1 Kurin 3:13 - Udél Dwata: Gna Kesfasad ne Lomi Kesfasad

¹³ Bè yóm kdaw kdà tekuy bè solu Krays, yó he kegfanen yóm deng leket tekuy du yó koni, ke hyu duhen ke là. Bè yóm kdaw yó, wen ofi gónó le tmilów du yóm gel nmò ket tau, nénég le ke là mlóben.

1 Kurin 3:13 Referans Kwoze

1 Pitér 1:7

Yó gónón tmilów kuy anì gfan ke hol tahu duhen yóm kehtahu ye duhen ke là. Yóm kehtahu ye, lómón ke yóm blówón gel hlan le bè ofi anì gfan yóm hol tahu duhen. Bong bè yóm blówón, olo kem hlun kimu. Okóm yó dum kehtahu ye, bong muhen senta yóm blówón. Milud he ktilów Dwata du anì tngónen ke hol tahu duhen. Ke là lanahen, tey kdóyónen kuy bè yóm kdaw bud kesfulék Jisas edini, lelen tey hegeta kuy ne tey kadaten kuy.

Deng Hegfan 20:12

Ne tonu se yóm kdéen tau deng tehe matay, yó kem tau hol geta kólen bè yó kem olo leneken, gotu le mdà bè solu yóm bangkù sminang bukay yó. Ne omin le lemungkà yó kem bok. Ominen bud wen sotu bok lenungkà le, duhen yóm bok lowil. Ne yó kem tau deng tehe matay, gotu knukum Dwata lu lemwót bè yóm tehe gel nmò le, yóm deng snulat le bè yó kem bok lenungkà le yó.

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

1 Pitér 4:12

Ó kem weu, dou dumu sogot nawa, bê ye tennga yóm tey keglayam ye nim kmoen ni lemwót bè yóm kehtahu ye. Sana ni ne kmoen bè yó kem tau hemtahu, sal wen gónó le glayam.

2 Pitér 3:10

Okóm bè yóm kdaw kesfulék yóm gónó tekuy mogot, tódô kdéen tau gotu ktut, lómón kektut le ke wen mnagaw bélê le. Bè yóm kdaw yó, tódô gungol le yóm tey muni bong, ne tódô kmanas bè ofi yóm longit, ne gotu mkekeb yóm kdéen nô du. Dalang se yóm tonok ne kdéen ton tahen, tódô gotu kmanas.

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

Sulat Pol Ebè Yó Kem Tau Hemtahu Bè Rom 2:16

Duhen yó, ni se kmoen bè yóm kdaw angat kehkukum Dwata ke Jisas Krays yóm kdéen tau. Angat knukumen yó kem deng tehe nmò le, balù yó kem gebnos. Ni se hol nô lem yóm Tulón Hyu gel nwitu.

2 Timuti 1:18

Dwata he hol kmodu du bè yóm kdaw kdaen bè soluhen. Ne sotuhen, deng tngónem ne yóm tehe alì gel któbóngen dou dyó ekni bè Ifisus.

1 Kurin 1:8

Tódô henlelen hembegel du yóm kehtahu ye efet kól bè yóm hol són kdaw anì laen dù bang bud gónó ye megduón ne ke mdà ye bè solu yóm gónó tekuy mogot Jisas Krays.

Malakay 3:17

Yó udél yóm Dwata laen dù là gbeken du, monen, “Lu se yó kem dou tau. Ke hto yóm butengu tmafak tau, lómón ke lu yó kem kimu legen alì mebtes htólóngu mò dou nfun. Là kô tnafaku kul mom knoduhu lu, lómón kkodu yóm mà yóm ngaen logi tendo gel mimón du.

Sulat Pol Ebè Yó Kem Tau Hemtahu Bè Rom 2:5

Okóm balù udì ke dogi hegsel, deng mom hgelem kuluhem. Yóm nmoem yó, deng mom eles hlinokem yóm gónó Dwata angat tmafak kóm bè yóm kdaw kehegfanen yóm kukum tedeng nogoten, ne yóm tey kebuten yó kem sidek gel nmò tau.

Kun Snulat Luk 2:35

Ne bè yóm kekbê le du, yó se gónón gfan yóm kul kehedem gel gbuni bè dumu tau. Ne uu yóm yéen, angat tey sidek kegbeng lemem du snéen kóm bè yóm nmò le béléen. Angat lómó kegnómem du, lómón ke tenbek le sudeng bè kfuhem.”

2 Timuti 3:9

Laen dù sfuhen yóm ktolok le yó. Kaem gfan bè kdéen tau yóm ungel le, lómón yóm tehe kegfan yóm kul ungel le Janis ne Jambris.

Jirimaya 23:29

Yóm dou udél,” mon Dwata, “hol lómón ke ofi gotu kenen kdéen. Ne sotuhen, hol lómón ke bakbak gbeken bemtù botu.

Isaya 28:17

Yó henged btes mò hemtedeng du yóm nmou bè yó, duhen yóm ktedeng kogot le kukum yó kem tauhen ne yóm klaen dù kéng le.” Là gomongen bè nili yóm bérs 18 kól bè 29. Yó tulónen bè ni kem bérs ni yóm tulón Isaya gbak ebè yó kem kmamal bè Jirusalim. Lemwóten bè yóm kmò le kéng ne ksukat le, angat mekto kkól Dwata lem blóng le mung du yóm tey kebuten, hol lómón yóm deng nmoen bè yó kem hohon le. Okóm bè yóm kógówen ni, monen bè bérs 21, “Angat kól mò yóm hentaw ton là deng hnikót ton ye du. Angat kól mò gemlà yó kem kun tau.” Là gomongen bè nili yóm tsaptér 29. Bud htulón Dwata ke Isaya ebè yó kem tau bè Jirusalim yóm kdohò ktafaken kul, abay se deng du yóm hmohon kul. Deng lenibuten Jirusalim nan e nundug lu. Ke deng kundugen kul, ominen kendel bud mundug yó kem hohon le. Bè bérs 13-16, yó udél Dwata gbak ebè yó kem kun tau, monen, “Ni kem tau ni, mon le tauhu lu. Gel mon le tey nadat le ou, okóm olon són bè udél le, tey mayuk béléu yó dum nawa le. Angat dohò genlau lu yó kem tau gel bemnos atul béléu, yó kem tau gel bnos le yó kem sidek gel nmò le. Yó hendem ye, ‘Là kô tonen tekuy Dwata, là kem tngónen du he.’ Tey alì keheklabak ye nim yu! Igò sem Dwata yóm gel mifil ne du se yóm alì geta senta ye.” Dohò yóm keglà le ni kem tau lómón ni, ne angat dohò snéen yóm keglà yó kem hohon le.

Isaya 8:20

Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”

Jirimaya 23:28

Bayaem ne yóm gel tulón yó kem tugod gel kemna yó. Okóm yó kem tau htugodu yóm dou udél, hol le tódô hteneb tmulón du sen yóm udélu. Tey wen gónón stólóng yóm lami halay bè yóm bunguhen.

Malakay 3:2

Okóm bè yóm ksuten, tau du se gembek hembala du? Tau du se gembek mdà bè soluhen bè yóm kdaw kegdeken? Laen duen. Abay se yóm nangat ye yó, hol mkél bè yóm tey ofi gbeken hnò bala tók, duhen ke mkél bè yóm sabun alì lóbô gbeken hbukay nes.

Matyu 10:15

Tódô tulónu kuy ktahuhen, ke deng kól yóm kdaw kkukum Dwata tau, angat tey bong ktafaken kul yó kem tau bè yóm benwu yó senta yóm ktafaken yó kem tau tehe alì mò sidek bè Sodom ne Gomora.”

Matyu 16:27

Yakà angaten bud semfulék edini yóm Ngà Tau,” mon Jisas. “Bè yóm kesfuléken yó, gfan béléen yóm tey kegeta Maen, ne gotu le mung du yó kem gel hógów Dwata gu bè longit. Bè yóm kdaw yó, tódô gotu blayen yó kem tau yóm balà yóm tehe deng gel nmò le.

1 Kurin 3:12

Bè nim gónô ni, wen se fen lemeket du yóm ngom gónô là mlóben, lómón yóm blówón ne tembaga futì ne yó kem botu tilob alì mebtes. Okóm wen se lemeket du yóm ngom gónô mahil mlób, lómón koyu ne kolon ne yó kem dumu doun.

2 Timuti 1:12

duhen nim gónóhu fen glayam ni. Okóm là kóen mili nawahu, abay se deng tngónu Dwata, yóm dou gentud nawa, ne deng tngónu se yóm kegbeken semgifà du yóm kdê deng sigangen tahu efet kól bè yóm kdaw angat kdau bè soluhen.

2 Timuti 4:8

Ne ni, wen deng eles henyu yóm gónó tekuy mogot mò ofolu, yóm ofol blayen bè yó kem tau deng tedeng kmò le. Angat suen béléu bè yóm kdaw kekukumen tau, ne tey tedeng yóm kkukumen. Là kô són du ou se yóm wen ofolen, senged nóm se yóm kdéen tau deng eles tendo hemdón du yóm ksuten.

Hibru 10:25

Hol bê tekuy abay hentula yóm gel ksimba tekuy, lómón se yóm gel nmò kem dumu tau. Yó dé nmò tekuy, hol tekuy segduf mò du, hol néen nim deng kloni yóm kesfuléken edini yóm gónó tekuy mogot.

2 Pitér 3:7

Okóm yóm longit ne tonok gel ton tekuy nim kmoen ni, angat bud lemwót bè udél Dwata snéen gónó le meglà, bede ofi ne tles mò lemsón du. Okóm là tagad nmoen du he efet kól yóm kdaw kkukumen yó kem tau là kmikò du, yóm kdaw keglaen kul.