1 Kurin 4:15 - Udél Dwata: Gna Kesfasad ne Lomi Kesfasad

¹⁵ Baluen ke sfolò libu tau gel tmóbóng kuy bè kehtahu ye, tek sotuhu yóm mà ye. Ou se yóm hol tanay tmulón du kuy yóm Tulón Hyu lemwót bè Dwata. Ne lemwót bè yóm deng kessotu ye bè Krays Jisas, yó gónó ye menmà béléu.

1 Kurin 4:15 Referans Kwoze

Glasya 4:19

Ó kem ngà gónón mogot nawahu, gu laan ye là deng gmulit yóm kun kmò Krays, tey sidek kegnómu du. Lómón kegnómu du, lómón yóm libun kmuleng blututen.

1 Kurin 3:10

Lemwót bè yóm kenhulung blay Dwata dou, gónóhen mbegel kehdau du yó kem heheken. Bede tólóng tau fen hemdeng du. Ket tau semtóbóng hemdà du yóm gónô yó, yake hol ten-gamahen yóm kmò kehdaen du.

1 Kurin 9:23

Yó gónóhu mò du nim ni anì hol mból yóm Tulón Hyu nwitu, ne anì wen se dou du bè yóm hyu gel tulónen lemen.

1 Kurin 9:14

Senged snéen yóm hloloen tekuy yóm gónó tekuy mogot ekni gbak ebè yó kem tau mit du yóm Tulón Hyu. Deng monen hyu ke yó kem tau gónó le tmolok fen lemowil kul.

1 Pitér 1:23

Wen lomi klowil blay Dwata tekuy hlanen bè udélen, yóm udél laen dù tul sónen. Là kóen lemwót bè kul klowil yó kem tuha tekuy yóm klowil yó, bede hol lemwót bè Dwata, yóm laen dù tul katayen.

Sulat Jim 1:18

Deng tódô lemwót bè kun kóyô yóm kehbalingen tekuy kem kun ngà mlan bè kdilô tekuy du yóm ktahu yóm kun udél. Henbalingen tekuy kem ngaen anì lemyu tekuy senta yó kem dumu tehe dlimunen.

Filimun 1:19

Ngem tódô dou lan tdok smulat du nim nii: Ou Pol fen mayad du. Okóm, Wè, là dog nólómu du béléem yó dum tey kóm bayad béléu duhen yóm klowilem laen dù sónen.

Taytus 1:4

Smulate ebéléem, Taytus, yóm hol ngau lemwót bè yóm kessotu nawa te bè kehtahu te. Yó hem Dwata yóm Mà tekuy, ne Krays Jisas yóm deng lemwà kut gu lem hatay, hol tendo tmóbóng kóm, ne tendo henek nawam.

2 Timuti 4:3

Yó gónóhu mon du yóm yó, wen kdaw le là bud hemkmón du yóm tahu tolok yó kem tau. Mom yó lolò le yóm kul knóyô. Ne tey dê tau gónó le htolok, ne són tolok le kul, són yóm nóyô le mò lelen nawa le.

1 Kurin 9:18

Bede wen se ofolu du. Yó ofolu, duhen yóm alì kehyu nawahu bè yóm klaen dù hnihu bè yó kem tau gónóhu tmolok du yóm Tulón Hyu yó, balù yóm kwen kwalisu hlowil bélê le.

1 Kurin 9:12

Ke wen kwalis le hlowil bélê ye yó kem dumu tau tmolok lem blóng ye, milud he yó dum kum. Okóm là dog kem ktes me du ne kum yó dum yó. Tódô hyu nawa me hembala du ne yó kem mgel gel sut bélê me anì laen dù gónón gseng yóm Tulón Hyu gel nwit me gbak ebè Krays.

1 Kurin 3:6

Ke hningónu yóm nmò me lem blóng ye, lómón ke ou yóm tau fen mò hulu, ne Apulus fen temwél du él. Okóm Dwata fen htowok du.

Sulat Pol Ebè Yó Kem Tau Hemtahu Bè Rom 15:20

Bè yóm gel ktoloku yóm Tulón Hyu, yó hol sen-galuhu ke yó gónóhu tmolok bè yó kem tau là deng mungol du yóm boluy Krays. Là kóe tmolok bè yó kem benwu deng wen tmolok du.

Lista 11:12

Là kô ou du tehe mò kul ne là se ou du tehe mngà kul. Moen du, Dwata, ke ou fen hesegyokem kul? Hol lómón ke hsiwihem do ni kem tau ni efet le kól bè yóm benwu tehe fasadem yó kem tehe fù le.

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

1 Kurin 3:8

Yóm tau mò hulu ne yóm tau fen temwél du él, laen kô mtukul geta bélê le. Angat wen ofol blay Dwata kul yóm ket kul na sotu, yóm tódô geblà bè yóm gel nmò le.

1 Kurin 9:16

Bè yóm gel kwitu du yóm Tulón Hyu, laen kô gónóhu hton salù du, abay se bè ktahuhen, wen fen hmò du dou. Hol là gbeku du ke là nmou du. Angat tey kegtafaku ke là nmou du.

1 Kurin 15:1

Ne ni, kem dumuhu setwoli, bud nulitu bélê ye yóm Tulón Hyu, yóm tehe le hetngónu bélê ye. Yó se yóm tulón deng henmóyô ye, ne bè yó gónón lemwót yóm kbegel kehtahu ye nim kmoen ni.

2 Kurin 4:5

Sundu kum boluy du yóm gel tulón me bè yó kem tau, okóm Jisas Krays yóm gel tulón me. Du se yóm gónó mogot mogot yóm klamangen. Bong ni dum kum, olo me kem tau tóbóng lówó ye lemwót bè yóm kmò me nmò bè Jisas.

Glasya 3:24

Sotuhen, hol lómón ke tau munung ngà yóm hlau yó. Yó se hlun gónó tekuy galak efet kól bè yóm kdaw ksut Krays te tonok. Timbow kól, du ne tles gónó tekuy galak. Lemwót bè kehtahu tekuy béléen, yó se gónón tedeng kton Dwata tekuy.

Glasya 3:25

Là bud tekuy galak du ne yóm hlau, abay se deng sut yóm gónó tekuy hemtahu, duhen Krays.