1 Kurin 4:1 - Udél Dwata: Gna Kesfasad ne Lomi Kesfasad

¹ Bè kuy kehedem kum, mi se kem tau tóbóng lówó Krays. Deng sigang Dwata ta me yóm ktahuhen tehe gbuni bè kem tau gnan.

1 Kurin 4:1 Referans Kwoze

1 Pitér 4:10

Wen kenhulung deng blay Dwata kuy, yóm ket kuy ne sotu, ne tey dê kayen yóm kenhulung blayen yó. Yó muhen yóm deng blayen kuy yó mò lan ye tmóbóng kem dumu ye tau. Yó gónóm mon, hol hninggel ye mit du yóm kenhulung deng blayen kuy.

Taytus 1:7

Yakà kun nmò du Dwata yóm nkemen nim tau malak bè simbahan ni, yó gónón là hyu ke wen gónó le gemsanil du. Là hyuhen ke nélékem yóm tau hton salù, yóm kosut knawahen, yóm gel hlengel, yóm tau sunget, yóm tau seglom bè filak.

1 Timuti 3:9

Hol sneb kul ke là mili nawa le bè yóm ktahuhen deng hentahu le, mung du yóm klaen dù blóng le ebè Dwata.

2 Kurin 4:5

Sundu kum boluy du yóm gel tulón me bè yó kem tau, okóm Jisas Krays yóm gel tulón me. Du se yóm gónó mogot mogot yóm klamangen. Bong ni dum kum, olo me kem tau tóbóng lówó ye lemwót bè yóm kmò me nmò bè Jisas.

Ifisus 6:19

Ne hol gel utóm ye ou snéen bè yóm gel kni ye anì benlay Dwata ou khulung tmolok, ne anì laen dù klikou heglileb du bè kem tau yóm Tulón Hyu tehe gbuni bélê le.

Kulasi 2:2

Yó gónów mò du anì wen lanu temgel nawa ye, ne anì wen kessotu nawa ye lemwót bè yóm kesbong nawa ye. Kóyóu ke hol mbegel kehtahu ye lemwót bè yóm deng ketngón ye du yóm ktahuhen. Ke lómón ni se kmoen, tngón ye yóm tehe buni Dwata bè yó kem tau gnan, duhen Krays.

Sulat Pol Ebè Yó Kem Tau Hemtahu Bè Rom 16:25

Hol dóyón tekuy dé Dwata. Du se yóm gembek hol hbegel kuy bè kehtahu ye hlanen bè yóm Tulón Hyu gel nitu gbak ebè Jisas Krays. Nim Tulón Hyu ni, ni se yóm tehe gbuni bè yó kem tau gnan ekni.

Kulasi 4:3

Ne hol gel utóm ye mi snéen bè yóm gel kni ye anì wen lan nmò Dwata mò gónó me hetngón du bè yó kem dumu tau yóm tehe bunihen bélê le, duhen Krays. Yakà ni du buten yóm gónó le bmanggù do.

Ifisus 1:9

Lemwót bè kun kóyô deng heglileben tekuy ne yóm tehe atul bunihen. Yóm atulen yó, deng eles hendemen yóm kehlanen du bè Krays.

2 Kurin 12:6

Ke nawahu se dou smalù knô, là kóe tau nungel, abay se yóm tô tulónu, hono tahu. Okóm là kóe na a smalù knô. Kóyóu ke tódô lemwót bè yóm gel ton le béléu, ne yóm gel gungol le gu béléu gónóhu megsalù.

2 Kurin 11:23

Ke gel mon le tau le tóbóng lówó Krays se kul, mom ou ne tau tóbóng lówó hol gulit senta le. Ni se udél yóm tau lengel mata nim udélu ni. Là kô na le e gatù dou bè yóm alì kmou nmò bè Krays. Deng hilu duléku geblanggù, ne deng hilu duléken ne wen tau mfes dou ne tô hmatay do.

Kun Snulat Luk 12:42

Ne bnalà Jisas se, monen, “Yóm tau gulit kmoen nmò bè yóm gónóhen mogot, ne hulung hedem, yó se yóm tau tódô gotu hogoten du yóm gónóhen mogot yóm gónóen ne yó kem dumu tau mò nmò béléen mò fen semgifà kul.

Matyu 24:45

“Tau du de yóm gulit kmoen nmò bè yóm gónón mogot ne yóm hulung hedem? Yó se yóm tau tódô gotu hogoten du yóm tau gónón mogot yó kem dumu tau mò nmò béléen mò fen semgifà kul.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

1 Timuti 3:6

Yóm tau mò du nim nmò ni, yake yóm deng tmuha kehtahuhen anì là hegmónen. Abay se ke hegmón, dalil gónó Dwata tmuled du, lómón se yóm ktuleden ke Seitan.

2 Kurin 6:4

Hol kóyô me ke dilô le bè kekdol me yóm ktau me tóbóng lówó Dwata. Yó gónó me tódô hol hembala du ke wen gónó me glayam, duhen ke wen yóm mgel sut bélê me, duhen ke wen gbunù me.

1 Kurin 4:13

Sok wen semdekà kum, mom hyu gel balà me kul. Efet nim kmoen ni, yó kmò kehedem le kum, hol lómón ke tau laen dù muhen, lómón yóm fól gel bot le.

1 Kurin 3:5

Bè ktahuhen, nim ou lewu me Apulus, olo me kem tóbóng lówó Dwata mò lan ye hemtahu béléen. Olo me kem tau mò du yóm hmoen kum yóm gónó tekuy mogot.

1 Kurin 2:7

Yóm ketngón gel toloku ni, yó se yóm ketngón Dwata tehe gbuni bè kem tau gnan. Okóm gu laan Dwata là deng dmimun du yóm benwu, deng sana eles tngónen yóm kmò kehlanen du bélê tekuy yóm ketngónen yó anì wen klowil tekuy laen dù sónen.

Mark 4:11

Mon Jisas mò kul, “Wen yóm là heglileb Dwata du bè yó kem dumu tau bè yóm kmò kogoten tau, okóm deng heglileben kuy. Bong bè yó kem dumu tau, mlan bè hlingón yóm gel ktoloku kul.

Matyu 13:11

Bnalà Jisas se, monen, “Wen yóm là heglileb Dwata du bè kem dumu tau bè yóm kmò kogoten tau, okóm deng heglileben bélê ye.

Kun Snulat Luk 8:10

Bnalà Jisas se, monen, “Wen yóm là heglileb Dwata du bè kem dumu tau bè yóm kmò kogoten tau, okóm deng heglileben kuy. Bè yóm gel ktulónu du bè dumu tau, gel hningónu, abay se bè yóm kton le du, là kô dog dilô le du. Ne bè yóm kungol le du, là kô na le e glileb du.”

Kun Snulat Luk 1:2

Tódô nulit le yóm deng gel tulón le kum yó kem tau tehe mton du lenwóten bè kbuten, yó kem tau deng gel hetngón du yóm tehe kun tolok Jisas.

Sulat Pol Ebè Yó Kem Tau Hemtahu Bè Rom 11:25

Bud wen tulónu kuy, kem dumuhu setwoli, bè yóm nmò Dwata tehe là glileb kem tau du anì là hegmón ye du yóm deng nmò Dwata bélê ye. Yóm kgel kulu yó kem tau Israél, là kóen hlós. Okóm ke deng le gotu hemtahu bè Dwata yó kem tau là Ju le, yó he angat kkóhen yóm kgel kulu le yó.

1 Kurin 4:2

Tek sotu hnebel Dwata bè yóm tau tóbóng lówóhen, tek són yóm kguliten.