1 Kurin 2:1 - Udél Dwata: Gna Kesfasad ne Lomi Kesfasad

¹ Ó kem dumuhu setwoli, bè yóm tehe kwitu du ebélê ye, yóm tahu tulón lemwót bè Dwata, yóm tulón tehe gbuni bè yó kem tau gnan, là kô hlanu du bè yóm dou khulung mudél, duhen ke bè yóm tehe alì knagiu.

1 Kurin 2:1 Referans Kwoze

1 Kurin 1:17

Là kô yó du gónó Krays hógów dou ke mabtayse. Okóm yó gónón hógów dou mò tmulón yóm Tulón Hyu. Ne bè yóm ktulónu du, là kô hlanu du bè khulungen mudél tau te tonok. Ke yó tô nmou, déke mom gseng bélê ye yóm tey kfasangen yóm katay Krays bè kros.

1 Kurin 2:13

Duhen yó, bè yóm gel ktolok me du kuy nim ni, là kô hlan me du bè yóm khulungen mudél tau te tonok. Okóm hlan me bè yóm khulung mudél deng dnalang me bè Tulus Dwata. Ne yóm ktahuhen lemwót béléen, yó se gel tolok me bè yó kem tau gónóhen nô yóm Tulus Dwata.

1 Kurin 2:4

Bè yóm tehe kmò ktoloku lem blóng ye, dalang se yó kem tehe gel tulónu kuy, là kô hlanu du bè khulung tau mudél. Okóm tódô lemwót bè kun kfasang yóm Tulus Dwata gónó ye dmilô du yóm hol ktahuhen yóm tulónu kuy yó.

2 Timuti 1:8

Duhen yó, béem kenyak tmulón du yóm deng tngónem gbak ebè yóm gónó tekuy mogot. Béem kenyak se nim fen kegkukubu lanu mimón ke Krays. Ne béem hentaw ke wen gbunuem bè kwitem du yóm Tulón Hyu. Dwata he temgel kóm.

Sulat Pol Ebè Yó Kem Tau Hemtahu Bè Rom 16:18

Abay se là kô lolò le ke Krays yóm gónó tekuy mogot yó kem tau yó. Són kul knóyô lolò le. Lemwót bè yóm alì khulung le mudél, gel gsukat bélê le yó kem tau là deng tngón le du yóm ktahuhen.

Kehewà 4:10

Okóm mom yó balà Musis du, monen, “Hnifótem o, Dwata. Béem hógów ou etu. Yakem hulunge mudél lem blóng tau dou. Tódô lemwót bè kbuten efet nim kestulón te ni, là kóe hol hulung mudél. Malù batul kudélu.”

2 Kurin 11:6

Baluen ke là hole hulung mudél, okóm là kóen olo udì se ketngónu du yóm ktahuhen. Deng hónô dilô ye se nim monu ni bè yóm klawi me nô lem blóng ye.

Deng Hegfan 1:2

Ne lemwót ke Jan, du bud tles tmulón du yóm deng tonen. Ni sii yóm snulaten gbak ebè yóm tehe tulón Dwata ke Jisas, ne yóm ktahuhen deng hegfan Jisas Krays béléen.

1 Jan 4:14

Deng hol ton me se kum yóm deng khógów yóm Mà tekuy bè longit yóm kun Ngà mò lemwà tekuy gu lem hatay, ne ni se yóm gel tulón me.

2 Tisalunika 1:10

bè yóm kdaw kkólen yó. Yó se yóm kdaw hol kegdóyónen bè yó kem kun tau, yóm kdaw hol kadat le du yó kem tau hemtahu. Angat ye gomong se kuy, abay se deng hentahu ye yóm tehe tulón me kuy.

1 Kurin 1:6

Lemwót bè yóm deng tey kbegelen yóm kehtahu ye du yóm tulón me kuy gbak ebè Krays,

Kul Nmò 22:18

Yó monen mò dou, monen, ‘Géhél tnagakem Jirusalim ne, abay se henda yó kem tau ke tô tulónem o bè ni.’

Kul Nmò 20:21

Yó gel monu mò yó kem Ju dalang se yó kem tau là Ju le, monu, ‘Hol ye hegsel ne knogol ye ne yó kem sidek gel nmò ye, beklil ye ebè Dwata ne, ne hemtahu ye bè Jisas, yóm hol gónó mogot.’

Isaya 8:20

Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”

Deng Hegfan 19:10

Botonge tódô hegluduk klohok tihen lanu tô dmóyón du, okóm mom yó monen mò do, “Bê. Béem nmò yó. Tódô senged kut fen gel tóbóng lówó Dwata. Dalang se yó kem dumuhem setwoli là mkó du nawa yóm ktahuhen tehe gel tolok Jisas kul. Olon Dwata dé hol dóyónem.” Yakà ktahuhen du yóm tehe tolok Jisas, yóm ktahuhen yó tehe gel htulón Dwata yó kem tugoden ekni.

Deng Hegfan 1:9

Ou se Jan, yóm sotu dumu ye setwoli. Lemwót bè yóm klolou ke Jisas, denge mkél bélê ye ne bè yóm kehbala ye du yóm keglayam sut bè yó kem tau nogot Jisas. Ni deng mom htólóng le o bè ni bè Patmus, yóm sotu hungul nô talak mohin. Yó duón le do lanu tmolok yóm Udél Dwata, ne yóm ktahuhen lemwót bè Jisas.

1 Timuti 1:11

Yóm monu tahu tolok ni, yó sem Tulón Hyu deng sigang Dwata tahu mò hetngónu ebè yó kem tau. Nim Tulón Hyu ni, lemwót bè Dwata, yóm hol hyu bè kdéen, yóm knóón dmóyón du.

2 Kurin 10:10

Wen se gel mon du kun, “Tey des udélen yóm Pol ke bè sulat. Okóm ke suyó tekuy du, tey tau lunog, là hulungen mudél.”

Sulat Pol Ebè Yó Kem Tau Hemtahu Bè Rom 16:25

Hol dóyón tekuy dé Dwata. Du se yóm gembek hol hbegel kuy bè kehtahu ye hlanen bè yóm Tulón Hyu gel nitu gbak ebè Jisas Krays. Nim Tulón Hyu ni, ni se yóm tehe gbuni bè yó kem tau gnan ekni.

1 Kurin 2:7

Yóm ketngón gel toloku ni, yó se yóm ketngón Dwata tehe gbuni bè kem tau gnan. Okóm gu laan Dwata là deng dmimun du yóm benwu, deng sana eles tngónen yóm kmò kehlanen du bélê tekuy yóm ketngónen yó anì wen klowil tekuy laen dù sónen.