1 Kurin 16:7 - Udél Dwata: Gna Kesfasad ne Lomi Kesfasad

⁷ Là kóyóu du ke olohu likót gdóng ke mógówe edyó. Ke kun kóyô yóm gónó tekuy mogot, hyu ke malù legen yóm knóu bélê ye.

1 Kurin 16:7 Referans Kwoze

Kul Nmò 18:21

“Ke kun kóyô Dwata, angate bud gemdà dini.” Ominen bud smakay kafal lemwót bè yó bè Ifisus.

Sulat Jim 4:15

Yake mon tekuy dé, “Ke kun kóyô yóm gónó tekuy mogot, nan hol hlowil tekuy anì wen gmò tekuy.”

1 Kurin 4:19

Okóm ke mlan bè kun kóyô yóm gónó tekuy mogot, là legenen bud ton ye ou dyó. Naw e hnénég yóm kul kfasang yó kem tau alì hegmón bè yó. Hnénég tekuy ke tahu, duhen ke són bè udél le gónó le mfasang.

2 Kurin 1:15

Bè kegnómu du, tolo wen kligal ye béléu. Yó gónóhu na gna tô slob bélê ye bè yóm kógówu ebè prubinsya Masdunya, ne bude tô slob bélê ye bè yóm kkólu gu ditu anì lewu duléku tmóbóng kuy. Ne sotuhen, anì yu fen hewót dou bè yóm kógówu ebè prubinsya Judiya.

Sulat Pol Ebè Yó Kem Tau Hemtahu Bè Rom 1:10

Yó hol hnihu bè Dwata anì wen lanu hol mauy kuy ke lemwót bè kun kóyô, abay se deng tey kegenu ne tendo móló mógów edyó.

Jirimaya 10:23

Ó Dwata, tngónu se yóm klowil tau là kô kun du. Laen dù tau tódô gembek matul du yóm kun kmò klowil.

Kem Udél Hlalak Tehe Selumun 19:21

Tey dê yó kem atul nô lem hendem tau, okóm són yóm kun kóyô Dwata baling du.

Matyu 3:15

Bnalà Jisas se, monen, “Kendolen ne. Hyu ke gotu nmò te yóm kóyô Dwata bélê te.” Tahu se, bnabtays Jan Jisas.