1 Kurin 4:18 - Udél Dwata: Gna Kesfasad ne Lomi Kesfasad

¹⁸ Deng wen se bélê ye hegmón. Ofo kuy mon du ke là bude mauy bélê ye.

1 Kurin 4:18 Referans Kwoze

1 Kurin 5:2

Moen de ke deng ye mom hegmón? Mò ye là kemblat du nawa du yóm salà yó? Hol bê ye abay bud hmung bè yóm gel kestifun ye yóm tau mò du yóm yó.

1 Kurin 4:21

Mahil du de nóyô ye bè yóm kógówu edyó? Naw e tnafak yu kô, duhen ke hegfanu yóm tey kehyu kmou bélê ye?

2 Kurin 10:2

Yó udélu ebélê ye, yake hol tenles ye kmò ye anì là gungol ye du yóm udél des soke kól dyó. Là kóe likò mudél kul yó kem tau gel mon du bè yóm gel nmò me lem blóng ye kun, hol me mkél bè kul kehedem yó kem tau te tonok.

2 Kurin 12:20

Wen tey tnafa nawahu bélê ye. Tnafa nawahu ke kóle dyó, déke wen tonu bélê ye yóm là nóyóu du. Ke tahu se yóm yó, déke angat wen se ton ye béléu yóm là nóyô ye du se kuy. Yó tnafa nawahu, kô tonu bélê ye yóm skuya mon, ne yóm sélés nawa, ne yóm sefebut, ne yóm seglom, ne yóm sefnê, ne yóm kenek ksumóng ye, ne yóm kehegmón ye, ne yóm kesbeweg ye.