1 Kurin 3:1 - Udél Dwata: Gna Kesfasad ne Lomi Kesfasad

¹ Bè hol ktahuhen, kem dumuhu setwoli, bè yóm tehe ktoloku lem blóng ye, là hsengedu du bè yóm gel ktoloku yó kem tau deng galak bè yóm Tulus Dwata. Yóm ktoloku bélê ye, hol lómón ke toloku yóm tau là deng le hol hemtahu. Hol lómón ke hanà ye ngà bè yóm kehtahu ye.

1 Kurin 3:1 Referans Kwoze

Hibru 5:13

Ne yóm ngà tolo tmutù monu yó, hningónen yóm tau là deng hol tngónen du he yóm kmò kimónen yóm Udél Dwata anì tedeng kmoen.

1 Kurin 2:6

Bè yó kem tau deng mbegel kehtahu le, wen dou ketngón toloku kul. Bede là mkélen bè yóm kul ketngón yó kem tau te tonok, ne là mkélen bè yóm kul ketngón yó kem tau wen kfasang le mogot benwu. Yóm kul kfasang yó, deng sana nbuten monol.

1 Kurin 14:20

Bè ni kem tulónu kuy ni koni, kem dumuhu setwoli, bê ye abay heskél yóm kuy kehedem bè knawa ngà. Yó dé dnalang ye bélê le yóm là khulung le matul mò du yóm sidek. Okóm bè yóm kmò kehedem ye du nim toloku kuy ni, yake kehedem tau tmuha dé kehedem ye du.

Sulat Pol Ebè Yó Kem Tau Hemtahu Bè Rom 7:14

Tngónu yóm hlau, hono lemwót gu bè Dwata, laen kô sidek nô du. Okóm béléu yóm gónón sidek, abay se tauhe gemsalà, gféte bè yóm sidek.

1 Jan 2:12

Yó gónóhu smulat ebélê ye ni, kem ngà, abay se là bud snolò Dwata du bélê ye ne yó kem salà ye lemwót bè yóm deng nmò Krays bélê ye.

Glasya 6:1

Ó kem dumuhu setwoli, ke wen ton ye sotu bè yó kem kuy dumu hemtahu wen gónón btang bè kloloen ke Dwata, hol hen-ganag ye nawa ye tmóbóng du, yu kem tau gulit kloloen du yóm Tulus Dwata, anì mulék hyu se kun. Okóm eles ten-gama ye, kô wen gónó ye gsindil se kuy.

Matyu 16:23

Beklil se Jisas ebè Pitér, monen, “Hlayuki béléu, Seitan. Béem tô henseng yóm nógówu. Là kóen lemwót bè Dwata yóm kehedemem yó, kaem kehedem tau te tonok.”

1 Kurin 14:37

Ke wen bélê ye bè yó hendemen du sotu tau hógów Dwata, duhen ke deng wen kenhulungen lemwót bè Tulus Dwata, kaem dilóen nim snulatu ni hono lemwót bè hlau yóm gónó tekuy mogot.