1 Kurin 2:15 - Udél Dwata: Gna Kesfasad ne Lomi Kesfasad

¹⁵ Ke deng nô bélê tekuy yóm Tulus Dwata, gotu glileb tekuy ke tedu yóm hyu ne ke tedu yóm sidek. Okóm yóm tau là nóen béléen yóm Tulus Dwata là kô glileben du kun yóm kut kmò.

1 Kurin 2:15 Referans Kwoze

1 Tisalunika 5:21

okóm hol henklol ye ke tahu lemwót béléen. Ke hyu, henmóyô ye

Kem Udél Hlalak Tehe Selumun 28:5

Yó kem tau gel mò sidek là bud getnef le du yóm hol ktedengen, okóm kul yó kem tau gel mimón ke Dwata gotu getnef le yóm ktedengen.

Hibru 5:14

Okóm ke deng nimónen Dwata yóm tau, lómón ke deng gbeken mken yóm ken mgel. Abay se deng tendo gel dnalangen se kun milô du yóm hyu ne yóm sidek.

1 Jan 4:1

Ó kem weu do dumu sogot nawa, bê ye kendel tódô hentahu ke wen tau mon du nô béléen kun yóm Tulus Dwata. Ke yó se gel mon le, na ye na hol nilô bè ktolok le ke tahu lemwót bè Tulus Dwata duhen ke là. Yakà dengen tey dê tau tódô lembù tmugod ke Dwata nim kmoen ni.

1 Kurin 14:37

Ke wen bélê ye bè yó hendemen du sotu tau hógów Dwata, duhen ke deng wen kenhulungen lemwót bè Tulus Dwata, kaem dilóen nim snulatu ni hono lemwót bè hlau yóm gónó tekuy mogot.

Glasya 6:1

Ó kem dumuhu setwoli, ke wen ton ye sotu bè yó kem kuy dumu hemtahu wen gónón btang bè kloloen ke Dwata, hol hen-ganag ye nawa ye tmóbóng du, yu kem tau gulit kloloen du yóm Tulus Dwata, anì mulék hyu se kun. Okóm eles ten-gama ye, kô wen gónó ye gsindil se kuy.

Flipay 1:10

Yó hnihu anì hulung ye mélék du yóm hol hyu bélê ye, ne laen dù belenen yóm kuy kmò, ne laen kô dù gónó ye megduón bè yóm efet kkól Krays.

1 Kurin 3:1

Bè hol ktahuhen, kem dumuhu setwoli, bè yóm tehe ktoloku lem blóng ye, là hsengedu du bè yóm gel ktoloku yó kem tau deng galak bè yóm Tulus Dwata. Yóm ktoloku bélê ye, hol lómón ke toloku yóm tau là deng le hol hemtahu. Hol lómón ke hanà ye ngà bè yóm kehtahu ye.

Kulasi 1:9

Yó gónóm mon, lemwót bè yóm kungol me du yóm kehtahu ye, là kóen skó yóm tendo gel kni me bélê ye bè Dwata. Yó gel hni me béléen anì hol hetngónen kuy yóm kun kóyô, hlanen bè yóm khulung hedem ne yóm khulung milô gel blayen tekuy yóm kun Tulus.

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

Kul Nmò 16:3

Móyô Pol ke niten Timuti bè yóm kógów le. Yó nmoen, nan tnulì anì là kenbê le du yó kem Ju ke gbol lem blóng le. Abay se tódô kdê le bè yó, gotu tngón le tau Grik yóm maen.

Kun Snulat Jan 7:17

Yó se tau móyô mimón yóm kun kóyô Dwata,” monen, “dilóen ke lemwót bè Dwata nim toloku ni duhen ke tódô lenbuu.

Kem Lingón 25:14

Yóm keswè ke Dwata, són yó kem tau wen klikò le du. Lu se gónón hetngón du yóm deng tehe senfasad le yó kem tehe fù le ekni.

2 Samwél 14:17

Yó hendemu, ‘Udél yóm tau hol geta angat bemlay do kenek nawa.’ Abay se yóm uu, hol lómón ke hógów Dwata, dilóem yóm hyu ne dilóem se yóm sidek. Yó hem sana kóm Dwata hol gónó mogot tendo nô béléem.”

1 Jan 2:20

Bong kuy du, deng sù Krays bélê ye ne yóm Tulus Dwata. Yó se gónó ye hulung temnef du yóm ktahuhen.