1 Kurin 2:4 - Udél Dwata: Gna Kesfasad ne Lomi Kesfasad

⁴ Bè yóm tehe kmò ktoloku lem blóng ye, dalang se yó kem tehe gel tulónu kuy, là kô hlanu du bè khulung tau mudél. Okóm tódô lemwót bè kun kfasang yóm Tulus Dwata gónó ye dmilô du yóm hol ktahuhen yóm tulónu kuy yó.

1 Kurin 2:4 Referans Kwoze

1 Kurin 4:20

Abay se bè yó kem tau nogot Dwata, là kô són bè udél du gónó le mfasang, bede tódô gfan bè nmò le.

1 Tisalunika 1:5

Abay se bè yóm tehe kwit me ebélê ye yóm Tulón Hyu, là kô olo udél tau du se yóm yó, okóm tódô gmung bè yóm udél me yóm kun kfasang yóm Tulus Dwata, ne tódô gnóm me se kum yóm hol ktahuhen yóm tulón nwit me yó. Ne deng ton ye snéen yóm kum kmò bè yóm tehe knô me bélê ye dyó, hono bè kuy kehyu nim nmò me ni.

1 Kurin 1:17

Là kô yó du gónó Krays hógów dou ke mabtayse. Okóm yó gónón hógów dou mò tmulón yóm Tulón Hyu. Ne bè yóm ktulónu du, là kô hlanu du bè khulungen mudél tau te tonok. Ke yó tô nmou, déke mom gseng bélê ye yóm tey kfasangen yóm katay Krays bè kros.

1 Kurin 2:1

Ó kem dumuhu setwoli, bè yóm tehe kwitu du ebélê ye, yóm tahu tulón lemwót bè Dwata, yóm tulón tehe gbuni bè yó kem tau gnan, là kô hlanu du bè yóm dou khulung mudél, duhen ke bè yóm tehe alì knagiu.

Sulat Pol Ebè Yó Kem Tau Hemtahu Bè Rom 15:19

duhen yó kem hentaw ton gel hmoen do, ne yóm tey kfasangen bélê le yóm Tulus Dwata. Tehe lemwót bè syudad Jirusalim efete kól ditu bè yóm sotu prubinsya Ilirikum, gotu hetngónu bélê le yóm Tulón Hyu gbak ebè Krays.

2 Pitér 1:16

Yóm gel tulón me kuy lemwót bè yóm tey kfasang yóm gónó tekuy mogot Jisas Krays ne yóm angat bud kesfuléken edini, là kô lenbù tutul du. Kaem deng hyu ton me se kum yóm tey kehegeta Dwata du.

1 Kurin 2:13

Duhen yó, bè yóm gel ktolok me du kuy nim ni, là kô hlan me du bè yóm khulungen mudél tau te tonok. Okóm hlan me bè yóm khulung mudél deng dnalang me bè Tulus Dwata. Ne yóm ktahuhen lemwót béléen, yó se gel tolok me bè yó kem tau gónóhen nô yóm Tulus Dwata.

Kulasi 2:4

Yó gónóhu mon du mò kuy nim ni koni anì duhe kóm, là gtondo ye bè yó kem tau alì hulung mudél, okóm kéng yóm gel tulón le.

2 Pitér 2:18

Tey le hulung mudél, okóm laen dù lemen. Gel hegbóy le yó kem tau hanà lomi kmogol du yó kem knóyô lówó. Yóm kehegbóy le kul, hlan le bè yó kem sidek knóyô lówó le.

1 Pitér 1:12

Ne bud hetngón Dwata bè yó kem tehe tugoden yó, là bè kul kehyu du yóm hennagì le yó, okóm bè kuy kehyu. Ne tahu se. Yóm tehe gel tulón le yó ekni, deng gel gungol ye se kuy nim kmoen ni lemwót bè yó kem tau gel tmolok bélê ye yóm Tulón Hyu hlan le bè kfasang yóm Tulus Dwata gu bè longit. Yóm kegewà tekuy gu lem hatay, balù yó kem hógów Dwata gu bè longit, tey tô kóyô le temngón du se kul yóm kmò Dwata du.

Glasya 1:10

Nim udélu ni koni, yó kô udél yóm tau ke hnebelen kdóyón le du yó kem dumuhen tau? Là kô yó du. Okóm yó dé hol hnebel nawaw, duhen yóm kdóyón Dwata dou. Là kô hnebelu du ke wen tau dmóyón dou. Ke yó tô nmou, là kóe tau tóbóng lówó Krays ilóu.

Sulat Pol Ebè Yó Kem Tau Hemtahu Bè Rom 16:18

Abay se là kô lolò le ke Krays yóm gónó tekuy mogot yó kem tau yó. Són kul knóyô lolò le. Lemwót bè yóm alì khulung le mudél, gel gsukat bélê le yó kem tau là deng tngón le du yóm ktahuhen.

Kul Nmò 20:27

abay se deng hónô tulónu kuy ne yóm kóyô Dwata bélê ye, laen kô dù bunihu bélê ye.

Kem Udél Hlalak Tehe Selumun 7:21

Tahu se, lemwót bè yóm alì khulungen hemtilob hlan du yóm udélen ebéléen gónón gbóy yóm logi ni.

Kul Nmò 26:28

Bnalà Agripa Pol, monen, “Yó kô hendemem ke kendel tô henbalingem ou tau hemtahu bè Jisas?”

Kmukum 16:5

Yó nmò yó kem tau malak bè yó kem Flistin mógów le ebè Dilayla, mon le mò du, “Snukatem Samsun anì tulónen kóm yóm gónón lemwót kgisen ne ke tedu nmò me anì gemmò me béléen, anì gfét me ne anì laen dù bud gmoen. Ke tulónem kum, sket benlay me u lemibu bud lematu botù blówón bukay.”

Kmukum 14:15

Bè yóm gfaten kdaw, yó nmò le sentulón le yehen Samsun, mon le, “Hol hninggelem semtulón ke tuha logihem anì tulónen kóm lan tum ngeden. Ke là, angat ntem me gónô maem ne gomongi mlób se kóm. Mone yó kô gónó ye tminok kum lewu ye maem anì mulék me élél? Yó kô atul ye?”

Jirimaya 20:10

Deng tey dê gungolu udél le etahu. Yó boluy le do, ‘Tau Tendo Likò.’ Ne yó eles mon le mò dou ke bud wen dumu tulónu, angat klamo le o. Balù yó kem tehe weu, sónmò nangat le ke wen gónóhu btang bè udélu. Mon le, ‘Hyu ke wen gónón gholot mò gónó tekuy gembeles béléen.’

Kem Udél Hlalak Tehe Selumun 20:19

Yóm tau lemnek ksumóngen gel tulónen yóm lifut tulón du, yó gónóm mon béi segbót bè yóm tau tódô faen kudélen.

Sulat Pol Ebè Yó Kem Tau Hemtahu Bè Rom 15:13

Yó hem Dwata hol bemlay kuy yóm kligal ne yóm kenek nawa lemwót bè yóm deng kehtahu ye béléen. Du se yóm nefet nawa tekuy. Ne lemwót bè yóm tey kfasang yóm Tulus Dwata gónón hol seflós temnù yóm hendón nefet nawa ye.

2 Kurin 6:6

Sotu bud hemblat du yóm ktau me tóbóng lówó Dwata, duhen yóm klaen dù bolen sidek yóm gel kmò me, ne yóm deng hol ketngón me du yóm gel tolok me, ne yóm kanay nawa me bè yó kem tau, ne yóm kganag nawa me ebélê le. Sotu bud hol hemblat du, duhen yóm kbeyenen bélê me yóm Tulus Dwata, ne yóm tahu kbong nawa me kuy.