuhen. Ne tódô tngón Dwata se ktahuhen nim monu ni, ne dilô kem dumu tau snéen yóm klaen dù lafinen yóm gel nmò me.

Kulasi 4:7

Yóm dou kmò dini, gotu tulón Tikikus kuy he, yóm sotu dumu tekuy sogot nawa, ne là kóen mili nawahen tmóbóng do. Du se sotu tóbóng lówó yóm gónó tekuy mogot.

1 Kurin 4:17

Yó se gónóhu hógów ke Timuti edyó bélê ye anì hegtulónen bè nawa ye yóm kmò kekdolu bè nim lomi klowilu lemwót bè yóm deng kessotu nawahu bè Krays Jisas. Duhen ni se yóm alì gel toloku bè yó kem tau hemtahu bè ket benwu gel lanu. Nim Timuti monu ni, lómón ke du yóm hol ngau dumuhu sogot nawa lemwót bè kehtahu me, ne tey teneb nawahen.

2 Bok Kem Tau Hol Geta 22:7

Yó kem tau gónón gsigang yóm filak yó, laen dù mu tekuy mni du bélê le lista yóm filak deng nô lem hólól le, abay se tey le gsalig.”

1 Kurin 4:1

Bè kuy kehedem kum, mi se kem tau tóbóng lówó Krays. Deng sigang Dwata ta me yóm ktahuhen tehe gbuni bè kem tau gnan.

1 Kurin 4:3

Béléu do, là hol hendemu du ke yu duhen ke wen dumu tau tô kmukum du ke denge gulit duhen ke là. Anì sem ou du, là kô hol tngónu du ke denge gulit.