1 Kurin 3:6 - Udél Dwata: Gna Kesfasad ne Lomi Kesfasad

⁶ Ke hningónu yóm nmò me lem blóng ye, lómón ke ou yóm tau fen mò hulu, ne Apulus fen temwél du él. Okóm Dwata fen htowok du.

1 Kurin 3:6 Referans Kwoze

Kem Udél Hlalak Tehe Selumun 11:25

Hyu klowilen yóm tau bkas nawahen ne yóm tau ten-gelen kem dumun bud wen se temgel du.

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

1 Kurin 9:1

Béléu dou, laen kô dù bud gónóhu gfét ne bè yó kem gna gel lolò tekuy. Ou se sotu hógów Dwata, ne deng tehe tódô hegfan béléu yóm gónó tekuy mogot Jisas. Ne lemwót bè yóm hmoen dou gónó ye baling tau hemtahu béléen.

Isaya 61:11

Sok deng huluhem yóm lem hulu, hol dohò tmowok se yó. Senged snéen yóm nmò Dwata, yóm Dwata hol dandónen geta gónó tekuy mogot. Angat dohò kehewaen kul yó kem tauhen ne gotu dóyón le Dwata yóm kdéen tau bè klamangen benwu. Là gomongen bè nili yóm tsaptér 62. Yó tulónen yóm kni Isaya bè Dwata gbak bè yóm syudad Jirusalim, yóm deng gotu kegbaen ne ktagak le du. Yó gel boluy le du yó kem dumu, Syudad Deng Tnagak Dwata, duhen ke Tonok Là Hyu Menwu Du. Okóm eles ton Isaya yóm mò kmoen bè hulin kdaw, ne tonen yóm kmò kehgulék Dwata yóm syudad Jirusalim ne yóm bud kehefdaen du. Mon Isaya bè bérs 7, “Hol ye gel mni bè Dwata efet henbalingen Jirusalim hol tótól bè klamangen benwu.” Bè yóm kdaw yó gotu bud sentifun Dwata yó kem kun tau, yó kem deng gotu sekla ebè klamangen benwu. Gotu nwiten lu mulék ne eles wen kem ofol mò blayen kul.

Kul Nmò 19:1

Bè yóm tolo knô Apulus bè Kurin, lemwót ke Pol tódô hnalaken yóm sotu prubinsya efet kól bè Ifisus. Ne wen kem tau hemtahu glebeten bè yó.

Kul Nmò 11:18

Timbow deng gotu gungol le yóm tulón Pitér yó koni, tódô laen kô dù bud sfuhen yóm kudél le du. Deng mom baling dóyón le Dwata, mon le, “Tahu se, deng homong Dwata lu se kul yó kem tau là Ju le anì hegsel le, ne anì guta le yóm klowil laen dù sónen.”

1 Tisalunika 1:5

Abay se bè yóm tehe kwit me ebélê ye yóm Tulón Hyu, là kô olo udél tau du se yóm yó, okóm tódô gmung bè yóm udél me yóm kun kfasang yóm Tulus Dwata, ne tódô gnóm me se kum yóm hol ktahuhen yóm tulón nwit me yó. Ne deng ton ye snéen yóm kum kmò bè yóm tehe knô me bélê ye dyó, hono bè kuy kehyu nim nmò me ni.

Sulat Pol Ebè Yó Kem Tau Hemtahu Bè Rom 15:18

Laen kô dumu gel tulónu, tek són yóm deng gendeng Krays hlanen béléu anì baling nimón le Dwata yó kem tau là Juhen. Yó kmoen du, hlanen bè yóm ktoloku ne yóm gel nmou lem blóng le,

Kul Nmò 21:19

Deng kesfódó le, gotu tulón Pol kul se yóm deng nmò Dwata bè yó kem tau là Ju le lemwót bè yóm ktoloken lem blóng le yó.

Kul Nmò 18:24

Bè yóm kdaw yó, gdek bè Ifisus yóm sotu tau boluyen Apulus. Du se sotu Ju lemwót bè syudad Aliksandriya. Tey tau hulung tmolok se kun, ne tey mdengen ketngónen du yóm nô lem Sulat Dwata.

Kul Nmò 16:14

Yó boluy yóm sotu libun hmungol kum Lidya, lemwót bè syudad Tyatira. Yó nmoen, gel hembalù nes ginggung alì mebtes. Hemtahu bè Dwata se kun. Bè yóm igoen hmungol ke Pol, Dwata fen heglileb du béléen yóm hnungolen, ne hentahuhen.

Kem Lingón 127:1

Ke là lemwóten bè Dwata yóm hdà gónô, olon gamà liteg le yó kem tau hdà du. Ke là bnentey Dwata du yóm benwu, olon gamà liteg le yó kem tau mentey du.

Kem Lingón 62:11

Tey mtukul kmon Dwata du, ne deng tey dê duléku mungol du, Dwata se funen yóm kfasang.

Kem Lingón 62:9

Kewóten bè yóm tau hol geta kól bè yóm tau hol glaan, laen kô dù mu le. Ke tnimbangem lu, mo le mom maan senta nawa.

Kul Nmò 14:27

Bè yóm deng kkól le bè Antyok, gotu sentifun le yó kem tau hemtahu, ne gotu tulón le kul se yóm deng nmò Dwata hlanen bélê le. Gotu tulón le yóm nmò Dwata mò gónó le hemtahu bè Jisas se kul yó kem tau là Ju le.

1 Kurin 1:12

Wen se bélê ye mon du kun, “Lolou Pol dou.” Ne mon kem dumu, “Apulus dou.” Ne bud wen mon du, “Pitér dou lolò.” Ne wen se mon du kun, “Lolou Krays dou.” Yó se gónóhen mesgólól nawa ye.

1 Kurin 3:7

Kihu tau mò hulu, ne kihu se tau temwél du él. Okóm yóm alì bong muhen yóm fen htowok du, duhen Dwata.

Ifisus 3:17

Ne sotu hnihu anì hol tendo nô bélê ye Krays lemwót bè yóm ksalig ye béléen. Bud hnihu snéen anì hol mbegel kdolilen yóm ketngón ye du yóm tey kbong nawa Dwata,