1 Kurin 2:5 - Udél Dwata: Gna Kesfasad ne Lomi Kesfasad

⁵ Duhen yó, tódô lemwót bè kun kfasang Dwata yóm kehtahu ye bè Krays. Là kóen na a lemwót bè khulung tau mudél.

1 Kurin 2:5 Referans Kwoze

2 Kurin 4:7

Bélê me kum kem tau mit du nim Tulón Hyu ni, hol lómón ke kuleng tonok yóm klowil me, bede wen yóm alì mebtes nô lemen. Yó gónó Dwata hmingón du bè kuleng anì gfan yóm là kewóten bélê me yóm tey kfasangen yóm tulón nwit me, okóm tódô lemwót bè Dwata.

2 Kurin 12:9

Okóm mom monen mò do, “Wen gónóhu gel tmóbóng kóm anì gbekem hembala du. Kaem yóm gónóm lunog yó, bè yó se gónón gfan yóm hol kfasangu tmóbóng kóm.” Duhen yó, tey kligalu du yó kem gónóhu gel lunog, abay se là kóen mkó béléu yóm kfasang Krays gel tmóbóng dou.

2 Kurin 6:7

Ne sotuhen, duhen yóm gel ktolok me du yóm hol ktahuhen, ne yóm gel kehegfan Dwata bélê ye yóm kun kfasang. Yóm ktedeng nawa me, yó se henged tók eles tendo kulóng sigel kwanan me, ne lómón ke klung eles tendo nogot me sigel iwóng.

1 Kurin 1:17

Là kô yó du gónó Krays hógów dou ke mabtayse. Okóm yó gónón hógów dou mò tmulón yóm Tulón Hyu. Ne bè yóm ktulónu du, là kô hlanu du bè khulungen mudél tau te tonok. Ke yó tô nmou, déke mom gseng bélê ye yóm tey kfasangen yóm katay Krays bè kros.

1 Kurin 3:6

Ke hningónu yóm nmò me lem blóng ye, lómón ke ou yóm tau fen mò hulu, ne Apulus fen temwél du él. Okóm Dwata fen htowok du.

Kul Nmò 16:14

Yó boluy yóm sotu libun hmungol kum Lidya, lemwót bè syudad Tyatira. Yó nmoen, gel hembalù nes ginggung alì mebtes. Hemtahu bè Dwata se kun. Bè yóm igoen hmungol ke Pol, Dwata fen heglileb du béléen yóm hnungolen, ne hentahuhen.