1 Kurin 4:14 - Udél Dwata: Gna Kesfasad ne Lomi Kesfasad

¹⁴ Sundu yó gónóhu smulat du ebélê ye nim ni ke mò gónóhu hemyak kuy. Là kô yó du. Okóm yó gónóhu smulat ebélê ye ni mò gónó ye dmalang abay se deng ngau yu ne, ne tey bong nawahu kuy.

1 Kurin 4:14 Referans Kwoze

1 Tisalunika 2:11

Tódô tngón ye se yóm tehe gel kmò me kuy, hol lómón yóm kmò yóm mà ebè yó kem ngaen.

3 Jan 1:4

Laen selen yóm gel kligalu sok gel gungolu yó kem ngau alì tilob klolò le yóm ktahuhen.

1 Kurin 9:15

Balù yóm kwen kwalisu hlowil bè yó kem tau gónóhu gel tmolok, ewenem yó, là dog kem nólómu du bélê le. Là kô yó du gónóhu smulat ebélê ye nim ni ke mò udélu hélé mni bélê ye. Mom hyu nawahu ke tódô kem hatayu kenusu, olo ke tô wen hnihu bélê ye. Là móyóe du ke wen nmou mò gónón gseng yóm Tulón Hyu nwitu.

1 Kurin 4:15

Baluen ke sfolò libu tau gel tmóbóng kuy bè kehtahu ye, tek sotuhu yóm mà ye. Ou se yóm hol tanay tmulón du kuy yóm Tulón Hyu lemwót bè Dwata. Ne lemwót bè yóm deng kessotu ye bè Krays Jisas, yó gónó ye menmà béléu.

1 Tisalunika 5:14

Bud sotu hesgalu me kuy, kem dumu me setwoli. Hol eles bnólów ye lu yó kem tau mduk. Hol ten-gel ye nawa yó kem tau gel hlóng likò. Tnóbóng ye yó kem tau là dengen ngelem kehtahu le, ne hol hanay ye nawa ye ebè kdê le.

Kulasi 1:28

Duhen ni, laen dù dumu tulón me bè kdéen tau, són Krays. Gel hlan me bè khulung hedem yóm kehetgama me kul, ne yóm ktolok me kul. Yó gónó me mò du anì hol le gulit yóm ket kul na sotu bè yóm kdaw kwit me kul bè solu Dwata yó kem tau deng ssotu bè Krays.

2 Kurin 12:19

Déke yó hendem ye, yó muhu mudél du nim udélu ni mò balau yó kem tey dê udél etahu. Là kô yó du. Kaem yó dé muhen mò gónóhu gemtóbóng kuy, yu kem dumuhu sogot nawa. Krays se nim fen hudél do ni. Bè yóm kudélu du, hol lómón ke nóe bè solu Dwata.

2 Kurin 11:11

Là kô yó du gónóhu mon du nim ni ke udì nawahu kuy. Tódô tngón Dwata se yóm tey kbong nawahu kuy.

2 Kurin 7:3

Sundu yó gónóhu mon du nim ni ke udélu temdok kuy. Là kô yó du. Deng tehe gel tulónu kuy se yóm tey kogot nawa me bélê ye. Bè yóm klawi me mowil, anien he ke deng me matay, là kóen mkó yóm nawa me ebélê ye.

1 Kurin 15:34

Hol nulék nawa ye dé yóm hyu deng dnalang ye, ne hol tenflok ye yóm kmò ye sidek. Tódô tulónu kuy, tolo wen he bélê ye yóm là deng temngón ke Dwata. Là kenyak ye du kô yó?

1 Kurin 6:5

Ilóem là myak ye kô? Laen dù dumu ye hemtahu hulung kmukum lem blóng ye kô ke wen dumu ye seglius?

Kul Nmò 20:31

Yó gónóhem mon, hol ye eles temgama. Hentulón ye nawa yóm deng tlu halayu tmolok kuy, ket kuy na sotu, senflósu kdaw ne kifu. Botong gel mosok lewoku bè yóm gel kehedemu kuy.

Isikél 3:21

Okóm ke eles wen hetgamahem du yóm tau yó ne ke hegsel ne tenfloken yóm kmoen sidek, là kô hukolu du klowilen, dalang se kóm abay se deng nmoem yóm hmou kóm.”

1 Kurin 4:17

Yó se gónóhu hógów ke Timuti edyó bélê ye anì hegtulónen bè nawa ye yóm kmò kekdolu bè nim lomi klowilu lemwót bè yóm deng kessotu nawahu bè Krays Jisas. Duhen ni se yóm alì gel toloku bè yó kem tau hemtahu bè ket benwu gel lanu. Nim Timuti monu ni, lómón ke du yóm hol ngau dumuhu sogot nawa lemwót bè kehtahu me, ne tey teneb nawahen.

2 Tisalunika 3:14

Ke wen tau bè yó là mimón du yóm deng mon me lem nim sulat ni, hol tenngel ye ke tau du, ne bê ye bud slomong béléen anì dilóen là hyuhen yóm kun nmò.

Filimun 1:10

Ni se hol henkoduhu béléem, Wè, hol hnifótem Unisimus. Lemwót bè yóm deng kehtahuhen bè Krays, lómón ke hol ngau, yakà mlanen béléu yóm kehtahuhen bè yóm igou nô lem blanggù.

1 Jan 2:1

Yó gónóhu smulat ebélê ye ni kem ngà, anì bê ye bud mò salà. Okóm ke wen bélê ye gemsalà, deng wen ne fen blóng tekuy ebè Dwata, yóm Mà tekuy, duhen Jisas Krays, yóm hol tedeng kmoen.