1 Kurin 3:10 - Udél Dwata: Gna Kesfasad ne Lomi Kesfasad

¹⁰ Lemwót bè yóm kenhulung blay Dwata dou, gónóhen mbegel kehdau du yó kem heheken. Bede tólóng tau fen hemdeng du. Ket tau semtóbóng hemdà du yóm gónô yó, yake hol ten-gamahen yóm kmò kehdaen du.

1 Kurin 3:10 Referans Kwoze

1 Kurin 3:11

Yóm gónô hdà me yó, laen kô dù dumu tud blóngónen, tek sotu, duhen Jisas Krays.

Ifisus 2:20

Bè yóm deng kehtahu ye, lómón ke deng ye baling ngom bè yóm gónô hdà Dwata. Yó heheken yóm gónô yó, duhen yó kem aposol ne yó kem tehe tugoden. Bede yó hol tud blóngónen, duhen Krays Jisas.

Sulat Pol Ebè Yó Kem Tau Hemtahu Bè Rom 15:20

Bè yóm gel ktoloku yóm Tulón Hyu, yó hol sen-galuhu ke yó gónóhu tmolok bè yó kem tau là deng mungol du yóm boluy Krays. Là kóe tmolok bè yó kem benwu deng wen tmolok du.

Danyél 12:3

Yó kem tau hulung hedem, kem tau nit le kem dumu le ebè yóm lan tedeng, angat tey keslinang le hol lómón yó kem blotik bè longit ne laen dù sónen yóm keslinang le yó.

Matyu 24:45

“Tau du de yóm gulit kmoen nmò bè yóm gónón mogot ne yóm hulung hedem? Yó se yóm tau tódô gotu hogoten du yóm tau gónón mogot yó kem dumu tau mò nmò béléen mò fen semgifà kul.

Deng Hegfan 21:19

Yó kem botu gónón myón yóm bengen, tey dê kay botu mebtes sminang heklóón le du, ket kayen, tólóng beteken. Tanayen, yóm botu bnoluy le dyaspér mò heklóón le du. Gewuhen, yóm mon le safar. Getluhen, yóm mon le agét. Gfaten, yóm mon le éméral.

1 Kurin 9:2

Balù yóm là kehtahu le du yó kem dumu tau yóm kélék Dwata dou mò hógówen, là kô henkéng ye du kuy. Lemwót bè yóm deng kessotu ye bè yóm gónó tekuy mogot, yó gónón hol gfan yóm deng khógów Dwata do.

Matyu 7:24

“Duhen yó,” mon Jisas, “yó se tau hmungol udélu, ne nimónen, hol lómón ke du yóm tau hulung hedem hemdà gónô te botu.

1 Pitér 4:11

Ke uu yóm sotu tau wen khulungen tmolok, tódô tolokem sen yóm Udél Dwata. Ke uu sotu tau wen khulungen tmóbóng, hol hlanem bè yóm kgis deng blay Dwata kóm yóm któbóngem kem dumuhem. Ke hyu kwit ye du yóm kenhulung blayen kuy, tey megdóyón Dwata mlan bè yóm któbóngen kuy Jisas Krays. Dwata se yóm hol knóón megdóyón, ne sónen du se yóm hol mfasang. Hol bê ye abay nmò sónen yóm kdóyón kuy du.

2 Timuti 2:15

Hol hotuhem gelem mò du yóm hmò Dwata kóm anì hol gsengel nawahen kóm, ne anì laen bang gónóm myak bè yóm gel nmoem. Yake hol gulit ktolokem du yóm ktahuhen lemwót bè Dwata.

Kulasi 4:17

Ne tulón ye do ke Arkipus, mon ye mò du, “Hol hendengem yóm deng sigangen tahem yóm gónó tekuy mogot.”

Sulat Pol Ebè Yó Kem Tau Hemtahu Bè Rom 12:3

Yóm deng kélék Dwata do gónón wen kwalisu mon du mò kuy yóm kdê ye, bê ye abay nmò uléhen yóm kwit ye du yóm kenhulung ye abay se Dwata yóm bemlay du kuy.

Sulat Pol Ebè Yó Kem Tau Hemtahu Bè Rom 1:5

Mlan bè yóm Ngaen yó, wen tey hyu hmò Dwata dou, duhen yóm gel khógówen dou elem blóng yó kem tau là Ju le anì hol megdóyón Krays. Nitu yóm Tulón Hyu lem blóng le anì gbót nimón le Jisas se kul lemwót bè yóm kehtahu le béléen.

Kul Nmò 18:27

Sotu kdaw bè yó, tulón Apulus yóm kóyóen mógów ebè prubinsya Akiya. Tahu se. Glok le hemwit du sulat yó kem tau hemtahu bè Ifisus anì hnódó le Apulus yó kem tau hemtahu bè Akiya sok kól ditu. Bè yóm kgefeten bè yó, tey wen gónón temgel yó kem tau deng hemtahu bè yó. Yó hol buten yóm kehtahu le, tódô lemwót bè yóm tey któbóng Dwata kul.

Kun Snulat Luk 11:35

Yó ten-gama ye, déke là mnóngen yóm solok ye.

Kehedem Tau Tmolok 12:9

Lemwót bè yóm khulungen hedem yóm tau tmolok du nim ni, gotu toloken bè yó kem tau kdê yó kem deng tngónen. Gotu hennagien yóm lan yóm kdéen udél hlalak, ne gotu sentifesen lu.

Sulat Jim 3:1

Ó kem dumuhu setwoli, béen alì wen bélê ye tô hbaling tau tmolok, abay se deng tngón ye se bong mget kkukum Dwata kul yó kem tau tmolok senta yó kem dumu tau.

1 Timuti 4:16

Hol tenngelem kmoem, ne hol tenngelem se ktolokem. Hol henlelem mò du ni kem ni, abay se ke nmoem, angati gewà gu lem hatay se kóm, dalang se yó kem gel hmungol kóm.

Kulasi 1:29

Hol hotuhu gelu mò du nim nmou ni hlanu bè yóm tey kegbek Krays béléu.

Sulat Pol Ebè Yó Kem Tau Hemtahu Bè Rom 15:15

Okóm bè nim ksulatu ni, là kóe hadà hegbel du bè nawa ye ni kem tulónu kuy ni. Yó gónóhu là hadà tmulón du kuy, abay se lemwót bè yóm tey hyu deng hmò Dwata do.

Kun Snulat Luk 21:8

Mon Jisas se mò kul, “Hol ten-gama ye anì laen dù tau gónó ye gsukat. Abay se angat dê tau sut tô hlingu béléu. Yó angat mon le, ‘Ou se yóm Misaya.’ Ne yó sotu mon le, ‘Deng hto ne yóm hol són kdaw.’ Okóm bê ye abay hentahu lu.

Sikaraya 4:9

“Kun tdok Sirubabél se tehe mbut mò du yóm mò hembegel yóm dou Gónô ne angat bud kun tdok snéen hemdeng du. Ke sok deng nim ni, bè yó gónó ye temngón du yóm hógów do ebélê ye, yóm Dwata laen dù là gbeken du.

2 Tutul Israél 2:12

Hol megdóyón yóm Dwata yó kem tau Israél yóm Dwata mò longit ne tonok. Deng blayen ke Dabid yóm ngaen logi alì hulung hedem, ne dê kenhulungen lelen hulung temnef. Du se hemdà yóm Gónô Dwata, dalang se yóm kun gónô bong.

Deng Hegfan 21:14

Wen sfolò lewu kay botu gónó le hemyón du yóm beng hilol yóm syudad yó mò hembegel du. Bè ket kay yóm botu yó, wen boluy snulat le lemwót bè yó kem sfolò lewu tau tehe nélék yóm Ngà Ubiha mò hógówen.

2 Kurin 10:15

Là kô me megsalù du kum yóm nmò deng gendeng dumu tau, yóm nmò là hmò Dwata du kum. Okóm lemwót bè yóm kgomong ye lemen yóm hmò Dwata kum, yó dé hendón me bélê ye ke hol mbegel yóm kehtahu ye, ne ke nan hol bud temnù yóm kmò me nmò lem blóng ye, syan ke là nulé me du yóm deng hmò Dwata kum.

Kem Udél Hlalak Tehe Selumun 9:1

Yóm khulung hedem lómón ke tau hemdà gónô ne hitu heheken du.

1 Tisalunika 3:2

ne Timuti fen hógów me edyó. Nim Timuti ni, sotu dumu tekuy setwoli, gel tmóbóng kum mit du yóm Tulón Hyu gbak ebè Krays. Yó gónó me hógów du edyó mò temgel kuy ne tmóbóng kuy bè kehtahu ye

2 Pitér 3:15

Yó gónón ganggà bè yóm kesfuléken edini yóm gónó tekuy mogot, hol kóyóen ke wen lan ye gewà gu lem hatay. Lómón ni se yóm gel snulat Pol ebélê ye, yóm sotu dumu tekuy setwoli, hlanen bè yóm ketngón deng blay Dwata du.

Kehewà 36:4

Lemwót yó kem tau wen kenhulung le mò nmò yó, mógów le ebè Musis

Kem Udél Hlalak Tehe Selumun 12:8

Gel megdóyón yóm tau bè yóm kun khulung hedem, okóm yóm tau là temnù kehedemen són mò le semdekà du.