1 Kurin 4:19 - Udél Dwata: Gna Kesfasad ne Lomi Kesfasad

¹⁹ Okóm ke mlan bè kun kóyô yóm gónó tekuy mogot, là legenen bud ton ye ou dyó. Naw e hnénég yóm kul kfasang yó kem tau alì hegmón bè yó. Hnénég tekuy ke tahu, duhen ke són bè udél le gónó le mfasang.

1 Kurin 4:19 Referans Kwoze

Kul Nmò 18:21

“Ke kun kóyô Dwata, angate bud gemdà dini.” Ominen bud smakay kafal lemwót bè yó bè Ifisus.

Kul Nmò 19:21

Kogol ni kem ni, yó hendem Pol nan bud mlan tmonok lem prubinsya Masdunya ne Akiya, ominen hlós mulék ebè Jirusalim. Yó monen, “Sok kogolu gu bè Jirusalim, là gbeku du ke là hlóse ebè syudad Rom.”

Hibru 6:3

Hlós tekuy dé ebè yó kem dumuhen. Ni se angat nmò tekuy ke kun kóyô Dwata.

2 Kurin 1:23

Yó gónóhu là dohò slob bélê ye bè Kurin bè yóm tehe kógówu, abay se là kóyóu du ke wen gónóhu mudél kuy. Tódô ton Dwata se ke kéng nim monu ni koni. Gotu tngónen se yóm nô bè nawahu.

1 Kurin 11:34

Ke wen tau bitil bélê ye, yake tódô mken bè gónóen anì là wen gónó Dwata tmafak du bè yóm gel kestifun ye. Bè yó kem dumu snólók ye béléu, angat tulónu kuy he soke deng kól dyó.

1 Kurin 4:18

Deng wen se bélê ye hegmón. Ofo kuy mon du ke là bude mauy bélê ye.

1 Kurin 2:6

Bè yó kem tau deng mbegel kehtahu le, wen dou ketngón toloku kul. Bede là mkélen bè yóm kul ketngón yó kem tau te tonok, ne là mkélen bè yóm kul ketngón yó kem tau wen kfasang le mogot benwu. Yóm kul kfasang yó, deng sana nbuten monol.

Sulat Pol Ebè Yó Kem Tau Hemtahu Bè Rom 15:32

Duhen yó, ke kóyô Dwata angate mógów elem blóng ye. Ilóu tey kehyu kegnómu du bè yóm angat keston tekuy yó.

Sulat Jim 4:15

Yake mon tekuy dé, “Ke kun kóyô yóm gónó tekuy mogot, nan hol hlowil tekuy anì wen gmò tekuy.”

1 Kurin 16:5

Naw na gna mlan gu lem prubinsya Masdunya he, ominu hlós edyó bélê ye, abay se là gbeku du ke là mlane bè yó.

1 Kurin 14:5

Hyu nawahu se ke gotu ye hulung mudél ebè Dwata bè yóm tólóng udél. Okóm milud he kehyuhen ke kdê ye gotu hulung tmugod yóm udél Dwata. Tey bong muhen kun yóm tau hulung tmugod yóm udél Dwata senta yóm tau tódô hulung mudél ebè Dwata bè yóm tólóng udél. Song gónón hyu ke wen fen hulung bud tmugod du bè kem dumun tau hemtahu yóm lanen yóm udélen anì wen gónón tmóbóng kul.

Kul Nmò 20:2

Tódô lenngeben klamang Masdunya gónón e tmolok, sónmoen tendo gemduf yó kem tau hemtahu bè yó. Ngangen mógów efet kól bè prubinsya Akiya.

1 Kurin 4:6

Bè nim kdê tulónu kuy ni koni, kem dumuhu setwoli, hlédu ebélê me lewu me Apulus mò gna gónó ye temngel anì wen dnalang ye bè yóm tehe gel mon tau, yóm mon le, “Bê ye nulé yó kem gel hlolò le kuy.” Là hyuhen ke mtukul hegeta ye ne mtukul henwog ye.

1 Kurin 16:7

Là kóyóu du ke olohu likót gdóng ke mógówe edyó. Ke kun kóyô yóm gónó tekuy mogot, hyu ke malù legen yóm knóu bélê ye.

2 Kurin 10:9

Bê ye hendem ke yó muhen yóm sulatu ebélê ye ke hewóhu kuy.