1 Kurin 3:16 - Udél Dwata: Gna Kesfasad ne Lomi Kesfasad

¹⁶ Deng tngón ye se yóm lówó tekuy kun gónô Dwata, ne deng nô bélê tekuy se yóm kun Tulus Dwata.

1 Kurin 3:16 Referans Kwoze

1 Kurin 6:19

Deng hónô tngón ye se nim lówó tekuy hol gónóhen nô yóm Tulus Dwata tehe sù Dwata bélê tekuy, yóm deng blayen tekuy. Là bud tekuy du ne funen yóm lówó tekuy, deng nfun Dwata.

Isikél 36:27

Suu bélê ye yóm dou tulus anì nimón ye yó kem dou hlau kuy ne anì wen ketgama ye mò du yóm dou hlolò kuy.

2 Kurin 6:16

Ne sotuhen, laen kô dù gónó le segmung yóm kun gónô Dwata ne yó kem dwata kéng. Kaem tekuy se yóm kun gónô gónóhen nô yóm Dwata laen dù tul katayen. Hol lómón yóm tehe mon Dwata ekni, yóm monen, “Angate tendo nô bélê le yó kem dou tau, ne hol lem blóng le gónóhu nô. Ne ou se baling hol kul Dwata, ne lu se baling hol dou tau.”

Sulat Pol Ebè Yó Kem Tau Hemtahu Bè Rom 8:11

Ke deng nô bélê ye yóm Tulus Dwata tehe hlowil ke Jisas gu lem hatay yó, bud du angat bud hlowil yóm tau deng matay.

Kun Snulat Jan 14:17

Duhen yó sem kun Tulus Dwata. Angat toloken kuy yóm hol ktahuhen lemwót bè Dwata. Yóm tau là hemtahuhen, là kô henmóyóen du kun yóm Tulus Dwata, abay se là kô tonen du, ne là se tngónen du. Okóm tngón ye kuy, abay se bélê ye tendo gónón nô, ne là kóen na a skó bélê ye.

Sulat Pol Ebè Yó Kem Tau Hemtahu Bè Rom 8:9

Okóm kuy, là bud ye galak du ne yóm kuy knóyô ke deng nô bélê ye yóm Tulus Dwata tendo gónó ye galak. Okóm ke là nóen béléen yóm kun Tulus Krays yóm tau, là dengen kun tau Krays he yóm tau yó.

1 Pitér 2:5

Ne kdê ye yó kem tau deng hlowilen, lómón ke botu ye snéen kuy. Yu se yó kem botu wen mu Dwata du bè yóm gónô hdaen mò gónóhen gel nô. Ne bè yóm gónóen yó, hol lómón ke yu se yóm tau fen gel demsù ebéléen. Yó henged kuy dsù, duhen yóm kimón ye ke Dwata ne yóm gel kdóyón ye du, hlan ye bè yóm deng nmò Jisas bélê ye. Ni se yóm dsù hol henmóyô Dwata.

2 Timuti 1:14

Hol ten-gamahem yóm hyu deng sigang Dwata tahem, hlanem bè yóm kun kfasang tmóbóng kóm yóm Tulus Dwata deng nô bélê te.

Hibru 3:6

Okóm ke Krays kun, du se hol kun Ngà Dwata, ne gotu hfogot Dwata du yóm gónóen yó, ne tey teneb kogoten du. Tekuy se kun gónô Dwata, syan ke là likò tekuy lemolò du, ne ke hol gentud nawa tekuy yóm hendón nefet nawa tekuy.

1 Jan 4:12

Laen kô dù tau deng mton ke Dwata. Okóm ke hol tekuy sbong nawa, yó se gónó tekuy ssotu bè Dwata. Ne yóm kessotu tekuy bè Dwata yó, yó se gónón baling gulit yóm kesbong tekuy nawa.

Sulat Pol Ebè Yó Kem Tau Hemtahu Bè Rom 6:3

Gotu tngón ye se yóm tehe kehbabtays tekuy mò ilô yóm deng kessotu tekuy bè Krays Jisas. Bè yóm kehbabtays tekuy yó, hol lómón ke deng tekuy gomong bè Jisas bè yóm tehe katayen.

1 Kurin 9:24

Deng hónô tngón ye se ke wen yóm skuya mlóy, tey dê tau gel mung, okóm tek sotu yóm matù, ne du se olo gemwa ofol. Tekuy se kem tau hemtahu, lómón ke skuya tekuy mlóy. Hotu tekuy són gel tekuy mlóy anì guta tekuy yóm ofol.

1 Kurin 9:13

Deng hónô tngón ye se bè yó kem tau gel mò nmò bè Gónô Dwata, són bè yó se gónó le mowil. Ne dalang se yó kem tau gel demsù ebè Dwata bè yó, wen se kul mdengen ólól bè yóm utón gel hedsù le kul ebè Dwata.

1 Kurin 6:9

Deng hónô tngón ye, là kóen gmung bè yóm tau nogot Dwata yóm tau là tedeng nmoen. Béen tólóng kehedem ye du nim ni. Là kô le gmung yó kem tau gel mò samuk, ne yó kem tau hemtahu bè yóm dwata kéng, ne yó kem tau mdà yehen, ne yó kem tau deng mom senwì le yóm kmò kesyehen, syehen hono logi, ne syehen hono libun.

1 Kurin 6:16

Deng hónô tngón ye yóm logi, ke sentungóen yóm libun hdóyón, deng ssotu ne lówó le. Abay se deng monen bè Sulat Dwata, monen, “Ke deng sgefet lówó le yóm lewu le, deng le baling ssotu ne.”Okóm yóm tau ke deng hemtahu bè yóm gónó tekuy mogot, deng le baling ssotu ne yóm gónón mogot.

1 Kurin 5:6

Tey là kóen na a hyu yóm kehegmón ye yó. Igò ye se temngón du yóm gel mon le, “Baluen ke tek udì yóm ken bali, ke suem bè yóm ken là balihen, gbót bali snéen yóm ken lomi.”

Sulat Jim 4:4

Tey tau mili nawa yóm yu. Là tngón ye du kô, ke són nô bè nawa tau yóm kenbeyen nawa talak tonok, deng baling hohon Dwata ne? Ke són yó se nóyóen, mom hnohonen Dwata.

Sulat Pol Ebè Yó Kem Tau Hemtahu Bè Rom 6:16

Tódô tngón ye se ke tedu yóm gel nélék ye mò lolò ye deng yó se gónó ye ghesek. Ke mò salà se yóm nmò ye, bè salà se gónó ye ghesek ne yó nefeten yóm yó hatay. Okóm ke tendo nimón ye Dwata, yó se gónón tedeng ktonen kuy.

1 Kurin 3:9

Nim mi, stóbóng me mò nmò bè Dwata. Ne yu, hol lómón ke kun tniba Dwata. Sotuhen, lómón ke yu yóm gónô hdà Dwata.

1 Kurin 3:17

Ke wen tau hemsidek du yóm kun gónô Dwata, angat hensidek Dwata yóm tau yó. Abay se ngalihen bè kem sidek yóm kun Gónô Dwata, ne tekuy se yóm kun gónô yó.

1 Timuti 3:15

Okóm ke tolo wen anggau, syan dé deng wen sulatu eles gónóm temngón du yóm mò kmò yó kem tau fes lówó Dwata, duhen yó kem tau deng hemtahu béléen, yóm Dwata laen tul katayen. Hol lómón ke tekuy se yó kem hehek bè gónóen ne kem suguken, tekuy se gónó Dwata smalig du yóm ktahuhen.