1 Kurin 16:9 - Udél Dwata: Gna Kesfasad ne Lomi Kesfasad

⁹ Tey dê tau bè ni móyô hmungol du yóm udél Dwata, ne tey wen gónón e kól yóm knóu bélê le, balù yóm tey dê tau tô hemseng du yóm nmou.

1 Kurin 16:9 Referans Kwoze

2 Kurin 2:12

Bè yóm kkólu bè syudad Truas na a tmulón du yóm Tulón Hyu gbak ebè Krays, deng sana wen lan nmò yóm gónó tekuy mogot anì nmou yóm hmoen dou bè yó.

Kulasi 4:3

Ne hol gel utóm ye mi snéen bè yóm gel kni ye anì wen lan nmò Dwata mò gónó me hetngón du bè yó kem dumu tau yóm tehe bunihen bélê le, duhen Krays. Yakà ni du buten yóm gónó le bmanggù do.

Kul Nmò 14:27

Bè yóm deng kkól le bè Antyok, gotu sentifun le yó kem tau hemtahu, ne gotu tulón le kul se yóm deng nmò Dwata hlanen bélê le. Gotu tulón le yóm nmò Dwata mò gónó le hemtahu bè Jisas se kul yó kem tau là Ju le.

Flipay 3:18

Abay se tey dê tau tódô dilóem bè kekdol le yóm khohon le yóm katay Krays bè kros. Deng dê duléku ne tmulón du kuy nim ni, botong mosok lewoku nim bud ktulónu du kuy ni.

1 Kurin 15:32

Deng tey keglayamu bè nim knóu bè Ifisus. Yó kem tau hmohon dou bè ni, hol lómón tô le knawa ógóf lóbô gu lem bnes. Tedu muhu alì hbala bè ni du ke là se angat bud hlowil Dwata do hulin kdaw? Ke là se angat bud hlowil Dwata dou, mom hyu ke tódô lolou yóm gel mon dumu tau, yóm gel mon le, “Eles tnana kuy hol segwas mken ne minum, déke matay tekuy kehaya.”

2 Kurin 1:6

Ke wen gónó me glayam, kem kunen ne yó, abay se bè yó gónó me gel tmóbóng kuy, ne mò gónó ye gmuta du yóm klowil laen dù sónen. Ne ke wen gónó Dwata tmóbóng kum, yó se gónó me hulung tmóbóng kuy anì gbek ye hol hembala du yó kem gónó ye gel glayam, yóm keglayam hol senged bè yóm kum gónó gel glayam.

Sulat Jim 5:16

Yó gónóm mon, hol ye gel seflifót, ne hol ye gel stóbóng mni bè Dwata yóm kdê ye anì kó Dwata bélê ye ke wen tenduk ye. Yóm tau hyu kmoen, tey mtud yóm knihen bè Dwata.