1 Kurin 3:12 - Udél Dwata: Gna Kesfasad ne Lomi Kesfasad

¹² Bè nim gónô ni, wen se fen lemeket du yóm ngom gónô là mlóben, lómón yóm blówón ne tembaga futì ne yó kem botu tilob alì mebtes. Okóm wen se lemeket du yóm ngom gónô mahil mlób, lómón koyu ne kolon ne yó kem dumu doun.

1 Kurin 3:12 Referans Kwoze

2 Timuti 4:3

Yó gónóhu mon du yóm yó, wen kdaw le là bud hemkmón du yóm tahu tolok yó kem tau. Mom yó lolò le yóm kul knóyô. Ne tey dê tau gónó le htolok, ne són tolok le kul, són yóm nóyô le mò lelen nawa le.

2 Timuti 3:7

Sónmò le móyô htolok yó kem libun yó, okóm là kô glileb le du yóm ktahuhen.

2 Timuti 2:20

Bè yóm gónô bong, tey dê kay ngom ken nô lemen. Wen se ngom nmò le gu bè blówón bukay, ne wen se nmò le gu bè blówón mélél. Wen se nmò le gu bè koyu, ne wen se nifil le gu bè tonok. Yó kem ngom alì mebtes yó, yó he kwen mu le kul ke deng wen mò ken bong. Bong yó du kem dumu ngom ken là mebtesen, mò ngom bè kohù.

Deng Hegfan 21:18

Yóm beng hilolen, hono yóm sotu kay botu bnoluy le dyaspér. Bede yóm syudad yó, deng tódô hono blówón, lómón kolungen sobuy.

Deng Hegfan 3:18

Yó gónóm mon, wen hlauhu kuy. Bemli ye béléu dé yóm tahu blówón anì hol tahu yóm kwen kendengen ye. Ne bemli ye béléu se yóm nes bukay mò lesek ye anì là myak ye bè yóm kógów ye laen dù nes. Ne bemli ye se béléu yóm bulung mata anì bud ye mton.

1 Pitér 1:7

Yó gónón tmilów kuy anì gfan ke hol tahu duhen yóm kehtahu ye duhen ke là. Yóm kehtahu ye, lómón ke yóm blówón gel hlan le bè ofi anì gfan yóm hol tahu duhen. Bong bè yóm blówón, olo kem hlun kimu. Okóm yó dum kehtahu ye, bong muhen senta yóm blówón. Milud he ktilów Dwata du anì tngónen ke hol tahu duhen. Ke là lanahen, tey kdóyónen kuy bè yóm kdaw bud kesfulék Jisas edini, lelen tey hegeta kuy ne tey kadaten kuy.

Kem Lingón 119:72

Tey mebtes béléu yó kem hlauhem senta bè yó kem hilu katihen tahu blówón ne blówón bukay.

Kem Lingón 19:10

Tey kesgalu nawahu du yó kem hlau Dwata. Bong kesgaluhu kul he senta tahu blówón. Ke kenu yóm hlau Dwata, tey mi senta tneb.

Deng Hegfan 2:14

Bede wen se kenbéu bélê ye. Yó kenbéu, deng mom wen bélê ye gemolò du yóm kéng tehe kun tolok Balaam. Nim Balaam ni, tehe wen hlauhen yóm sotu tau hol geta ekni boluyen Balak. Yó hlauhen du, duhen yóm kgoyen yó kem tau Israél anì ken le yóm ken deng dsù le ebè yó kem dwata kéng, ne mung du yóm kmò le samuk.

Hibru 13:9

Bê ye abay gmung bè yó kem tolok sekban, kô niten yu hetlas bè yóm tahu lan. Laen kô dumu hembegel du yóm kehtahu tekuy, tek són yóm kun tóbóng Dwata. Là kóen lemwót bè yóm dê hlii le tekuy bè ken. Yó kem tau lemolò du yóm yó, balù udì ke wen tóbóngen kul bè yóm kehtahu le.

2 Timuti 3:13

Yó kem tau deng solò kmò le sidek ne yó kem dumu tau sekban ktolok le, tódô hlós temnù ksidek nmò le. Snukat le kem dumu le, ne bud le gsukat se kul.

1 Timuti 6:3

Ke wen tau tólóng toloken, ne là segtónen ebè yóm tahu udél yóm gónó tekuy mogot Jisas Krays, ne là se segtónen ebè yóm ktahuhen deng tolok me,

Kulasi 2:8

Duhen ni, hol ten-gama ye anì là gfét ye bè yóm tolok lemwót bè ketngón tau te tonok, yóm laen dù lemen. Yóm kul ktolok yó, dnalang le bè tau, yóm gel hentahu yó kem tau gnan, ne dnalang le bè yó kem tulus sidek nô bè klamangen benwu. Là kóen lemwót bè Krays.

2 Kurin 2:17

Bélê me kum, là kô me mkél bè yó kem dumu tau tmolok Udél Dwata, són filak gel hnebel le. Tey dê se kem tau mò du yóm yó. Okóm lemwót bè yóm khógów Dwata kum, tey gulit kmò me du yóm hmoen kum, hol lómón ke nô me bè soluhen bè yóm gel ktolok me, yakà deng me tóbóng lówó Krays.

Sulat Pol Ebè Yó Kem Tau Hemtahu Bè Rom 16:17

Ni hol monu mò kuy, kem dumuhu setwoli, hol ten-gama ye yó kem tau tô senkla le yóm kessotu nawa ye, ne gel senbeweg le yóm kehtahu ye, lel le gel semkuya yóm tahu tolok deng gel gungol ye. Yó kmò ye kul, tódô ye hlayuk bélê le.

Kul Nmò 20:30

Ne angat wen kdawen,” monen, “angat wen lemwót bè kuy kwen angat tmolok sekban, kóyô le ke gmung bélê le yó kem tau hemtahu.

Jirimaya 23:28

Bayaem ne yóm gel tulón yó kem tugod gel kemna yó. Okóm yó kem tau htugodu yóm dou udél, hol le tódô hteneb tmulón du sen yóm udélu. Tey wen gónón stólóng yóm lami halay bè yóm bunguhen.

Isaya 60:17

Angate mit ebéléem tahu blówón mò tles yóm tembaga gel tenwélem. Ne mite ebéléem blówón bukay ne tembaga mò tles yóm bala tók ne yóm koyu gel wen muhem du. Ne wen bala tók nwitu ebéléem mò tles yóm botu gel wen muhem du. Là bud hen-gnok le kóm ne yó kem tau mogot kóm. Ne henbalingu lu tau tedeng kogot le kukum ne kem tau menek kogot le benwu.

Kem Udél Hlalak Tehe Selumun 30:6

Béem tennù yóm kun udél Dwata déke bnólówen u ne mom gfan ta yóm kwen kéngem.

Kem Udél Hlalak Tehe Selumun 16:16

Mom hyu he yóm kwahem yóm khulung hedem senta tahu blówón ne yóm kélékem yóm khulung temnef senta tembaga futì.

Kem Udél Hlalak Tehe Selumun 8:10

Hol nélékem yóm dou hlau senta tembaga futì ne nélékem yóm ketngón senta yóm tahu blówón.

2 Kurin 4:2

Tey kenbê me kum yó kem nmò sidek gel bnos tau, ne yó kem dumu nmò gónó le gel hemyak knô. Là kô gel nmò me du se kum yóm gel smukat. Bè yóm gel ktolok me udél Dwata, là kô tódô lenbù me du, sal gel tulón me yóm ktahuhen. Ne tódô tngón Dwata se ktahuhen nim monu ni, ne dilô kem dumu tau snéen yóm klaen dù lafinen yóm gel nmò me.

1 Kurin 3:11

Yóm gónô hdà me yó, laen kô dù dumu tud blóngónen, tek sotu, duhen Jisas Krays.

1 Kurin 3:13

Bè yóm kdaw kdà tekuy bè solu Krays, yó he kegfanen yóm deng leket tekuy du yó koni, ke hyu duhen ke là. Bè yóm kdaw yó, wen ofi gónó le tmilów du yóm gel nmò ket tau, nénég le ke là mlóben.

Kehewà 5:12

Tahu se, tódô lenngeb yó kem tau Israél yóm benwu Idyip na a mebel lami.