1 Kurin 4:10 - Udél Dwata: Gna Kesfasad ne Lomi Kesfasad

¹⁰ Lemwót bè yóm klolò me ke Krays, gel boluy kem dumu tau kum, tau nungel. Okóm kuy kun, hono tau temngón lemwót bè yóm kessotu ye bè Krays. Gel mon le mò kum, tau laen dù genbek. Okóm kuy kun, wen genbek ye. Tey gel kehnê le kum, okóm fen gel nadat le yu kuy.

1 Kurin 4:10 Referans Kwoze

1 Kurin 2:3

Duhen yó, bè yóm tehe ktoloku lem blóng ye lemwót bè yóm alì klikou hol lómón ke laen dù kgisu, botonge kenkel.

Kul Nmò 26:24

Yóm igò Pol tolo mudél, tódô hetê Fistus, monen, “Lengel matahem yóm uu, Pol, abay se gedlug hennagiem.”

Kul Nmò 17:18

Wen se yó kem tau gel tmolok bè yóm benwu yó, nit le skuya mon Pol. Yóm kul gel ktolok yó kem tau yó, lemwót bè yó kem tehe tau gnan bélê le boluyen Épikuriyas ne Stuwik. Wen se bélê le mon du, “Tedu alì tulónen yóm tau laen dù tngónen alì móyô mudél yó?” Ne wen se mon du, “Lómón tô wen tólóng dwata lemwót bè benwu mayuk gel tulónen.” Yó gónó le mon du yóm yó, abay se Jisas yóm gel tulón Pol, ne yóm deng klowilen.

1 Pitér 4:14

Ke wen semdekà kuy lemwót bè yóm klolò ye ke Krays, hol ye hligal dé. Abay se yóm nmò le yó, yó se ilô yóm knóen bélê ye yóm Tulus Dwata, yóm hol mfasang bè kdéen.

2 Kurin 13:9

Mom hyu nawa me gemnóm du ke wen gónó me lunog, syan ke kemgis ye yó dum kuy. Duhen yó, yó gel hni me bélê ye bè Dwata anì baling ye gulit.

1 Kurin 3:18

Bê ye tnondo knô ye. Laen kô gónón e kól yóm tau snaligen yóm kun ketngón. Ke wen sotu bélê ye hendemen tey bong tngónen bè yóm ketngón tau te tonok, hol béen abay tódô dò yóm ketngónen yó. Mom hyu he yóm tau ke laen dù tngónen anì là gsengen ebéléen yóm tahu ketngón lemwót bè Dwata.

1 Tisalunika 4:8

Duhen yó, ke wen tau kembê du nim toloku kuy ni, là kô tolok tau du yóm kenbéen, kaem Dwata yóm bemlay tekuy yóm kun Tulus.

2 Kurin 11:29

Ke wen bélê le lunog kehtahuhen, kéng tô ou se gemnóm du. Ke wen tau hebtang le elem salà, ya tey sidek kegnómu du se dou.

2 Kurin 11:19

Lemwót bè yóm khulung ye hedem se kuy, gbek ye hembala du yóm tau nungel.

2 Kurin 10:10

Wen se gel mon du kun, “Tey des udélen yóm Pol ke bè sulat. Okóm ke suyó tekuy du, tey tau lunog, là hulungen mudél.”

1 Kurin 10:12

Duhen yó, ke yó hendem yóm sotu tau, là mahilen btang elem sindil, yake hol ten-gamahen, kô wen gónón btang.

1 Kurin 4:8

Ilóem ofo kuy ke deng gsengel ne yóm kenhulung deng blay Dwata kuy. Ofo kuy kô ke laen dù gónó ye élél, ne ke deng ye baling tau hol geta? Okóm bélê me kum, là he. Tey hyu se ke tahu yóm kegeta ye yó anì gomong me bélê ye.

1 Kurin 3:2

Ke hlingónu du yóm tehe ktoloku lem blóng ye, lómón ke gatas hinumu kuy abay se là deng gbek ye du he yóm ken mgel. Efet nim kmoen ni là kô deng gbek ye du he.

1 Kurin 2:14

Yóm tau, ke là nóen béléen yóm Tulus Dwata, là kô glileben du lanen yóm tulón lemwót bè yóm Tulus Dwata. Ofo kun mon du ke laen dù muhen. Yó gónón là gmileb du, abay se là nóen béléen yóm Tulus Dwata mò fen heglileb du béléen yóm hol lanen.

Kul Nmò 17:32

Timbow gungol le yóm mon Pol mowil, wen se bélê le mom kmuli du. Okóm yó mon kem dumu, “Móyô me bud hmungol du he sotu kdaw yóm kóm tulón ni.”

Kul Nmò 9:16

Angat hegfanu béléen he yóm gónón glayam bè yóm kloloen dou.”

Kun Snulat Luk 18:9

Bud wen sotu hlingón tulón Jisas bè yó kem tau gel hemtedeng knô, ne gel kenhisik le kem dumu le. Yó monen,

Kun Snulat Luk 10:16

Ne bud mudél Jisas bè yó kem lemolò du, yó monen mò kul, “Bè nim khógówu kuy ni, yó se hmungol kuy, lómón ke ou se yóm hnungolen. Yó se kembê kuy, hol lómón se ke ou yóm kenbéen. Ne ke kenbéen ou yóm tau, hol lómón ke kenbéen snéen yóm hógów dou.”

Kun Snulat Luk 6:22

Tey kehyuhen bélê ye ke gel knutó nawa le yu yó kem tau lan ye lemolò yóm Ngà Tau. Mom hyu nawa ye he ke kenbê le yu, ne ke gel hennê le yu, ne ke gel sidek kestulón le kuy.

Matyu 24:9

Ne angat tey dê tau bè klamangen benwu kmutó nawa kuy lemwót bè yóm klolò ye do. Tódô kenfô le yu, ne tey kehsidek le kuy, ne hnatay le yu.

Matyu 5:11

Tey kehyuhen bélê ye,” mon Jisas, “ke hennê le yu, ne ke hensidek le yu, ne ke dê sidek udél le eta ye lemwót bè yóm klolò ye do.

Isaya 53:3

Mom yó kmò me du, henwog me ne kenbê me. Tódô henbalahen yóm tey sidek kehlayam me du. Laen kô dù tau móyô temngel ebéléen, là kô dog kenmón me du. Hol lómón kmò me ebéléen lómón ke tau laen dù muhen.

Kem Udél Hlalak Tehe Selumun 11:12

Là kóen hulung hedem yóm tau sendekaen kem dumun, okóm yóm tau hulung temnef tódô yem.

1 Kurin 1:21

Bè kun khulung hedem Dwata, là kô hlanen du bè kul ketngón kem tau tonok yóm kesetngón le ebéléen. Okóm yó gónón hlan du yóm kehewaen kul gu lem hatay, tódô lemwót bè yóm kehtahu le du yóm tulón nwit me, yóm gel mon le tulón laen dù muhen.

1 Kurin 1:23

Okóm bélê me kum, tek sotu yóm kum gel tulón, duhen yóm tehe ktutuk le ke Krays bè kros. Nim tulón ni, tey kekbê le du yó kem Ju. Ne bud yó kem tau là Ju le, bè kul kehedem du, hol tulón laen dù muhen.

1 Kurin 1:25

Bè yóm gel mon kem tau laen dù muhen, kaem alì bong he muhen senta yóm kul ketngón yó kem tau te tonok. Yóm gel mon kem tau laen dù genbek Dwata, kaem tey bong he genbeken senta yóm kul genbek yó kem tau te tonok.

2 Kurin 6:8

Wen se gel madat kum, ne bud wen se gel hemgnok kum. Wen se gel hemnê kum, ne bud wen se gel dmóyón kum. Wen se gel hemkéng kum, ewenem, hono tódô tahu yóm gel tulón me.

2 Kurin 4:12

Kunen ne ke matay me, syan ke guta ye se kuy yóm klowil laen dù sónen.