1 Kurin 4:12 - Udél Dwata: Gna Kesfasad ne Lomi Kesfasad

¹² Tey gel kmò me nmò anì wen gónó me ma klowil me. Sok wen gel hemmulà kum, mom gel hni me lu bè Dwata. Sok wen gel hemsidek kum, tódô kem henbala me.

1 Kurin 4:12 Referans Kwoze

1 Pitér 3:9

Bê ye abay bnalà sidek yó kem tau mò sidek bélê ye. Ke wen tau semdekà kuy, bê ye bud semdekà se kuy. Yó dé balà ye du, duhen yóm hyu bélê le. Abay se bè yóm tehe ktaba Dwata kuy, yó fasaden kuy yóm hyu bélê ye.

Matyu 5:11

Tey kehyuhen bélê ye,” mon Jisas, “ke hennê le yu, ne ke hensidek le yu, ne ke dê sidek udél le eta ye lemwót bè yóm klolò ye do.

Sulat Pol Ebè Yó Kem Tau Hemtahu Bè Rom 12:14

Ke wen kem tau hmayam kuy, bê ye abay hni bè Dwata anì tnafaken lu. Okóm hol hni ye anì tnóbóng Dwata lu se kul.

Sulat Pol Ebè Yó Kem Tau Hemtahu Bè Rom 12:20

Ni dii yóm kuy nmò, lómón yóm deng hsulat Dwata, yóm monen, “Ke bitil hohonem, henkenem. Ke meeng, hinumem. Ke ni se nmoem, angat tey sidek kyaken.”

Kul Nmò 18:3

Na tódô hlós temnù bélê le Pol, abay se senged kul hulung mò nmò bè kulit ógóf.

Kun Snulat Luk 6:28

Mom hni ye bè Dwata dé yó kem tau hemnulà kuy, ne utóm ye lu bè Dwata yó kem tau sidek nmò le bélê ye.

1 Pitér 3:14

Okóm baluen se ke wen hemsidek kuy lemwót bè yóm hyu gel nmò ye, wen kligal ye du myó. Bê ye hlikò, ne bê ye htafa nawa ye.

1 Pitér 2:23

Bè yóm tehe kehnê le du, là kô nan e bnalà kul. Bè yóm tehe keglayamen, là kô nan e nifis kul. Tódô snaligen Dwata, abay se tngónen yóm kkukum Dwata, tey tedeng.

Kun Snulat Luk 23:34

Yóm igò le tmutuk ke Jisas, yó udélen, monen, “Hol hnifótem lu, Mà, abay se là tngón le du yóm nmò le.” Lemwót yó kem sendalù tmutuk ke Jisas yó, sensatù le nesen.

Matyu 5:44

Okóm ni dou tulón kuy, kenbong nawa te yó kem hmohon tekuy ne hni te lu bè Dwata yó kem hemsidek tekuy,

Kul Nmò 7:60

Tuden bukolen ne bud hgelen udélen, monen, “Ó Mà bè Longit, béem dog snolò bélê le ne yóm salà nmò le ni.” Kogol yóm kmonen du yó, ominen milot nawahen.

Kun Snulat Jan 15:20

Hol hentulón ye nawa yóm tehe monu mò kuy,” mon Jisas. “ ‘Yóm tau gel dók, là kóen geta senta yóm tau mdók du.’ Ke deng hensidek le o, angat hensidek le yu se kuy. Ke deng nimón le yóm toloku, angat nimón le se yóm kuy tolok.

Sulat Jud 1:9

Balù ke Maykél ekni, yóm hol geta bè kdê yó kem hógów Dwata nô bè longit, là kô nmoen du kun yóm hemnê. Bè yóm tehe katay Musis ekni, tey kesegled le lówóhen lewu le Maykél Seitan. Okóm ke Maykél kun, là kóen mò udél hemnê ebè Seitan bè yóm ktifuen du, olon mon du, “Dwata he fen mólów kóm.”

1 Timuti 4:10

Yó gónóhu hol hmotu són gelu mò du yóm deng hmò Dwata dou, abay se du se mò nefet nawa te, yóm Dwata là wen tul katayen. Yakà deng lenwaen kdéen tau gu lem hatay, sélétem ne bè yó kem tau deng hemtahu.

2 Tisalunika 3:8

Là kô me mni bélê ye mò lowil me, okóm tódô gel benli me yóm kum gel ken. Tey gel kmò me nmò, lenulus me kdaw ne glakit me kifu anì là glayam ye temdof kum.

1 Tisalunika 2:9

Dô là deng klifót ye du he yóm tehe tey kmò me nmò bè yóm tehe knô me dyó bélê ye. Tódô senflós me kemdaw ne kifu mò nmò anì là glayam ye temdof kum bè yóm igò me tmolok kuy yóm Tulón Hyu lemwót bè Dwata.

1 Kurin 9:6

Tedu tô kmò kehedem ye du? Tek són mi Barnabas kô hgel kmikis mò lowil me bè yóm ktolok me lem blóng ye?

Kul Nmò 20:34

Deng hónô tngón ye se tódô dou tdok gmastu dou knô gomong se yó kem gel dumuhu.

1 Pitér 4:19

Duhen yó, yu kem tau glayam nim kmoen ni lemwót bè kun kóyô Dwata bélê ye, tódô hogot ye ke Dwata yóm klowil ye, ne senflós ye mò du yóm hyu, abay se yóm tehe mifil kuy, là kô klifóten du yóm tehe fasaden kuy.

Sulat Pol Ebè Yó Kem Tau Hemtahu Bè Rom 8:35

Duhen yó, laen kô dù gembek semkó tekuy bè yóm kbong nawahen tekuy Krays. Baluen ke dê mgel gónó tekuy glayam, duhen ke hnayam le tekuy lemwót bè kehtahu tekuy, anien ke wen bitil bong, duhen ke wen gónó élél, duhen ke wen knikò, baluen ke mom hnatay le tekuy, senged snéen, laen kô dù gembek semkó tekuy bè yóm kbong nawahen tekuy Krays.

2 Kurin 11:8

Yóm tehe knóu lem blóng ye ekni, sal gel wen se tóbóng le dou yó kem tau hemtahu bè dumu benwu mò lowilu. Tódô henmóyóu se yóm tóbóng le dou yó anì wen lanu gemtóbóng kuy.

Ifisus 4:28

Yóm tau tehe gel mnagaw, hol tenfloken yóm knagawen yó, béen bud nmò. Tódô hol hteneb mò nmò dé anì wen gónón ma klowilen, ne anì wen lukasen mò blayen bè yó kem tau élél.