1 Kurin 2:12 - Udél Dwata: Gna Kesfasad ne Lomi Kesfasad

¹² Yóm kehedem blay Dwata tekuy, là sengeden bè yóm kul kehedem yó kem tau te tonok. Okóm deng sù Dwata bélê tekuy yóm kun Tulus anì gotu tngón tekuy kdê yó kem deng blayen tekuy.

1 Kurin 2:12 Referans Kwoze

1 Jan 2:27

Okóm yó dum kuy, deng sù Krays bélê ye yóm kun Tulus. Anien he ke laen dù tau bud tmolok kuy syan ke senflósen nô bélê ye yóm kun Tulus. Abay se du fen tmolok kuy yóm kdéen, ne laen dù kéng boolen yóm gel toloken kuy, hono tahu. Yó gónóm mon, hol gel nimón ye sen yóm gel toloken kuy yóm Tulus Dwata, ne hol henlós ye yóm kessotu ye bè Krays.

1 Jan 2:20

Bong kuy du, deng sù Krays bélê ye ne yóm Tulus Dwata. Yó se gónó ye hulung temnef du yóm ktahuhen.

Sulat Pol Ebè Yó Kem Tau Hemtahu Bè Rom 8:1

Yó gónóm mon, laen kô bud tafak Dwata kul ne yó kem tau deng ssotu bè Krays Jisas.

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

Sulat Jim 4:5

Là kóen na a kéng yóm monen bè Sulat Dwata, yóm monen, “Yóm nawa deng tehe blay Dwata tekuy, deng mom baling nawa alì móyô mò du yóm sidek.”

Sulat Pol Ebè Yó Kem Tau Hemtahu Bè Rom 8:32

Ke là nalihen du yóm hol tek sotu Ngaen, tódô hamaen klowilen bélê tekuy, sélét mom yó ne là blayen du tekuy yóm kdê deng tehe fasaden tekuy.

Deng Hegfan 22:6

Ne bud monen mò do yóm hógów Dwata deng mudél ebéléu yó, monen, “Ni kem deng tulónu kóm ni koni, hono tahu, ne hono gsalig. Ne yóm Dwata gónó tekuy mogot, yóm tehe gel msù du bè yó kem tugoden yóm Tulusen, du se yóm hógów do anì naw e hetngón bè yó kem tauhen yóm móyón sut ni.”

Ifisus 2:2

Bè yóm kdaw yó, tódô lolò ye yóm sidek kul gel nmò yó kem tau là hemtahuhen bè Dwata. Tódô nimón ye Seitan, yóm gónó le kmulu yóm kdéen mtulus gu talak kmawang. Bud du se yóm gel malak yó kem tau là mimón ke Dwata.

1 Kurin 2:6

Bè yó kem tau deng mbegel kehtahu le, wen dou ketngón toloku kul. Bede là mkélen bè yóm kul ketngón yó kem tau te tonok, ne là mkélen bè yóm kul ketngón yó kem tau wen kfasang le mogot benwu. Yóm kul kfasang yó, deng sana nbuten monol.

1 Kurin 1:27

Okóm yó nmò Dwata, néléken yó kem tau glaan ketngón le mò gónón hemyak yó kem tau temngón lem nim benwu ni. Ne néléken yó kem tau laen hol genbek le mò gónón hemyak yó kem tau wen genbek le lem nim benwu ni.

Deng Hegfan 12:9

Tódô tudà le etalak tonok yóm swaga hulô yó, yóm tehe ulal là kna lemwót bè kbuten, duhen Seitan, yóm alì hulung dmelem, yóm alì hulung smukat yó kem tau bè klamangen benwu. Tódô tudà le etalak tonok, mung du yó kem gel hógówen.