1 Kurin 4:11 - Udél Dwata: Gna Kesfasad ne Lomi Kesfasad

¹¹ Efet nim kmoen ni, sana tolo gel keglayam me bitil ne meeng. Ne laen kô hol nes me, lel le gel mfes kum yó kem dumu tau. Ne laen kô hol mdengen gónó me nô se kum.

1 Kurin 4:11 Referans Kwoze

Sulat Pol Ebè Yó Kem Tau Hemtahu Bè Rom 8:35

Duhen yó, laen kô dù gembek semkó tekuy bè yóm kbong nawahen tekuy Krays. Baluen ke dê mgel gónó tekuy glayam, duhen ke hnayam le tekuy lemwót bè kehtahu tekuy, anien ke wen bitil bong, duhen ke wen gónó élél, duhen ke wen knikò, baluen ke mom hnatay le tekuy, senged snéen, laen kô dù gembek semkó tekuy bè yóm kbong nawahen tekuy Krays.

Flipay 4:12

Deng kem hónô lanu ne dou yóm élél, ne deng lanu se yóm kwen gónóhu wen. Deng dnalangu ne dou nim kegsengel nawa ni, balù kihu gónóhu nô, ne kihu kdaw. Gsengel nawahu ke gemtuhe duhen ke bitile, ke wen gónóhu wen duhen ke éléle.

2 Timuti 3:11

Deng gotu tngónem yóm gel kehsidek le dou ne yóm gel keglayamu. Deng tngónem yóm gfau bè yó kem tau bè Antyok ne bè Ikunyum ne bè Listra. Tey keglayamu, bede sal gel lenwaen ou yóm gónó tekuy mogot.

Matyu 8:20

Mom yó balà Jisas du, monen, “Wen lefunges kul gel nulék yó kem bolos, ne mdengen kul sala yó kem onuk koyu, okóm yóm Ngà Tau, laen dù mdengen gónóhen hegnô.”

2 Kurin 4:8

Tey keglayam là skas nim tendo kum keglayam, okóm là kô gwiten kum. Wen se kdawen là kô tngón me du lan me gewà, okóm là kóen na a lebà nawa me du.

1 Kurin 9:4

Ke nawaw hlowil bè yó kem tau gónóhu gel tmolok, wen kwalisu mò du.

Kul Nmò 23:2

Bè yóm kungol Ananiyas, yóm tau hol geta bè yó kem gel demsù ebè Dwata, yóm udél Pol yó, botong monen ebè yó kem tau mdà klohok Pol, “Hol tnufê ye sumóngen dé.”

Kul Nmò 16:23

Deng kabid kfes le kul, omin le tmenes kul lem blanggù. Mon le bè yóm tau mentey blanggù, “Hol hgetem yóm bak tikeben.”

Kul Nmò 14:19

Là legenen bè yó, wen kem Ju lemwót bè yóm sotu Antyok snakuf Pisidya, ne bè Ikunyum. Yó nógów le, na le e nofong yó kem tau bè yó anì lenbut le Pol. Tahu se. Yó nmò le, deng mom sentudà le lu botu le Pol, ne tódô sendyol le lu ebè lewà yóm benwu yó, ofo kul mon du ke deng matay ne.

2 Kurin 11:20

Ngem yó dé botong kehbala ye, tódô kem nimón ye yóm tau gel mdók kuy. Baluen ke wen hni le bélê ye, tódô blay ye kul. Baluen ke gholot ye bélê le, duhen ke henwog le yu, duhen ke tenfê le yu, tódô kem henbala ye snéen.