1 Kurin 2:9 - Udél Dwata: Gna Kesfasad ne Lomi Kesfasad

⁹ Nim gel tolok me ni, hol segtón bè yóm tehe monen bè Sulat Dwata, yóm monen, “Deng wen hentifes Dwata bè yó kem tau kembong nawa du. Yóm hentifesen yó, là kô deng wen hnikót mton du he, ne là se wen deng mungol du. Là kô deng wen hnikót hemdem du yóm mò kmoen.”

1 Kurin 2:9 Referans Kwoze

Isaya 64:4

Laen kô deng tau mton du yóm Dwata lómón uu, duhen ke deng wen gmungol du yóm Dwata gembek mò du yóm tennga nmò bè yó kem tau kemgel du nawa.

Kem Lingón 31:19

Tey bong, Dwata, yóm alì kehyuhem. Tey kbasahem kul yó kem tau wen klikò le kóm. Deng tey bong gendengem bè yó kem tau hofin béléem igò le temngel yó kem tau bè klamangen benwu.

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.

Sulat Jim 2:5

Ni hol hnungol ye, kem dumuhu sogot nawa. Mom monem yó ne kem tau élél lem nim benwu ni yóm nélék Dwata mò baling mdengen bè kehtahu le, ne gmung le bè yó kem tau nogoten, yakà yó du yóm deng tehe fasaden bè yó kem tau kembong nawa du.

Isaya 65:17

Yó udél Dwata, monen, “Wen lomi tonok nmou ne kem lomi longit. Ke deng ye kól du, là bud gtulón nawa ye du ne yóm gna klowil ye.

Hibru 11:16

Okóm wen benwu hendeen le hyu senta yóm benwu yó, duhen yó sem benwu bè longit. Yó gónóm mon, laen kô gónó Dwata myak du yóm kmon le du, “Dwata lolò me kum.” Deng gotu hentifes Dwata bélê le ne yóm benwu gónó le angat nô.

Matyu 25:34

Angat monen mò yó kem nô bè kwananen yóm Hol Geta yó, ‘Géhél ye ne, yu kem tau deng tendo gel tnóbóng Mà. Hlós ye ebè yóm benwu deng tehe eles hentifesen bélê ye lemwót bè hol kbut benwu.

1 Jan 4:19

Deng gegna ne yóm kbong nawa Dwata tekuy, yó se lewót yóm gónó tekuy kembong du nawa.

Kun Snulat Jan 3:16

Tey alì kbong nawa Dwata kul yó kem tau bè klamangen benwu, gloken tódô hamà klowil yóm Ngaen tek sotu, anì yó, kihu tau hemtahu béléen là gógówen elem hatay, okóm gutahen yóm klowil laen dù sónen.

1 Pitér 1:12

Ne bud hetngón Dwata bè yó kem tehe tugoden yó, là bè kul kehyu du yóm hennagì le yó, okóm bè kuy kehyu. Ne tahu se. Yóm tehe gel tulón le yó ekni, deng gel gungol ye se kuy nim kmoen ni lemwót bè yó kem tau gel tmolok bélê ye yóm Tulón Hyu hlan le bè kfasang yóm Tulus Dwata gu bè longit. Yóm kegewà tekuy gu lem hatay, balù yó kem hógów Dwata gu bè longit, tey tô kóyô le temngón du se kul yóm kmò Dwata du.

Matyu 20:23

Mon Jisas, “Tahu se, angat glumfak ye se yóm dou glumfak. Okóm laen dù kwalisu mélék du yóm tau myón fi bè kwananu ne fi bè iwóngu. Dwata se mò du yóm yó. Deng wen ne eles néléken mò angat hyónen bè yó.”