1 Kurin 3:7 - Udél Dwata: Gna Kesfasad ne Lomi Kesfasad

⁷ Kihu tau mò hulu, ne kihu se tau temwél du él. Okóm yóm alì bong muhen yóm fen htowok du, duhen Dwata.

1 Kurin 3:7 Referans Kwoze

Kun Snulat Jan 15:5

Ou se yóm hulu lemfà ne yu hangahen. Yó se tau henek béléu, heneke se béléen do, ne angat tey kbunguhen. Okóm ke là henek ye béléu, laen kô dù gmò ye.

Glasya 6:3

Ke yó hendem yóm sotu tau hono hyu yóm gel nmoen, olohen mom tmundug knóen yóm tau yó.

2 Kurin 12:9

Okóm mom monen mò do, “Wen gónóhu gel tmóbóng kóm anì gbekem hembala du. Kaem yóm gónóm lunog yó, bè yó se gónón gfan yóm hol kfasangu tmóbóng kóm.” Duhen yó, tey kligalu du yó kem gónóhu gel lunog, abay se là kóen mkó béléu yóm kfasang Krays gel tmóbóng dou.

Kem Lingón 115:1

Olon uu, Dwata, olon uu yóm knóón hol sendóyón, là yóm kum. Yó gónó me hol dmóyón kóm lemwót bè yóm klaen dù sónen yóm là konolen yóm kbong nawahem kum, ne yóm ktenebem bélê me.

1 Kurin 13:2

Baluen ke wen khulungu tmulón yóm Udél Dwata, ne baluen ke tódô ket du yóm deng dnalangu, ne ke deng tódô tngónu yóm là deng tngón le du kem dumu tau, ne baluen ke tódô gbeku hdó bulul lemwót bè kehtahuhu bè Dwata, okóm ke là bong nawahu kem dumuhu, tedu se bang gónóhu e kól du?

Danyél 4:35

Kdê yó kem tau talak tonok, le hilu he yóm kul kegbek ke hesengedem bè yóm kun. Wen kegbeken mò du yóm kun kóyô lem blóng yó kem hógówen gu bè longit, dalang se bè kdê yó kem tau nô dini talak tonok. Laen dù gembek hemseng du ne laen kô dù mlos smólók du yóm kun nmò ke mon le, ‘Na, tedum nmoem ni du?’

Isaya 40:17

Bè kton Dwata du yóm klamangen benwu, tey utì béléen.

Kem Lingón 90:17

Hol senflósem kmudung kum, Dwata, yakà uu du yóm mogot kum. Knudungem mi anì wen gónón e kól yóm kdê nmò me.

1 Kurin 3:6

Ke hningónu yóm nmò me lem blóng ye, lómón ke ou yóm tau fen mò hulu, ne Apulus fen temwél du él. Okóm Dwata fen htowok du.

1 Kurin 3:8

Yóm tau mò hulu ne yóm tau fen temwél du él, laen kô mtukul geta bélê le. Angat wen ofol blay Dwata kul yóm ket kul na sotu, yóm tódô geblà bè yóm gel nmò le.

2 Kurin 12:11

Tey kudélu heklabak nim ou. Là kô gmou du he yóm yó ke deng wen tehe udél ye mfi do. Baluen ke laen dù muhu, là kóe na a glaan bélê le yó kem tau tódô lembù mógów elem blóng ye yó.