1 Kurin 2:8 - Udél Dwata: Gna Kesfasad ne Lomi Kesfasad

⁸ Nim ketngón Dwata ni, là kô glileb le du kul yó kem tau mogot benwu nim kmoen ni. Ke deng glileb le, là kô htutuk le du bè kros yóm gónó tekuy mogot tehe lemwót gu bè longit.

1 Kurin 2:8 Referans Kwoze

Sulat Jim 2:1

Ó kem dumuhu setwoli, ke deng ye hemtahu bè yóm gónó tekuy mogot Jisas Krays, yóm gónó mogot hol geta bè kdéen, yake béen abay mtukul tau gel hnódó ye.

Kul Nmò 13:27

Yó kem tau menwu bè Jirusalim kkólen bè yó kem tau gel malak kul, là kô dilô le du ke Jisas yóm deng nélék Dwata mò lemwà tekuy gu lem hatay. Ne là kô glileb le du snéen yóm tehe udél yó kem tehe gna tugod Dwata ekni, yóm gel senfala le bè ket Kdaw Kehegnô. Okóm bè yóm khatay le ke Jisas, yó se deng gónón dohò yóm udél gel senfala le yó.

Kul Nmò 7:2

Omin Stéfén malà du, monen, “Yu kem dumuhu setwoli ne kem mau, hol hnungol ye nim tulónu kuy ni. Yóm hanà tehe yu he ekni, tódô hegfan ebè yóm fù tekuy Abraham yóm Dwata hol geta bè kdéen. Bè yóm kudél Dwata ebéléen yó, tolo nô bè Misuputamya he Abraham, là dengen mili ebè Haran.

1 Kurin 2:6

Bè yó kem tau deng mbegel kehtahu le, wen dou ketngón toloku kul. Bede là mkélen bè yóm kul ketngón yó kem tau te tonok, ne là mkélen bè yóm kul ketngón yó kem tau wen kfasang le mogot benwu. Yóm kul kfasang yó, deng sana nbuten monol.

1 Timuti 1:13

Anam yó ne ekni, tey gel sidek kebkóhu ebéléen, ne gel hensideku yó kem gel lemolò du, ne tey gel kehnéu du. Ewenem yó, sana tey kkoduhen dou Dwata, abay se monem tolo là denge hemtahu he ekni, ne tódô óyóu gel mò kul yó kem tehe gel nmou.

2 Kurin 3:14

Ne yó kem tau Israél ekni, là kô glileb le du yóm hmò Dwata ke Musis lem blóng le, hol lómón ke wen seng bè kehedem le. Balù nim kmoen ni, sok gel senfala le yóm tehe hsulat Dwata ke Musis ekni, là kô glileb le du, abay se monem tolo wen seng bè kehedem le. Tek són bè yóm kessotu le bè Krays gónón mkó yóm seng yó.

Kun Snulat Jan 16:3

Yó gónó le angat mò du bélê ye ni kem ni, abay se là tngón le ke Mà, ne là tngón le do snéen.

Kun Snulat Jan 8:19

Bud mon yó kem Farisi, “Nô se maem du?” Mon Jisas se, “Là kô tngón ye dou, sélét mom tô tngón ye Mà ne. Ke deng tngón ye ou, tngón ye se Mà.”

Kun Snulat Jan 7:48

“Bà sotu bélê me kem tau wen glalen ke deng wen hemtahu béléen yóm tau yó, duhen ke wen sotu bè kem Farisi.

Matyu 11:25

Bè yóm keseyón le Jisas yó, tódô mni bè Dwata, monen, “Ó Mà, uu se mogot longit ne tonok. Tey kdóyónu kóm, abay se deng wen heglilebem bè yó kem tau laen dù tngónen, okóm bè yó kem tau wen tngón le, là kô heglilebem du bélê le.

Kun Snulat Luk 23:34

Yóm igò le tmutuk ke Jisas, yó udélen, monen, “Hol hnifótem lu, Mà, abay se là tngón le du yóm nmò le.” Lemwót yó kem sendalù tmutuk ke Jisas yó, sensatù le nesen.

Matyu 13:22

Bong yóm bnék gdek elem yóm angat gónón mfól kluon, hol lómón ke yó kem tau hmungol du yóm Udél Dwata, okóm dê bnukù nawa le bè klowil le, ne gfét nawa le bè kebel le kendengen le. Yó gónón limes yóm kehtahu le, ne laen kô dù bunguhen.

1 Kurin 1:20

Duhen yó, ke yó se nmò Dwata, tedu se gónóhen e kól yóm tau alì temngón, ne yóm tau alì bong hennagien, ne yóm tau alì hulung skuya mon? Deng tódô hdilô Dwata yóm klaen dù muhen yóm kul ketngón yó kem tau te tonok.

Ifisus 1:17

Gele mni bè yóm Dwata alì mfasang, yóm mà Jisas Krays yóm gónó tekuy mogot. Gel hnihu béléen anì blayen kuy yóm kun Tulus mò gónó ye baling hulung hedem, ne mò hegfan du bélê ye yóm kun kmò Dwata anì hol temnù ketngón ye du.

Ifisus 4:18

Tódô kmifu lem hendem le. Laen kô dù kul du yóm lomi klowil deng blay Dwata. Là kô tngón le du yóm ktahuhen, abay se deng hgel le kulu le.